Theresa傅寶誼剖白心境 歷年沉澱換來新歌《成年禮》

相隔五年，傅寶誼（前名：傅穎）（Theresa）再次推出廣東作品，歌曲《成年禮》將於明天（5月20日）上架。這次不單止歌詞有她滿滿的心聲，就連整個MV都由她跟兩位女生拍檔一手包辦，誠意十足。

Theresa傅寶誼

Theresa傅寶誼

講到新歌《成年禮》的意思，Theresa解釋，這個並非大家18歲那種通俗意義上的Ceremony，而是人生下半場、真正成為一個心智成熟的大人之後，所得到的一份禮物，「呢個『禮』係禮物嘅意思。」

Theresa傅寶誼

歌詞方面Theresa有份參與創作，內容非常直白，全部是她的心聲。歌詞講述人生上半場，由小時候到年輕時曾經遇到的挫折及紛爭，曾經好介意的謠言和別人的評價，甚至對世間黑白顛倒的絕望，以及渴望有人能看出真偽的心情，去到人生踏入下半場，一切都變得唔重要。Theresa坦言：「以前發生所有唔好嘅嘢，一轉念全部都變成好事。如果冇以前呢啲經歷，唔會有而家嘅自己。所以《成年禮》就係過往咁多年喺我身上所有負面嘅嘢，變成咗一份禮物。」

Theresa透露，這次MV由策劃、拍攝到剪輯，全程只有她跟團隊的兩名女生：一來及開開負責。兩名女生一個負責構思、一個負責鏡頭，齊齊獻出她們人生第一個MV作品，Theresa笑言：「佢哋兩個都係首次操刀拍MV㗎！好厲害！」成本方面，Theresa直言超低成本：「我哋只係買咗幾個蘋果同一支泡泡槍，哈哈。自己化妝整頭，條裙係好幾年之前買落、一直搵唔到機會着，條格仔圍巾係20年前戴嗰條！」

Theresa傅寶誼

Theresa傅寶誼

拍攝期間更發生了一段小插曲，Theresa指她們三人想加一個男主角於MV中，於是便在公園內周圍望，專找全身穿純白或純黑色衣服的男生，「最後真係見到一個着全身純黑色嘅男仔，我哋三個就咁貿貿然行過去邀請佢客串一個鏡頭，冇酬勞㗎，哈哈！」結果這位「臨時演員」順利完成任務，成為MV入面唯一冇樣睇的神秘男角。

Theresa傅寶誼

MV中有一個道具是青蘋果及其他紅蘋果。Theresa分享背後構思，「一個青蘋果，係好難去變成一個紅蘋果的。好多人年輕嘅時候都可能希望自己同其他人一樣，顯得自己唔會太格格不入。但其實每個人天生都唔一樣，你唔需要令到自己同其他人一樣，你就係獨一無二嘅你。」她回憶小時候已自覺跟別人不一樣，小學及中學都是出名「貼住牆行路」的安靜學生，「我一路懷疑自己，我有乜嘢問題呢？」但隨着成長，尤其30至40歲這十年於內地工作，大部份時間獨處及看書，她發現心境越來越平靜，慢慢改變了對過去的想法，「以前出書寫好多自己嘅感覺同故事，其實係為咗醫番好自己內心。而家過咗40歲，我諗嘅係自己可以創造到咩價值畀其他人。」

Theresa傅寶誼

Theresa傅寶誼

Theresa感觸謂其實大家都是「睇住佢大」，成長過程中很多經歷，外人未必知道箇中因由，只係見到當中某一面，但Theresa最後說：「以往發生所有唔好嘅嘢，一轉念全部都變成好事。如果冇以前呢啲經歷，我諗我唔會成為而家嘅自己，所以呢個《成年禮》就係過往咁多年喺我身上所有負面嘅嘢，變成咗一份禮物。」

41歲前Cookies成員傅穎（Theresa，現改名傅寶誼）近日捲入「冇朋友」爭議。早前有鄧麗欣（Stephy）的好友留言挑釁，指她「天生唔識同人社交又高敏」，更叫她「唔好成日話欺凌你啦」，認為冇朋友亦應該學習與人溝通。

