唱錢｜小肥為過關死都唔「扭音」兼「勒住感情」 挑戰首本名曲《寵物》 豪言唱衰的話：要退出樂壇！

由森美、Eric Kwok（郭偉亮）帶領Plan V成員李茵彤Desta主持、Eric Kwok擔任音樂總監的互動音樂Game Show《AlipayHK呈獻：唱錢》（英文名：Music Money Monster），本周六晚（5月30日）一集是明星版，挑戰歌手是擁有多首大熱歌曲包括《寵物》、《時光機》、《一首歌》等的小肥（原名徐智勇），每論是悲情歌或充滿爆炸力的歌曲都難不到他，當中《寵物》更是男士在K房必唱的失戀神曲之一。

焦點圖片

雖然被外界公認為實力唱將，不過小肥出場時擰晒頭，坦言非常緊張，直指要達到《唱錢》System標準難度很高，但因做歌手一定要大膽，故決定上節目挑戰自己。小肥表示事前已不停練習，但自嘲冇記性，惟有盡量放鬆。他又稱有收看《唱錢》，見到不少人挑戰低Level歌曲時都撻Q，故不敢輕言有什麼類型歌曲較容易。出名唱歌充滿感情的小肥，為了幫家庭觀眾謀福利，除了「勒住」感情唱歌，被Eric Kwok數度取笑「死都唔扭音」，更揚言要打Pat Pat：「你驚啲咩啫？」

小肥甫出場即擰擰頭，真係咁冇信心？

不過森美、Eric Kwok和李茵彤都對小肥充滿信心。

小肥直指要達《唱錢》System的標準難度很高。

小肥直指要達《唱錢》System的標準難度很高。

小肥直指要達《唱錢》System的標準難度很高。

上節目前，小肥努力練習。

上節目前，小肥努力練習。

小肥爭取時間，化妝都練歌。

小肥抽中咩Sing盤呢？

小肥挑戰歌單其中一首就是自己的首本名曲《寵物》，他坦言每次唱《寵物》都會有不同效果，故有信心的同時亦很怕失敗，除了冇面目見「江東父老」，更與之前曾亮相《唱錢》的側田一樣，豪言若「唱衰」首本名曲「就要退出樂壇！」想知小肥順利過關定引退收場？就要收看本周六播映的《唱錢》！

小肥得知要唱自己首本名曲《寵物》，坦言唱得差會冇面見「江東父老」。

小肥得知要唱自己首本名曲《寵物》，坦言唱得差會冇面見「江東父老」。

小肥得知要唱自己首本名曲《寵物》，坦言唱得差會冇面見「江東父老」。

小肥得知要唱自己首本名曲《寵物》，坦言唱得差會冇面見「江東父老」。

唱歌前，小肥深呼吸蘊釀情緒。

到底小肥唱《寵物》能否順利過關？

由曹永廉、蕭正楠、吳若希、車婉婉任主持兼「婚姻求生教練」、一共十集的《K Cash找數王呈獻：夫妻肺片》，逢周一至周五晚10點30分翡翠台播映。《夫妻肺片》每兩集便會請來一組星級嘉賓，暢談婚姻生活、拆解夫妻日常「炸彈」，輔助大家邁向永恆恩愛之路。5位嘉賓森美、Eric Kwok、陳煒、周家蔚、湯盈盈及4位主持分成男子及女子組，大談兩性對「出軌」看法的大不同。

三個女人一個墟，五個女人當然雞啄唔斷。

吳若希自爆曾查其中一位前度的手提電話，驚揭對方一腳踏七船。

車婉婉覺得有任何身體接觸都算出軌。

湯盈盈唔可以睇老公拍親熱戲。

湯盈盈還原當日妒忌嬲爆的表情。

車婉婉視「任何身體接觸」已出軌
先說女子組，「婚姻偵察機」車婉婉直指：「有任何身體接觸，已經係出軌！」「人妻戰鬥機」吳若希則分享了一段超驚爆、前度一腳踏七船的故事：「問咗佢好多次，佢都話係兄弟，笑住話我呷醋…有晚唔知點解喺佢瞓覺時，我覺得要睇佢電話喇，一睇成個 Message全部都係，仲要唔止一個（外遇），有成五、六個，甚至有女仔朋友同佢去咗澳門過兩日一夜！」五人還就若知道老公／閨蜜老公出軌，自己會選擇沉默還是直接攤牌展開辯論。湯盈盈又自揭不能看老公錢嘉樂的親熱戲，笑言試過老公與蝦頭（楊詩敏）於舞台劇有「冇借位」的咀戲，令於慶功宴上黑足成晚面，而嘉樂則自此沒有再叫盈盈出席任何慶功宴，欲知爆笑詳情，記住留意節目。

蕭正楠手提電話Wallpaper就係翠如靚相。

森美手提電話Wallpaper直情Set咗「老婆系列」，鍾意轉邊張都得。

至於人夫組則主力分享防偷食機會埋身奇招，森美透露曾被蘇民峰師傅一句「修心」：「佢話我條命有爛桃花，一遇到就會即畀人知，你老婆第一個知，佢話你冇咩就唔好諗喇。」曹永廉則自爆為了阻止自己於內地拍劇時「失守」，竟想到借用洪天明助手「擋煞」：「我叫佢瞓廳幫我攔住（門口）！」蕭正楠聞言狠批：「佢係擺個人喺度，防止自己行出去咋！」十分爆笑。而森美與蕭正楠，二人的防止女性埋身殺手鐧就是將老婆的靚相set做電話Wallpaper，兩人席間更拿著手上的Wallpaper鬥靚兼鬥多花款，場面喧鬧。

曹永廉返內地工作，叫天明助手瞓廳阻止女藝人入房。

香港偵探總會副主席李力恒

李力恒爆城中富豪秘聞，蕭正楠聽到𢱑頭勁驚訝。

五位女士專心聽富豪秘聞，車婉婉O嘴難以置信。

大爆城中 Top 3偷情地點
而本集特邀嘉賓—香港偵探總會副主席李力恒，則大爆城中富豪界的「偷情奇案」，第一單是某企業大老闆被揭發與大廈清潔姐姐於垃圾房偷情，被踢爆後要奉上五層價值數千萬元的物業給太太作補償。另一宗則是一名城中富豪委託李力恒調查未婚妻，但由於該名未婚妻相當機警，最後李力恒要出動五架車及兩架電單車進行全方位跟蹤，最終驚揭該名未婚妻同時有五名男朋友之餘，更與同性閨蜜熱吻兼到私竇接受「小鮮肉服務」。李力恒還在節目中大爆城中 Top 3 偷情地點，令吳若希極為雀躍。