區永權晒昔日結婚相慶祝玫瑰婚 發表愛妻宣言冧爆老婆

藝人區永權（Albert）一向是圈中好好先生，多年來對老婆Clara愛護有加，轉眼間兩公婆已婚17年，適逢結婚紀念日，區永權就在社交平台晒出與老婆當年的結婚相、一家四口的舊照，以及兩公婆甜蜜撐枱腳慶祝的照片。

區永權與老婆Clara

一家四口

區永權又分享與當年與老婆拍拖點滴，「呢位咁正嘅人妻，同佢相識20年，當年仲係2006德國世界盃，點解我記得？！因為我記得囉！皆因當時經常搵藉口，話約佢出嚟睇波囉，你懂的！」二人拍拖三年後拉埋天窗，結婚一周年就收到老婆懷孕的喜訊，之後更「一年抱兩」，區永權笑言：「呢份大禮，銘記於心！」

區永權IG圖片

區永權IG圖片

區永權IG圖片

之後，區永權再發表愛妻宣言：「現在結婚17年，而我，就從當年嘅青靚白淨，到宜家已經要戴老花眼鏡，唯一不變嘅，就係對區太嘅愛，Love you forever! 妳係最好嘅Honey，最好嘅Mami！」兩公婆恩愛程度羨煞網民，紛紛留言祝福二人永遠幸福，圈中好友翟威廉更表示：「地球暖化都是因為你這種暖男」，蕭正楠就大呼：「甜到糖尿！」

區永權IG圖片

翟威廉留言

蕭正楠留言

TVB娛樂訪談節目《一周星星》，本周日晚（6月14日）10點05分翡翠台播出。今集嘉賓請來「黃金拍檔」洪永城（Tony）和黃翠如（Priscilla），接受主持區永權（Albert）訪問，三人相識多年老友鬼鬼，在節目中無所不談，笑聲不絕。

Albert（左起）、翠如同Tony相識多年，老友鬼鬼。

翠如曾經懷疑Albert性取向。

在「獨家考古」環節中，Tony和翠如回看2013年在綜藝節目《走過浮華大地 亞洲篇》，他們竟神預言未來自己分別會生女和生仔。Albert忍不住爆料，直指有一次幫Tony主持「BB性別儀式」，Tony聽到老婆陀第二胎又是女兒時的反應超愕然。Tony解釋女兒出生當然感動，但身為爸爸固然緊張又擔心，至於Tony擔心什麼？就要留意節目播出。講到「對親家」話題，翠如透露老公蕭正楠很喜歡Tony的大女Amber，Tony即開玩笑說：「我哋有個家訓，唔會同姓蕭一齊。」果真幽默風趣呀！

當年翠如同Tony已神預言未來各自生仔同生女。

二人有講有笑，翠如仲笑到見牙唔見眼。

有兩個女嘅Tony到底緊張咩呢？

在「本尊Fact Check 」環節，提到有傳「Tony力追翠如多年？或翠如管不住Tony而放手？」翠如斬釘截鐵地說：「我絕對唔係佢鍾意類型，佢絕對唔係我鍾意嘅類型，我哋兩個之間從來冇愛情出現。」她強調難以接受姊弟戀。

Tony初入行時，被指撞樣崔建邦。

《走過歷史大地》入面，Tony好大隻喎！

《一周星星》其中一Part精彩位是邀請圈中好友分享趣事，翠如因拍劇集《黑色月光》與楊卓娜和妹妹楊茜堯成為好友，楊卓娜好奇翠如為何邀請前輩黃日華（華哥）加入她們與楊茜堯組成的女子私聊群組，原來翠如和華哥有密切關係，更爆華哥主動要求加入她們的群組！

圈中好友隔空分享趣事。

圈中好友隔空分享趣事。

翠如同黃日華到底咩關係呢？

節目另一爆笑位就是，三人回憶舊時講真心話，就連Albert都話：「有少少驚。」翠如大爆入行時曾懷疑Albert的性取向，Albert又爆Tony曾試過被誤認某幾位大鼻男星，被封是翻版成龍﹑崔建邦及吳大維，Tony更會透露最想似哪一位前輩，想知就要睇節目。

翠如雖然已為人母，但依然少女味十足。

Tony笑爆肚咁滯。

二人嘅友誼真係令人羨慕。

另外， Tony與翠如主持的全新綜藝節目《走過歷史大地》將於周一（15日）首播，Tony透露用AI輸入指令將自己變成「大隻Tony」，翠如笑言似足羅子溢身形，卻遭Tony吐槽，非常搞笑。想知道更多節目精彩內容，敬請收看本周日播出的《一周星星》。