ViuTV原創劇《COURT!》將於5月18日起，逢星期一至五晚上9時30分播映。《COURT!》由MakerVille出品，銀河映像製作，幕後團隊包括監製游乃海、朱淑儀，導演吳家偉，以及編審潘漫紅。劇集分為3個單元，講述基於不同觀點角度、難以致信的巧合或為了維護更公平的法律原則，都影響著所有案件在法庭上的細節，令最終「真相」的呈現，面臨著不同挑戰和考驗。
《COURT!》劇照
《COURT!》劇照
《COURT!》劇照
《COURT!》劇照
《COURT!》劇照
《COURT!》劇照
《COURT!》劇中，單元三的余大狀和謝大狀分別由張達倫和湯駿業（Ah Dee）飾演，二人分享今次拍攝的感受，以及對真相的看法。
張達倫的角色是余大狀，他形容：「余狀係一個幾叻嘅大狀，打官司贏好多，成日同隔離嘅Partner喺度鬥，我哋之間都會互相尊重、互相欣賞。我哋有兩個徒弟，一個係肥腸（徐浩昌）、一個係家樂（蘇家樂），佢哋兩個反而係認真啲。我哋做大狀就好清楚大家係對事不對人，打嘅話就大家盡力去打贏嗰場官司。」他談到角色的吸引之處，「佢係一個好成功嘅律師，同埋佢想表達香港嘅司法制度，我覺得呢樣嘢係好專業，同埋好想畀觀眾知道乜嘢叫做法律，呢件事好正面，好有資訊性，亦都好好睇。」
張達倫很喜歡看法律戲，「尤其係呢啲好認真嘅法律戲，佢真係會帶到個Message畀觀眾咩叫真相，我覺得幾細膩，同埋我哋嘅拍攝手法唔同咗，好電影感，所以好期待。」他又謂：「真相係用我把口去講畀大家聽咩叫法律，有句對白我好記得，就係佢解釋咗我哋香港嘅司法制度，究竟我哋係幫緊啲咩人，當市民或被告對住嘅係政府，我哋會點樣做？個過程係點？最緊要係公平審訊。我覺得幾開心嘅，因為可以同幾個男人一齊鬥吓，有啲踢波戲，因為我好鍾意踢波，都擔心踢足一日會唔會中暑。」
張達倫很開心能與未合作過的湯駿業一同演戲，「我哋第一次合作，我覺得個火花幾得意，又估唔到好似一見如故咁，大家合作又投契，喺劇裏面又好有默契，所以我覺得係幾開心。」
劇中飾演控方大律師謝大狀的湯駿業（Ah Dee）形容：「今次呢個角色表面上好似有少少蠱惑，比較鬼靈精嘅一個律師，以為我係走精面嘅律師，但其實我底蘊對於公義係有個好明顯、好清晰嘅執著，喺呢套劇入面可以見到我對於真相、公義，我係好希望可以彰顯到。」他又指：「我個角色係明明勝劵在握，證據都喺手，但偏偏原來喺呢個司法制度之下，就算你有證據，到到最後某一啲嘅真相、證據都唔能夠反映真相。因為疑點利益歸於被告，有啲證據、證物係唔能夠呈堂，咁你會感覺到正義未必能夠伸張到。」
他認為真相是由事實組成，再由人去印證，「呢個事實天知、地知、你知、我知，件事總會有一個起點，如果我哋知道多咗發展嘅過程，可能會接近真相。但係天網恢恢，雖然應該係疏而不漏嘅，的確有啲位係灰色地帶，或會令大家對真相嘅睇法有唔同，所以到最後邊個真相可以令你好好咁生存落去呢？對於你嚟講，就係真相。」
風車草劇團最新劇作《回憶的味道》，於8月16日假西灣河文娛中心舉行尾場，梁祖堯、湯駿業、邵美君及彭秀慧，與觀眾在劇場內一同回味來自香港的好味道外，其中一幕更會即席下廚，在台上烹調美食，更誠邀台下觀眾品嚐。
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