Theresa近日捲入「冇朋友」爭議

鄧麗欣其後出席活動時澄清，留言並不代表自己立場，同時亦代朋友向所有受事件影響的人致歉。不過，Theresa日前就在抖音上載一段短片，以「攻擊力強的人可以忽略這條片」為題，大談自己對社交及人際關係嘅睇法。雖然全片冇點名任何人，但內容就被網民解讀為疑似回應近日嘅「冇朋友」論，當中不少說法都相當有骨。

Theresa先從心理學角度分析成年人嘅社交模式，指人與人之間其實存在一種「邊界博弈」。她表示，較擅長處理人際關係嘅人，通常具備爭取話語權嘅能力，以及一定程度嘅攻擊性；相反，性格溫和、攻擊力較弱嘅人，就未必適合呢套遊戲規則。

Theresa先從心理學角度分析成年人嘅社交模式

她形容：「性格溫和、攻擊力弱嘅人，就好似一個攞住木劍上戰場嘅士兵一樣，唔係你唔夠努力，而係呢個遊戲規則本身就唔係好適合你。」

Theresa又提到「高敏」體質，認為攻擊力較弱嘅人往往對周圍情緒更加敏感，容易察覺其他人細微嘅情緒變化、客套背後嘅疏離，甚至係隱藏嘅敵意。對佢而言，即使睇得出呢啲微妙氣氛，都未必代表一定要出手反擊。

她認為，如果勉強自己融入複雜圈子，反而可能不停吸收其他人嘅負面情緒，最終造成精神內耗。她又引用心理學家榮格嘅觀點，指：「內傾者的能量源於獨處，強行融入喧鬧嘅人群等同透支緊你，唔好覺得越多越合群先代表優秀。」

她又引用心理學家榮格嘅觀點，指：「內傾者的能量源於獨處，強行融入喧鬧嘅人群等同透支緊你，唔好覺得越多越合群先代表優秀。」

對於「冇朋友」呢個說法，Theresa亦似乎有自己一套答案。她強調：「減少社交絕對不代表孤僻封閉」，而係主動進行「社交斷捨離」，篩選真正真誠、簡單、冇太多拉扯嘅關係，同時遠離充滿是非、會消耗自己嘅圈子。

她建議，主動進行「社交斷捨離」，篩選真正真誠、簡單、冇太多拉扯嘅關係

她更直言，自己嘅優勢可能並唔係人際交際，而係深度認知、獨立思考以及安靜創造，因此冇必要逼自己變成另一種人：「你既學唔識人哋好假好圓滑，亦可能冇咗你本身自帶嗰種真誠，當然過份真誠亦都唔係一件好事。」

她直言：「你既學唔識人哋好假好圓滑。」

講到最後，Theresa更加語重心長：「除非對方相伴時比你獨處更加舒心，如果說唔係唔需要勉強相聚，將你慳返落嚟嘅心力收返自己身上。」

她又指，複雜人際關係表面上可能睇落好風光，但背後亦可能伴隨更多是非及反噬，因此「唔需要勉強去入局，唔需要逼自己去參予嗰啲拉扯」，最後更以一句「你條命都好矜貴」作結，態度相當鮮明。

其實Theresa過往亦曾公開談及自己與Cookies隊友之間嘅恩怨。她早前重提Cookies變成「四餅」後嘅經歷，憶述當年一上車，隊友就陷入「靜音冷暴力」，令她一度每日返屋企以淚洗面。

而楊愛瑾（Miki）2013年接受電台訪問時亦曾談及事件，坦言當年「大家真係好細路女」，並指自己等人當時難以接受Theresa嘅處女座完美主義及說話方式，事件甚至要驚動高層出面調停。

不過十多年過去，昔日恩怨亦已經逐漸淡化。Theresa 40歲生日時曾在社交平台晒出與Miki嘅合照，更加上心心符號，足見兩人早已放低過去，關係亦由昔日嘅芥蒂走向破冰。