楊千嬅深圳個唱前被老公逼玩Hyrox 腳痛到似筋膜發炎台上脫高踭鞋

楊千嬅一連兩場《楊千嬅 Live MY LIVE 1.0 世界巡迴演唱會》深圳站剛於5月23及24日圓滿落幕，兩晚共五萬人全場爆滿，氣氛高漲。不過原來今次個唱前夕，千嬅差點被老公丁子高「玩殘」—— 丁生突然化身「愛的惡魔」，強烈邀請全公司上下試玩近期紅遍全球的體能挑戰Hyrox，聲稱要「Team Building」，結果個個同事大脾痛到似做完復康，上落樓梯都要扶住行，而主角千嬅更累到要「四手聯按」，疑似觸及舊患，在第二晚台上突叫停演唱，脫掉高踭鞋：「唔得，停停先，我好似筋膜發炎」！

楊千嬅一連兩場《楊千嬅 Live MY LIVE 1.0 世界巡迴演唱會》深圳站圓滿落幕。

千嬅開騷前被老公丁子高逼玩Hyrox。

Hyrox被譽為「馬拉松式功能性訓練」，包含8次1公里跑步，混合推、拉、弓箭步、深蹲、負重等動作，考驗有氧耐力、肌力、爆發力、核心穩定度，據說完成後會覺得自己「好有力量、內心非常滿足」。丁子高深信這種訓練能大幅提升歌手的舞台體能，更親自督師，要全公司同事及千嬅在開騷前嘗試這道「體能大補湯」。

楊千嬅

楊千嬅

訓練當日，為確保大家玩得安全，更特意從香港請來專業健身教練黃師傅一同監督，與丁子高全程化身「魔鬼教練」，一邊Chur住做一邊大聲嗌：「快啲！仲有最後一組！」千嬅事後苦笑：「我仲以為自己準備緊演唱會，原來係準備緊奧運。」由於所有人都是第一次新嘗試，全公司上下幾乎「殘廢」，開騷前千嬅於化妝間已經攰到要四手同時幫她按摩，不停大叫「成身痛到散咗」。

楊千嬅

楊千嬅

千嬅累到要「四手聯按」。

千嬅累到要「四手聯按」。

到了第二晚演出，唱到Encore部份，一連十幾首經典大合唱時，千嬅突然在台上「大叫」：「唔得，停一停先，我覺得自己好似筋膜有少少發炎，對高踭鞋真係頂唔順，好辛苦。」說罷即場脫掉高跟鞋，赤腳繼續唱。千嬅仲笑話：「真不好意思在幾萬人面前脫鞋，讓大家看到我的真實高度，但真的很爽，人就是這樣！」

楊千嬅

千嬅最終頂唔順要脫高踭鞋。

原來今次已非丁生首次「操fit」老婆。上次成都站前，丁子高已帶隊在外面跑步；今次深圳站更升級到Hyrox，千嬅透露：「佢話要Team Building，又想同事多做運動，身體健康，結果個個同事做完行唔到，我都係靠意志力頂住上台。哈哈.....我覺得佢應該唔係好知，一個歌手喺夏天高溫接近38度，著住演出服、高踭鞋，喺台上又跳又唱兩萬五人騷，然後極速落台換衫再衝上台，其實同Hyrox冇分別！下次下次輪到我訓練佢，叫佢著晒我啲高踭鞋同衫，做一個鐘騷，佢就會知，我每晚喺台上面係勁過做Hyrox！」

楊千嬅

楊千嬅

雖然被老公「玩到殘」，但千嬅坦言明白對方苦心：「佢係想我體能大增，做騷時冇咁易攰。我都知人真係要鞭策先能進步，不過下次可唔可以搵啲易少少嘅運動，哈哈。」

全場大合照

楊千嬅《Live MY LIVE 1.0》世界巡迴演唱會廣州站昨晚（8月16日）圓滿落幕，連續兩晚演出吸引近十萬名觀眾進場，廣州天河體育中心氣氛高漲。廣州站的歌單及編排亦驚喜處處，除了經典金曲外，演唱會後半部分加入全新串燒環節，《大激想》及《抬起我的頭來》等歌曲一出，全場觀眾立即站起身大合唱，氣氛推至最高峰。網上口碑亦迅速發酵，獲激讚演唱會精彩無比。

楊千嬅《Live MY LIVE 1.0》世界巡迴演唱會廣州站兩場演出圓滿舉行。

今次廣州站，千嬅更大刀闊斧調整演唱會rundown，希望為自己和觀眾帶來新鮮感。她表示：「之前已經唱咗好多場，所以覺得要變下，自己有新鮮感，大家繼續保持新鮮感，睇得開心。」

