師傅點算｜嘉寶師傅現場拆解「戀愛腦」空姐眼角淚癦 In Lee為「極品」A0男粉絲破局尋姻緣

由「資深廟祝」火火、「實習廟祝」施焯日（Arthur）主持TVB Plus（82台）全新直播互動綜藝節目《師傅點算》逢周一晚9點半及周二晚9點35分直播。

昨晚舉行首場粉絲聚會。

三位師傅為粉絲指點迷津。

昨晚（12日）主題「有緣相聚」，節目舉行首次「Fans Meeting」， In Lee、羅泳嫻（裸泳）、趙嘉寶三位師傅為8位單身現場觀眾指點迷津，尋找好姻緣。嘉寶師傅先為任職空姐的Kathryn贈言，提到對方左眼眼角有痣，她說︰「圓形唔係不規則嘅，所以你粒係好癦，你情感太豐富好容易喊、感動，同理心強容易有異性緣，但又容易被情所困，情感會較波折。睇到你條命好易有三角戀、爛桃花，所以身邊多渣男出現。」Kathryn直認是「戀愛腦」一名，年過30歲希望可以早點結婚生仔。嘉寶師傅為她派定心丸，並以自己為例說︰「在下都過30，今年都結婚，所以年齡唔係問題。」Kathryn被批真命天子好有機會於後年出現，給出的提示是另一半辦事能力強、頗有社會地位。但缺點是較急躁且控制欲強。但最令Kathryn最安心的是婚後二人會有孩子。

空姐Kathryn眼角有「淚廛」。

嘉寶師傅自揭今年將拉埋天窗。

8位粉絲獲即場拆解姻緣運。

接下來In Lee師傅為觀眾Barry看姻緣，Barry為A0一名希望可以打破困局，他自我介紹時說︰「我係一名咖啡師，未拍過拖。因為天秤座所以眼角比較高，屬於『外貌協會會長』……」想不到鬼馬的In Lee師傅聞言，即場搞氣氛情挑對方，反問︰「我得唔得呀？」身旁的Barry想也不想回答表示「得」，令現場充滿歡樂。In Lee師傅為對方開啟手腕上的「姻緣紅線」，她說︰「佢條紅線有『轟轟』聲嘅，呢個係鐵尺嘅聲音，因為佢嘅準則高，所以紅線嘅硬度比較硬。神明話『阿仔你要求太高，好難搞』，但Barry好好仔，想將最好、最優質嘅第一次，留畀最鍾意嗰個……」此話一出令Barry露出尷尬表情無奈承認，令現場再度起哄，亦讚賞他的貞忠。In Lee師傅表示Barry暫時未夠成熟，正所謂「你睇人、人睇你」，神明同時提醒他宜先發展事業，有安穩的工作，自然有機會吸引到心水的女孩子，她補充說︰「要你事業有成，先至有選擇。」

A0粉絲Barry在現場帶來不少歡笑。

In Lee師傅忠告Barry先專心發展事業。

由「資深廟祝」火火、「實習廟祝」施焯日（Arthur）主持TVB Plus（82台）全新直播互動綜藝節目《師傅點算》逢周一晚9點半及周二晚9點35分直播。

昨晚節目主題「離奇命．離奇案」。

昨晚（5月11日）節目主題「離奇命．離奇案」，In Lee師傅的徒弟阿倔就擁有這種命數，他透過phone in在節目跟觀眾分享奇遇。阿倔透露不單多次經歷險死，連帶不少身邊人都會離奇死亡，講到首次跟死神擦過，要數到小學跟家人到台北旅行，他說︰「嗰時分兩架的士去目的地，人好攰挨住車門瞓着。車去到中途度門忽然打開，半邊身已經跌咗出車，好彩隻腳仲勾住屋企人，先至無事。」阿倔當時沒有為意，只當自己粗心大意。到外國讀書時坐同學車時再出意外，遭大貨車攔腰撞向副駕位，汽車被撞到變形，當眾人以為阿倔必死無疑時，他竟然絲毫無損，這時才驚覺條命有「問題」。他到回港工作時有再有「靈魂出竅」、「鬼上身」及「食香」等怪事發生。

（左起）嘉寶師傅、In師傅及裸泳師傅。

火火被阿倔的奇遇嚇一跳。

阿倔直言不單運氣一直奇差，連帶身邊人亦沾染這股「黑氣」，香港的「十大奇案」竟然兩單跟他有關係，他說︰「小學有一對一齊搭校車嘅孖仔同學好朋友，有一排唔見咗佢哋，直到睇電視先知佢哋俾阿媽捉咗去跳樓，好在有一個掙扎走甩咗。」據報道該位母親為一名癮君子，經常迫兩位小朋友一齊吸毒，可能精神失常而導致跳樓慘劇。另一單奇案更是令人震驚的「烹夫案」，案中死者正是阿倔的契爺。至於其他死於非命的同學、朋友或者合作夥伴更是不計其數，他似乎命犯天煞。

In Lee師傅獲天后娘娘叮囑收阿倔為徒。

In Lee師傅獲天后娘娘叮囑收阿倔為徒。

In Lee師傅表示跟阿倔認識差不多十年，而近一、兩年才建立師徒關係，緣起於天后娘娘的叮囑。In Lee師傅由推搪到接受，她解釋說︰「你想收啫都要人哋肯，娘娘解釋阿倔嘅善心應該值得揀，佢係神明挑選嘅奇人，幫佢改變咗命格之後，等佢多啲貴人扶持，減少佢嘅意外。」

昨晚節目主題「離奇命．離奇案」。