樂壇女子組合COLLAR成員Ivy蘇雅琳，繼推出單曲《給你一隻大口仔》後，昨日再推出情歌《原地拖手》，演繹暗戀的情懷及心情，今次MV更邀請了本年度宣布進軍樂壇、港隊劍神蔡俊彥Ryan上陣客串，對於二人首度合作，Ivy表示感覺十分有趣，笑言阿媽知道她跟劍神合作後，連阿媽都很高興。
蘇雅琳
蘇雅琳
蘇雅琳推出情歌《原地拖手》
蘇雅琳推出情歌《原地拖手》
新歌《原地拖手》由舒文監製、吳林峰作曲、Ivy親自填詞，描繪一個女仔暗戀一個男仔時的狀態：天馬行空所想的情景，及帶有心動亦自感「諗多咗」的矛盾心情，Ivy表示：「其實呢首歌好大部分idea來自於舒文，方向上係佢觀察嘅我，因為我星座係獅子座、月亮星座係水秤座，佢覺得我個人應該幾『跳』，事實都係，我喺屋企會做啲好奇怪嘅嘢，就決定歌曲向呢個方向，再加上想寫情歌，就變成一個女仔去暗戀一個男仔所諗嘅古靈精怪嘢，胡思亂想，有啲心動，又有啲覺得自己諗太多，好矛盾嘅狀態。」
Ivy親自填詞
Ivy親自填詞
Ivy親自填詞
Ivy請來劍神蔡俊彥Ryan客串
Ivy請來劍神蔡俊彥Ryan客串
曾暗戀足球隊長
Ivy續說今次歌曲有別於平時要傳遞訊息，所以沒有觀點、沒有睇法與期望，純粹講暗戀感覺，問到Ivy現實可有曾暗戀他人？她大方地說：「梗係有！小學暗戀過一個孖仔嘅哥哥，佢係足球隊隊長，好charm，不過升中之後就冇見。」
說到新歌MV，Ivy請來劍神蔡俊彥Ryan客串，她表示：「其實同Ryan上星期先認識，幾開心，大家都係26年嘅新人，平時都有留意對方，好開心可以合作，我話畀阿媽知同Ryan合作，阿媽都好開心；幾有趣，平時電視見到佢，同現實見到佢有啲唔同，佢平時做媒體訪問好搞笑、好直接，現實見佢，有啲內斂，都幾cute。」
今次再次跟COLLAR另一成員Candy王家晴同日出歌，Ivy可有擔心分散click rate？Ivy指：「一齊出歌，從來都唔擔心呢啲嘢，反而我覺得係一種陪伴，希望下一首歌都可以一齊出，有人陪伴冇咁驚。」
MIRROR成員姜濤去年帶來的個人世界巡迴演唱會，經過香港、英國、加拿大及美國多個城市的演出後，周日（6月21日）迎來了整個巡唱最後一站澳門站的最終場。由光尚娛樂主辦、Katch音樂娛樂平台呈獻的《KEUNG TO “LAVA” LIVE TOUR 2026 - MACAU》假澳門銀河綜藝館舉行壓軸尾站、最後一場演出，為整個巡演劃上完美句號。姜濤不僅在舞台上毫無保留地完整呈現所有精彩曲目，更拋下多個震撼彈，包括與COLLAR成員許軼（Day）的甜蜜合唱、驚喜致敬「神一樣的天王巨星」米高積遜（Michael Jackson），以及寵粉至極的三度Encore，為全場粉絲「姜糖」留下了難忘的一夜。
姜濤首個個人世界巡唱完美落幕！
為了完整呈現巡唱的精彩構思，澳門最終場再度邀得COLLAR成員許軼（Day）擔任嘉賓。當姜濤唱到《Every Single Time》中段時，身穿背心短裙的Day火辣現身，與姜濤大跳親密貼身舞，瞬間點燃全場氣氛。在互動環節中，Day笑言害怕氣氛尷尬，特別準備了一個小挑戰來考驗師兄的聰明才智。姜濤聞言隨即幽默自嘲：「阿叔年紀都唔細，你唔好玩阿叔。」引來全場爆笑。隨後，Day引導姜濤擺出可愛姿勢，翹起右腳並側頭跳舞，展現反差萌。尾段二人甜蜜合唱《戀愛達人》時手拖手更令全場粉絲起鬨尖叫，令現場充斥粉紅泡泡的甜蜜氣氛。
澳門最終場再度邀得COLLAR成員Day擔任嘉賓。
二人大跳親密貼身舞。
每站特設的「驚喜彩蛋」環節，昨晚迎來了最高潮。姜濤在台上直言這首曲目大家絕對猜不到，語帶尊崇地介紹：「他是一位在所有舞蹈界、音樂界都好尊敬、稱之為藝術家的天王巨星。」隨著經典金曲《You Are Not Alone》的音樂響起，全場歡呼聲雷動。 唱畢後，全場掌聲久久不散。姜濤坦言演出這首歌非常緊張：「呢首好緊張，我英文又唔叻！我真係好記得，Michael Jackson係一位由細到大，覺得好厲害好厲害、神一樣嘅人。今年自己去睇佢套戲嘅時候都好感觸，亦都提醒自己，佢呢一生人都將好多正能量、好多愛、好純真嘅嘢話俾呢個世界嘅人聽。」他更感性寄語：「雖然呢個世界未必每一位理解到你嘅諗法，或者好多誤解，甚至好多時候喺其中迷失。但係聽歌，歌曲嘅力量，就係令到我哋記起心中最純真嘅一面，永遠都唔孤獨。」
「驚喜彩蛋」環節致敬傳奇天王Michael Jackson。
演唱MJ的經典金曲《You Are Not Alone》。
面對整個巡唱的最後一場，向來不善言辭的姜濤亦難得向粉絲大膽表白。他表示自己不是一個會說肉麻話的人，一切盡在心中：「我相信好多嘢，人係有能量可以感應到每一位。只要我哋用我哋嘅生活去感受身邊每個人嘅時候，我都會好感恩呢一個世界。我哋每一個人嚟呢個地球，仲可以共聚一堂真係唔容易。希望最後一站，俾到大家一個好好嘅回憶。亦都希望幾年之後大家諗返起，你哋可以笑一笑，我就好開心。所以你哋要對自己《好得太過分》。」
姜濤
姜濤
一向視「姜糖」為家人的姜濤，在演唱會接近尾聲時主動問大家「趕唔趕時間」，隨後實踐承諾，將「寵粉」推向極致，進行了三次Encore！第一次encore，姜濤特別復刻當年參加《快樂男聲》比賽的造型現身舞台，將恤衫特地釘上鉚釘，復刻同一造型，將2017年參賽時演唱的英文歌《Because of You》帶上舞台，作為最後一站送給「姜糖」的禮物。然後開放現場粉絲點唱，並應台下要求即席清唱了他在2018年參加《全民造星》海選及初期比賽時的爆紅網絡神曲《123我愛你》。相隔多年後再度在舞台上重現這兩首改變他命運的起點之作，讓現場粉絲陷入瘋狂。最終，演唱會在第三次Encore歌曲《你要倔強》中完美落幕，為姜濤首個橫跨歐美的個人世界巡迴演唱會正式劃上完美句號。
姜濤
姜濤