四人都做了不同的菜式，而當中都包含自家回憶的味道。梁祖堯炮製名為甜酸苦辣蝦的菜式，是團年飯菜式茄汁煎蝦碌的變奏，他特別為今次《回憶的味道》而構思。阿祖感性地表示：「今次演出《回憶的味道》，發現自己好少提起以前嘅嘢，因為諗返起以前好甜、好開心嘅回憶，諗到公公婆婆已經唔喺度，甜嘅嘢都會變酸；仲記得嘅嘢，即係未過，如果係苦辣嘅回憶，諗返起又會唔開心，所以唔鍾意諗返以前嘅嘢，不過實情係我好鍾意當下，都係充滿甜酸苦辣，都係好重要嘅，所以我哋好好享受每一種味道。」
（Credit_ Carmen So @ Right Eyeball Studio）
（Credit_ snap_shot_sammy）
（Credit_ Benny Luey）
（Credit_ Carmen So @ Right Eyeball Studio）
彭秀慧則製作了牽起她的童年回憶的冬瓜粒湯，她邊煮邊在台上說起跟家人的故事，道：「因為《回憶的味道》講返起以前食啲乜嘢，先發現自己係一個好幸福嘅小朋友，因為媽媽廚藝好厲害，但大個發現原來唔係必然，佢擺咁多時間喺廚房度，但整得再靚嘅冬瓜盅都只有我一個食。回憶系列裡面，我哋講好多自己嘅故事，記性好之餘，但同時有好多空白，尤其是係對爸爸媽媽嘅空白，當佢哋離開後處理佢哋嘅後事遺物時，先發覺原來好多嘢都唔知，但又已經搵唔到答案，所以我非常喜歡呢個系列，亦好享受其中。」
已為人母的邵美君，則送上送飯一流的螞蟻上樹，她說起自己與仔仔的往事，說：「我懷孕嗰陣媽媽話唔會幫我湊仔，但到小朋友識行識走嘅時候，我工作開始好忙，媽媽就話可以幫我睇住個仔，後來我個仔仲成日都話想去婆婆屋企，最後發現原來婆婆成日帶佢去便利店食杯麵同撈麵。而家佢已經十幾歲，我哋偶爾都會去便利店食杯麵撈麵。有次食食下撈麵，阿仔話掛住阿婆，嗰一刻我好開心，因為阿仔笑住話好掛住阿婆，我估喺佢腦海中，有好多回憶都係好開心同美好，令到佢好感動。」一路煮一路說起往事，但阿君煮到尾段才發現自己未加調味料，但卻若無其事即時倒入鑊中，爆笑全場。
湯駿業在台上煮起姨媽教他煮的南乳蓮藕炆豬腩肉來，但因為媽媽在場，所以他特別分享了跟媽媽的往事。他說：「我阿媽係健康女王，我細個嘅時候，佢煮菜一定煮到黃色，蒸魚會喺條魚熟嘅時候再蒸多3分鐘，因為佢好怕食得唔健康，穩陣啲，所以我習慣食熟啲嘅嘢，但阿媽煮南乳齋，我會連添幾碗飯，因為味濃，仲要每年過年都要整，我大咗先發現，其實呢個最能令佢奉獻佢嘅愛，而呢個的確係我阿媽嘅名菜，所以我好幸福。」在席間的湯媽媽聽到AhDee的分享，也不禁露出溫柔的笑容。
在謝幕時，阿祖感謝各位觀眾由《回憶的香港》支持到今次《回憶的味道》，而且更要多謝康文署，他表示：「喺我哋冇咗葵青劇院呢個場地後，係康文署幫我哋搵到西灣河文娛中心，仲有呢度嘅職員嘅配合，因為要喺台上面煮嘢食，唔容易批俾我哋做，佢哋可以話唔得就冇㗎喇，因為咁大煙，仲要俾觀眾食，好多好複雜嘅問題，所以好多謝場地嘅每一位，令到大家有一個咁特別嘅體驗。」《回憶的味道》過後，四人將分道揚鑣，各自有全新的舞台演出，當中包括梁祖堯與王菀之、谷祖琳、盧鎮業、胡麗英、唐劍康（當奴）合演的全新魔幻喜劇《寫不得你》，邵美君與柯煒林、鄧濤、黎濟銘、梁仲恆一同演出的趣怪新劇《尼斯湖水怪》，湯駿業「《To My Beloved One》Live 2026」個人演唱會，以及彭秀慧將於8月20日公布詳情的全新原創舞台劇，想知更多詳情，請留意風車草劇團，以及四位演員的網上社交平台專頁。
