重案解密｜何佩瑜自導自演綁架親生女 盼BB女無心理陰影

模特兒出身轉戰影壇的何佩瑜（Jeana），最近在TVB熱播的寰亞電視劇《重案解密》，飾演狠毒媽咪，為錢財綁架親生BB女，更將她放入行李箱偷運到郊外，掩人耳目。Jeana表示拍攝這場戲之後，感到非常心痛和內疚，希望不會造成BB女心理陰影。

《重案解密》劇照

Jeana 在《重案解密》中「綁架女嬰案」單元飾演「李素貞」，與前重案組警員、之後轉行從商的「吳亨通」（張松枝飾演）發展婚外情，二人育有一名初生BB女「小妍」。但與此同時，貪錢的「素貞」竟與飾演秘密男友「向安廸」的梁烈唯，夾計綁架自己的BB女，騙張松枝巨額贖款。最惡毒是她餵BB女食藥後放入行李箱，再帶去郊外躲藏，豈料遭男友反過來威脅，加上他有虐兒前科，BB女生命危在旦夕。「素貞」恨錯難翻，在千鈞一髮被苗僑偉（三哥）飾演的Ben Sir和岑麗香飾演的嚴灼穎等警員成功營救，壞人繩之於法。

《重案解密》劇照

《重案解密》劇照

《重案解密》劇照

「戲中我係飾演一位媽咪，本來同小朋友拍戲好開心，因為我好鍾意小朋友，我湊大我細佬。但有一幕我真係好內疚，就係我要將BB女擺入行李箱，拍攝嗰陣我起晒雞皮。點解媽媽可以餵個女食藥然後放入喼？呢幾個好簡單嘅動作，令人好心寒。當時導演叫我用兩個方式演繹，一個係狠心，另一個係有啲猶豫。」無論導演最終用了Jeana哪個版本，她只希望這場戲，不會令BB留下心理陰影。

《重案解密》劇照

《重案解密》劇照

由於「吳亨通」報警，「李素貞」無奈配合調查，她重組案情時，其中一幕Jeana推著BB車，與三哥、香香、陳嘉寶、胡卓希及一班軍裝警員，在土瓜灣穿梭大街小巷，戲裏戲外都吸引不少市民圍觀。Jeana揚言被三哥氣場震懾，「三哥實在太瀟灑，氣場好勁，喺佢隔離都暈浪，人又Nice又風趣幽默，同我哋一班後輩打成一片，係一位非常好嘅前輩。」

拍攝花絮

拍攝花絮

拍攝花絮

拍攝花絮

吸引不少市民圍觀。

拍攝花絮

拍攝花絮

連日播出的《重案解密》，無論是劇中演員，抑或改編自香港過去15年間，全城矚目的真實奇案故事，都引起網上熱烈討論，今晚（5月15日）將會播出一連兩集大結局，劇迷絕對不能錯過。

何佩瑜（Jeana）日前以「香港交通安全隊宣傳長官」身份，出席「香港交通安全隊全港幼兒步操比賽」，擔任頒獎嘉賓。Jeana指雖然自己讀書時未有參與制服團隊，但今次跟這麼多小朋友互動，他們的童言無忌，更弄出搞笑場面，令她非常開心。

何佩瑜日前以「香港交通安全隊宣傳長官」身份。

出席「香港交通安全隊全港幼兒步操比賽」，擔任頒獎嘉賓。

講到活動感受，Jeana完全心心眼，「覺得好有意義，自己好鍾意小朋友，平時唔知道有乜嘢方法可以為小朋友做啲嘢，而家做咗交通安全隊嘅宣傳長官，可以參與、為小朋友宣傳交通安全，覺得好開心。之後仲會有其他活動，我會唱一首兒歌添。」她又大讚小朋友制服好可愛，「今次是幼兒班，佢哋非常有禮貌同紀律，幫佢哋掛獎牌嘅時候都會『多謝Madam』，同佢哋相處好快樂。」不過全場最爆笑的一幕，就是頒獎時有位小朋友隨口說了句「多謝姨姨」，Jeana即場笑爆，「我忍唔住即刻笑咗出嚟，然後佢隔籬個小朋友提佢喺『Madam呀』，哈哈，大家喺度笑。」

何佩瑜

何佩瑜

大合照

Jeana透露之後將會跟交通安全隊成員一齊參加扒龍舟比賽，並已經開始練習，「第一次扒龍舟，以前從來都冇接觸過。而家不停同隊員一齊練習。第一次練習唔係好識，冇帶手套，所以濕水嗰隻手磨損咗。最緊要係損咗，下一次練習會仲痛，哈哈，所以要帶手套。」雖然磨損手，但Jeana平時都有做開運動，所以練習過後沒有出現肌肉酸痛情況，反而大有收穫，「基本上我每日或者隔日有跑步同游水，練習完幾堂，反而隻手開始出現老鼠仔，哈哈。」

影片截圖

影片截圖

Jeana指練習期間學到團隊精神，「扒龍舟真係唔係靠某幾個人或者一人，係全體人員聽住口號好齊咁去做動作，一唔齊就會影響速度。教練講過最緊要係動作一致，整齊就好。第一次感覺到咁集中嘅團隊精神，藉此機會亦都挑戰自己。」

影片截圖

影片截圖

影片截圖

另外，Jeana於劇集《重案解密》飾演狠毒媽咪，討論度極高。她坦承飾演這個角色時內心不舒服，「因為第一次拍真人真事，所以要投入角色，真係要過自己心理關口。今次亦都睇咗好多相關嘅報道去了解角色。」她又感慨地說：「自己內心覺得苦毒不吃兒，無論小貓小狗小鳥都會為咗自己的孩子甚至犧牲自己，真係唔明白點解會有咁樣嘅親生母親。」Jeana亦跟導演商量過演繹方式，「究竟佢喺警察面前做喊戲係咪要做得虛偽啲？所以真相大白嘅時候嘅演繹唔係真誠嘅慚愧。」這個角色真的考起她的演技及心理質素。

《重案解密》劇照