女團COLLAR成員Marf邱彥筒，昨日（5月22日）推出年度第二支個人單曲《Rrrr》，首度嘗試廣東話rap領域，為凸顯「地道」本色，在新歌MV中大玩多個具備香港特色的誇張造型外，更破天荒走到街頭實景拍攝，吸引不少途人圍觀。
Marf邱彥筒
個唱實驗變成品
Marf曾在個人演唱會“Nights like this” Live 2026以實驗形式獻唱新歌《Rrrr》，今次正式推出，Marf形容今次體驗十分有趣，她說：「呢首歌，其實係演唱會時第一個實驗品，當時網上有好多人話好想聽，叫快啲出，所以我覺得呢個體驗幾有趣，演唱會已經唱咗第一次，已經有舞台經驗，再製作首歌。」
Marf邱彥筒
《Rrrr》曲風澎湃具有廣東話Rap元素，對Marf來說是嶄新嘗試，Marf更透露在Rap部分專誠找來TELLER（王偉俊）跟她共同創作：「用廣東話Rap對我嚟講係新領域，初次嘗試，想揀啲地道啲，適合自己嘅嘢，希望大家喜歡呢個嘗試。」
Marf邱彥筒
造型具香港特色
為配合地道的廣東話Rap，MV選址在街頭實景拍攝，Marf說：「街景拍攝對我嚟講係最大挑戰，好似自COLLAR《Call My Name！》之後，都未試過好似今次咁封咗街拍攝，辛苦咁多位街坊讓一讓路畀我哋，希望冇騷擾到大家。」而提到今次MV的獨特造型，Marf指今次在造型上亦花盡心思，跟多位時裝設計師合作，務求達到脫俗同時亦具有香港特色，她指：「造型上有粵劇文化傳統，亦有香港選美形態嘅設計，所以頭飾、化妝都有相關元素，有個豹紋唇妝，係印水紙嚟，2000年媽咪都成日買嚟玩嘅潮流，好開心可以將呢件事用番，不過拍嘅時候個嘴唔可以笑。」
Marf邱彥筒
樂壇女子組合COLLAR成員Ivy蘇雅琳，昨日（10月22日）推出本年度最後一首個人單曲《葬花辭》，今次歌曲同樣地由Ivy親自填詞，以苦戀為題，大玩古典風及小調式音樂。為配合曲風韻味，Ivy在MV大晒多個典雅造型，散發濃濃的女人味，還滲入粵劇元素，為童年曾接觸粵劇的Ivy勾起不少回憶。
COLLAR成員Ivy蘇雅琳推出年度最後一首個人單曲《葬花辭》，親自參與填詞，以苦戀為題大玩古典風及小調式音樂。
Ivy於本年度先後推出親自填詞的個人單曲《給你一隻大口仔》、《原地拖手》，來到第三首的《葬花辭》，她同樣參與填詞，「今次我都有份填詞，不過搵咗鄭敏老師幫手，因為今次比較高難度，第一次試古典啲、小調式音樂，所以想填出古典味重嘅詞。」歌曲關於一段苦戀，講述一個堅強女仔，愛上一個不應愛的人，最後就像葬花般淒慘，Ivy表示：「一聽到Demo時，好快就覺得首歌係講一段苦戀、一個遺憾，最後選擇用葬花呢個詞嚟貫穿成首歌。」
MV中她大晒多個典雅造型，散發濃濃女人味，更滲入粵劇元素，勾起她童年學粵劇的回憶。
Ivy童年時的粵劇造型。
預告明年單曲活潑風
提到新歌的最大挑戰，Ivy笑說：「遇到最大挑戰唔係我，而係梳化服團隊，因為要喺短時間之內襯出古典造型，真係好大挑戰。」MV中最令Ivy深刻一幕，莫過於滲入粵劇元素，「因為我細個學過粵劇，當初聽完首歌，都諗住用粵劇作故事部分題材，好開心導演喺MV畫面上加插粵劇元素，令我泛起好多兒時回憶。」
Ivy笑言新歌最大挑戰落在梳化服團隊，要在短時間內襯出古典造型。
《葬花辭》是Ivy本年最後一首推出的個人單曲，她希望來年會有更多不同風格的嘗試，「COLLAR試咗好多不同嘅快歌、跳舞，所以喺個人單曲上，我揀Demo時，會揀啲自己有興趣又未試過嘅曲風，而下年嘅Demo已經揀，比今年3首歌會較輕快啲，可以留意下年活潑啲嘅雅琳。」對於年底即將舉行的樂壇頒獎禮，Ivy對此未感緊張，「每次出歌都等於mid-term成績表，出歌後大家嘅反應、喜唔喜歡令我更在意，頒獎禮順其自然，大家喜歡我每首歌已經滿足。」
她透露明年已揀好Demo，曲風會比今年3首歌輕快，讓大家看到活潑一點的雅琳。
對於年底頒獎禮，她表示順其自然，大家喜歡每首歌已感滿足。
