倪嘉雯為《香港探秘地圖》苦練外八字跑姿＋眼神 一秒變暴戾網民激讚「有演技又有觀眾緣」

由王偉仁（Simon）監製、陳可兒、李昊編審的時裝靈異輕喜劇《鼎植口腔呈獻：香港探秘地圖》（以下簡稱《探秘地圖》），本星期一至五晚八點半翡翠台播出結局篇。

迷惘Carmen

受驚Carmen

激動傷心Carmen

崩潰Carmen

今晚（6月8日）一集，王秀儀（倪嘉雯Carmen飾）受「被掟入棺材」噩夢困擾，經一臣（黎耀祥飾）指點後找「問米婆」巫姑（曾慧雲飾）求助，並透過巫姑與亡母真情對話，因而憶起封塵多年的兒時慘痛往事…未幾，秀儀驚爆有第二人格「Sa姐」，極度暴戾之餘還相當打得，而「Sa姐」所做的一切都是為了保護秀儀…

Carmen嘅1秒變兇狠好正。

Carmen變狠又得、變好打亦得，得咗，佢今次嘅演出真係令人好驚艷。

睇吓兩張相幾大反差！

睇吓兩張相幾大反差！

「Sa姐」的出現確為結局周的《香港探秘地圖》迎來一大高潮，對「好色男」絕不手軟的「Sa姐」，昨晚在回憶片段中，對鹹豬手「Rocky」拳打腳踢之餘，還擸鐵通狂毆兼數度「飛撲擒拿」。之後，劇情驚揭一臣原來曾因目睹秀儀出入醫院精神科，跟縱之下發現「Sa姐」，一臣苦勸「Sa姐」不要太偏激，可惜卻換來怒吼「全部男人都係垃圾」的「Sa姐」一記重拳！

呢個表情同眼神正呀。

純愛Feel Carmen

今晚一集，Carmen將暴戾再升呢，萬勿錯過。

話時話，慧雲姐啲演技都好掂，尤其佢扮秀儀媽咪上身嗰幕，配合鏡頭嘅拍攝，簡直係張力十足。

網民封倪嘉雯「最值得欣賞新人」
昨晚場口驚喜位，除了Carmen靈活敏捷好身手及驚人彈跳力，還有難得一見的「窮兇極惡」樣；另在與亡母「對話」場口，Carmen亦將傷心激動演繹得我見猶憐。對於Carmen在一套劇中成功駕馭角色不同情緒及氣場，網民大感驚艷，大讚Carmen是「最值得期待及欣賞新人」，並笑言無綫《Hands Up》是培育人才溫床：「倪嘉雯性格分裂演得好好、好出色」、「演技好，恰如其分」、「近期值得欣賞嘅新人，有演技又有觀眾緣」、「佢會唔會先係成套劇嘅Big Boss」、「佢係咪轉世番嚟報仇？」、「又要讚《Hands up》，點解訓練到咁多好演員？倪嘉雯雙重人格，潘靜文女鬼，陳若思又係演人格演得好出色，仲有Skylar（盧映彤）入女團」，還有網民搞笑指想不到「鐵面陳」（王致狄）唔夠打。

《Hands Up》靚女人才輩出。

潘靜文

陳若思

盧映彤

獲黎耀祥教授慳力秘笈
談到要兼顧兩個反差極大人格，首度進軍打女行列的Carmen，受訪時坦言接到劇本時既期待又興奮：「可以初嚐打女滋味當然勁開心，但都會緊張」，並笑言難度在於「王秀儀」造型太Cutie，為了令觀眾容易辨認不同人格，故在眼神、甚至跑姿下了不少功夫：「我擔心自己帶唔出Sa姐嗰種好勁嘅感覺，所以事前都花咗啲功夫喺眼神同埋動作姿勢度」、「好似今晚我追祥哥嗰場戲，我有特別Tune過啲跑姿，盡量外八字咁跑同埋手部動作大啲」，Carmen又謂由於自己打戲經驗淺，故拍攝時用盡全力，幸獲祥哥在旁教授「慳力秘技」。

問Carmen「飛天循地」如此好身手，是否本身運動底很強，Carmen謂：「我有打開網球、做開Gym咁嘅，唔算咩運動底嘅都。（傻笑）我好記得我嗰日打足全日，日頭追完祥哥，夜晚再打致狄，真係由朝打到晚。原來打戲體力消耗都好大，我第二日起身個人散晒，但好神奇嘅係拍嗰陣我係愈拍愈精神，一啲都唔覺得攰，仲覺得自己好有力。」

Carmen今次呢個角色要處理好多唔同嘅情緒，難度絕對唔低。

由王偉仁（Simon）監製、陳可兒、李昊編審的時裝靈異輕喜劇《鼎植口腔呈獻：香港探秘地圖》，昨晚（6月12日）播出大結局，大奸角龍貴（袁文傑飾）最終惡有惡報大快人心！

倪嘉雯（Carmen）神還原「港版Avantgardey」。

三套顏色造型勁有心思｜
昨晚最精彩部分，是尾聲的彩蛋！劇情講述半年後，「探秘小隊」成員各有更好發展，當中王秀儀（倪嘉雯Carmen飾）搖身一變成為「美食KOL」，以日本知名女子舞團 Avantgardey Image亮相，大跳Hit爆Bob頭舞！雖然該段Bob頭舞只有約一分鐘，但是絕不馬虎！戴了冬菇頭假髮、駕上黑色粗框眼鏡的Carmen，與五名女Dancers以紅綠藍三個不同顏色造型上陣，於中環不同地方大跳特跳，全程無論肢體動作及表情均神還原「原著」，加上誇張可愛表情包，相當吸睛。

頂魔性Bob頭出巡。

Carmen遭遊客誤當真女團求合照。

根據官方網站釋出的花絮，這場一分鐘Bob頭舞拍攝相當認真，Carmen只要一Roll機，便火力全力全情投入搞鬼狀態，零偶包兼喜感爆棚，現場Dancers 對Carmen的「舞功」亦讚不絕口。談到現場情況，Carmen受訪時透露拍足全日：「真係好似拍MV咁，首先監製好好，佢準備咗三套唔同顏色嘅衫畀我哋，又安排咗喺中環唔同嘅位置取景，我自己之後睇番出街都覺得『嗯！好滿意呀！』」

為一分鐘場口練到成腳腳貼！

由於時間緊逼，Carmen於拍攝前一天才獲安排學Bob頭舞，為了盡力做到最好，Carmen學完當晚及拍攝當日只要一有時間，便不斷埋首喪練，結果搞到練過籠一度腳抽筋，事後Carmen更於個人社交網分享成腳腳貼照片！Carmen受訪時說：「我好記得當日跳跳吓，只要一用力就即刻抽筋，所以後期都要就住力嚟跳，連行路都要小心啲。」Carmen又笑言遭認錯做真女團：「好多遊客以為我哋真係女團，都有搵我哋影相。」

Carmen零偶包誇張表情包勁吸睛。