楊千嬅

不過，演出前夕卻遇上意外考驗。總綵排當日，廣州突然狂風暴雨，雨勢甚至超越香港黑雨級別。整個團隊冒雨進行綵排，人人由頭濕到腳，台底更是水浸，其後因閃電行雷及安全問題，決定中止綵排。雖然演出當天天公造美沒有下雨，但由於部分內容未能完成總綵，令千嬅承受相當大心理壓力。

演出前夕天公不造美。

整個團隊冒雨進行綵排。

整個團隊冒雨進行綵排。

整個團隊冒雨進行綵排。

整個團隊冒雨進行綵排。

演出順利完成第一晚後，千嬅並沒有立刻休息，而是立即與團隊開會檢討細節，希望第二晚做到更好。未料廣州這兩日停雨後氣溫急升，第二晚場內又熱又焗，唱到尾聲時，千嬅台上開始感到頭暈及體力不支。然而，面對全場觀眾的熱情，她始終不捨得刪減任何歌曲。唱到《飛女正傳》時，她在台上唱了兩句後，笑著向觀眾說：「我有啲攰……」然後索性坐在舞台上繼續演唱。台下歌迷即時以大合唱為她打氣，場面溫馨感人，令她數度強忍淚水。

楊千嬅

楊千嬅

楊千嬅

楊千嬅

演出後，千嬅笑言：「簡直係《愛回家》第七十集，真係太熱又冇風，我覺得自己有啲暈，又唔似中暑，唱到好high，個心又唔捨得停。於是我就坐咗落地唱，坐咗一陣，覺得個人定啲，先再企返起身。」不少觀眾大讚千嬅專業，即使面對天氣、體力及演出壓力，仍然堅持以最佳狀態完成每一首歌，不願辜負歌迷期待。演出結束後，網上口碑亦迅速發酵，不少觀眾留言表示，新歌單驚喜十足，節奏流暢，氣氛一浪接一浪，令千嬅終於鬆口氣，十分開心。

楊千嬅

楊千嬅

楊千嬅

向來感情豐富、喜歡與觀眾分享心底話的千嬅，這兩晚在廣州站舞台上感性表示：「好開心再次返廣州，好多香港朋友都嚟咗，歌迷會、不同城市歌迷，多謝你哋。我好慶幸成長裏面，得到好多唔同嘅故事。2019年開始做巡迴演唱會其實係一件難事，用廣東歌做巡演更加唔容易。」 她又笑言七年期間，巡演中發生了好多故事，好多遭遇 :「夠我拍100集《愛回家》同埋上四次《東張西望》！哈哈。呢啲所有蝦碌、搞笑、嚇死人嘅事，我都覺得好珍貴。呢啲碎片，會係我人生最美好嘅回憶。好多謝所有知遇知音，我嘅團隊、我嘅音樂，同埋一直支持我嘅觀眾。我覺得自己真係好滿足、好快樂，每一分鐘都係。」一番說話換來全場如雷掌聲。

楊千嬅

楊千嬅

楊千嬅

楊千嬅

演唱會外，千嬅原創IP角色「Am'miri」亦成為廣州站另一焦點。公仔裝置於場館對面的商場展出，吸引近200萬人次參觀。千嬅綵排前一晚偷偷現身打卡，卻被歌迷迅速認出，商場擔心人潮聚集，急忙請她先行離開，更善意「勸喻」她最好不要再出街，令她哭笑不得。

千嬅原創IP角色「Am'miri」在廣州展出

「Am'miri」

「Am'miri」

「Am'miri」

「Am'miri」

千嬅綵排前一晚現身打卡。

廣州演唱會，千嬅經理人+老公丁子高，第一晚於場內為老婆打氣後，第二日竟然消失現場。原來他最近醉心於Hyrox，一早去了深圳參加比賽，最後得到他年齡組別第六名！ 丁子高表示，這個Hyrox比賽他已經參加了五次，之前於泰國，香港，上海，台北也參加過，之後亦會繼續。昨日的比賽他也遇上Kenny關志斌，「Kenny真係好勁呀，佢得到佢個個組別冠軍！我會努力追下，睇下可唔可以追近佢囉。哈哈。」

千嬅經理人+老公丁子高，第一晚於場內為老婆打氣後，第二日就去了深圳參加Hyrox比賽。

丁子高

丁子高

丁子高

丁子高