林韋辰曾被腰患折磨暴瘦15磅 現身中山狀態回春似食防腐劑

有「亞視一哥」之稱的林韋辰，當年畢業於無綫電視（TVB）藝員訓練班，同屆同學包括鄭伊健、歐瑞偉等。其後他轉投亞洲電視（亞視），憑經典劇集《再見艷陽天》中「方賀文」一角爆紅，更勇奪亞視40周年台慶最受歡迎男主角，登上事業巔峰。

林韋辰當年憑經典劇集《再見艷陽天》中「方賀文」一角爆紅

不過，原來林韋辰入行前的人生同樣精彩。他中學畢業後曾做過宣傳車司機，期間因接觸搖搖表演而迷上這項玩意，更獲一名哥倫比亞籍選手傳授技巧。經過不斷苦練後，他成功加入國際搖搖表演隊，曾遠赴北歐、法國、挪威及瑞典等地演出，未滿20歲已成為當年中國區兩大「搖搖大王」之一。

其後他回港加入TVB藝員訓練班，初期大多飾演跑龍套角色，雖曾參演《義不容情》及《大時代》等經典劇，但始終未能突圍。直到轉戰馬來西亞及後加盟亞視，演藝事業才真正迎來高峰。

近年林韋辰主力在內地發展，日前更被網民於廣東中山野生捕獲。雖然已年過60，但他狀態依然極佳，不但身形挺拔、皮膚緊緻，就連髮量都濃密驚人，被大讚是「神級凍齡代表」。當日他身穿簡約休閒服，面對粉絲要求合照亦來者不拒，全程保持招牌笑容，完全沒有明星架子。

近日在中山被捕獲

髮量濃密驚人

其實林韋辰近年生活相當寫意，更經常公開分享自己的滋補生活。他曾拍片展示豪華早餐，以價值1500元的花膠配鮑魚、冬菇及蝦子麵，大嘆：「朝頭早就要膠質滿滿！」生活質素相當講究。

以花膠做早餐

不過，他近年其實一直飽受腰患困擾，曾因坐骨神經痛嚴重復發，需要長期臥床休養，最嚴重時甚至無法下床，要靠助行器才能勉強走動，期間更暴瘦15磅，情況令人擔心。幸好經過休養後，近況已大有改善，再度以精神奕奕姿態示人。

曾因坐骨神經痛需要長期臥床休養

藝人林韋辰日前到新城廣播接受李有毅（Ben）與兒子李國煒（Benson）主持的《Ben同Benson「Chur」到行》錄音訪問，大談入行多年以來的點滴；林韋辰透露，當年TVB藝員訓練班同學包括鄭伊健、歐瑞偉等，並由著名武打唐佳親授兩個月武打訓練，專門學習如何「畀人打」。

林韋辰接受新城《Ben同Benson「Chur」到行》錄音訪問。

林韋辰解釋：「拍戲要打上靶又要打下靶，打上靶要學識唔好打傷人，打下靶又要學識避，仲要拍出嚟似真嘅。」他直言電視台是人類潛能訓練所：「平均一日可能得兩三個鐘頭瞓覺，試過做完廠景收兩點，返到屋企三點半，六點通告，五點半就要起身，平均得兩個鐘頭瞓。」

林韋辰在90年代中期轉投亞視，迎來事業高峯。當年獲邀拍攝《再見艷陽天》，更憑該劇奪得視帝寶座，他謙虛表示：「大家俾面啫，完全唔關演技事，我同期有劉松仁、四哥謝賢一齊競選，可能因為角色討好，加上當年做網上評選，四哥同松哥啲fans未必識上網，我就贏咗呢半票，攞咗個視帝返嚟。真係唔係實力嘅表現，不過好感謝觀眾認同呢個角色。」

左起：李有毅、林韋辰、李國煒

他形容那段時間是事業高峯：「嗰兩年係冇休息過一日，開始多人識，喺香港市場第一次嘗到甜頭。做戲做到有人叫得出你個名，呢樣嘢真係好緊要。」除了拍劇，林韋辰亦主持《今日睇真D》，他坦言直播節目極具挑戰：「試過唔夠時間剪片，監製話你口才可以，就叫我現場VO，即係睇住片講。第一唔可以NG，第二要啱啱好夠時間，唔夠就要自己加多兩三個字，好刺激。」

談到北上發展的契機，林韋辰坦言是被迫的選擇：「亞視喺2013年開始有好大變動，監製想開戲要自己搵贊助，綜藝又話你自己搵到贊助先開。我覺得呢個台有啲困難，就開始慢慢向北面放消息。」並於2018年投身內地發展。

林韋辰憶入行辛酸。

早前林韋辰因椎間盤突出壓到坐骨神經，一度行動不便。他坦言：「我未試過一次受傷咁犀利，有半年時間喺生活上係癱瘓咗。如果冇屋企人照顧，直頭生活唔到。」他描述當時的痛苦：「企唔到、坐唔到，坐一陣就已經好痛，要即刻瞓低。每日要推住個旅行喼好似扶手咁行來行去，冇扶手就行唔到。」

他感激張耀揚的建議，最終選擇透過復位治療康復：「佢話唔好做手術，同我分享咗好多。我最終揀咗復位，後來搵到一個專門幫運動員做嘅，兩三次就好番九成。但一定要做番好多強化運動，坐姿都要留意。」

爆奪視帝內幕。

詳細節目內容，請留意3月28日，晚上11時–凌晨1時，新城知訊台《Ben同Benson「Chur」到行》，網址：https://www.metroradio.com.hk/MetroInfo/