政事
經常被傳出選的財爺曾俊華，昨日在北京先後到訪發改委及港澳辦，港澳辦主任王光亞親自在大門迎接，有媒體話去年12月曾俊華訪京時王光亞無在門口迎接，講到今次見面規格甚高咁話。
不過高人講，今次特區政府咁多人一齊來，除了財爺外，又有財經事務及庫務局局長陳家強及金管局總裁陳德霖，光亞叔出來迎接，只是一般禮數，唔值得大造文章。
曾俊華昨日拜訪港澳辦後，多次被記者問到，是否獲中央開綠燈參選特首，他只微笑揮手，沒開腔回應。
高人話，昨日咁大棚人一齊會見，當然唔會講特首選舉的事情，難道對住陳德霖，講「不鼓勵」曾俊華參選咩。
據悉，財爺留京期間，但再和光亞叔見面，若然對其參選亮起紅燈，將會在那些私下會見的場合透露。
Ariel
** 博客文章文責自負,不代表本公司立場 **
前立法會主席曾鈺成早前不和肥彭同場出席一個論壇，被指受壓不去。曾鈺成在論壇上被民主黨劉慧卿質詢，有妙問妙答。
卿姐發問，指曾鈺成「既然有興趣參選特首，但一感到北京的壓力，就缺席有前港督彭定康同場出席的論壇，將來香港人承受好大壓力時，我哋期唔期望你有膽為700萬香港人 講說話，定係又係脆低？曾生你呢件事令好多人好詫異，點解你軟弱得咁緊要？」
呢啲問題難唔到曾鈺成，佢笑住回應：「Emily，你出來選吖！ 包保你唔會軟弱。」他又話如果劉慧卿的說法成立，那麼他便不適合做特首，自己也不會反對。
曾鈺成又講，如果自己出席有彭定康一齊出席的論壇，會令更多人很嬲，「我寧可劉慧卿嬲，抑或寧可民建聯的楊孫西嬲？阿西哥有支持我個智庫成立喎」，他的說法博得台下拍掌和笑聲。 他重申自己不出席該論壇，非因壓力，而是無謂太多是非。
政壇八卦友就話，呢個世界人人都有老細，睇嚟阿西哥有出錢支持曾主席的智庫，咁照顧吓老細感受， 都係人之常情啦。
