戴祖儀韓國之旅變「地獄行街團」 自爆日日捱餓

藝人戴祖儀（Joey）早前與一班好友飛到韓國旅行，原以為今次同行的大多是「媽媽級」朋友，行程應該較為悠閒，點知現實卻完全相反！一班媽媽戰鬥力驚人，不但腳骨力十足，仲將逛街購物當成主要節目，由朝行到晚都完全唔覺攰，令Joey大感震撼。

戴祖儀與一班「媽媽級」好友飛到韓國旅行

她在社交平台搞笑分享旅程感受，笑言：「喺呢一班媽媽們嘅帶領下，有一個好滋養嘅行程，笑話。每日一擘大眼只能行街，嘢都冇得我食。」更驚嘆一眾好友外表美麗優雅，實際上卻個個都已經生咗兩個以上小朋友，體力依然超強。

呢班「媽媽級」好友有超強腳骨力

呢個trip幫到瘦身

Joey亦自嘲自己在腳骨力方面完全包尾，但如果講到「捱餓能力」就一定穩奪冠軍。好友吳若希亦忍不住留言取笑：「捱餓嚟講，你係有經驗嘅！我哋係真心佩服嘅。」

自嘲捱餓冠軍

原來Joey早前為音樂劇《Nancy戀噏Show》積極瘦身，因此已經練成超強忍口技能。她更笑稱：「我依家已經訓練有素啦！人哋168我依家可以231。」一句即再度惹來網民爆笑。

TVB「長腿小花」戴祖儀（Joey）一向「惜肉如金」，甚少以性感打扮示人，大多只是show show招牌長腿，近日她在社交平台出PO表示：「最近少少emo，刷一下存在感」，並罕有公開泳衣照！

戴祖儀一向「惜肉如金」。

平時大多只是show show招牌長腿。

相中可見，戴祖儀穿著白色比堅尼泳衣，胸前中門大開，大晒深長事業線，小蠻腰亦非常搶眼！她先在泳池邊曬太陽，之後再上船出海chill一chill。不少網民都睇到心心眼，又紛紛留言：「會唔會太靚呀呢位小姐」、「你多啲emo，大家反而開心」、「啲like數火箭級上升緊」、「嘩正喎」、「我已經流鼻血！」

影片截圖

影片截圖

影片截圖

圖片來源：IG@joeythyee