倪嘉雯為《香港探秘地圖》苦練外八字跑姿＋眼神 一秒變暴戾網民激讚「有演技又有觀眾緣」

由王偉仁（Simon）監製、陳可兒、李昊編審的時裝靈異輕喜劇《鼎植口腔呈獻：香港探秘地圖》（以下簡稱《探秘地圖》），本星期一至五晚八點半翡翠台播出結局篇。

迷惘Carmen

受驚Carmen

激動傷心Carmen

崩潰Carmen

今晚（6月8日）一集，王秀儀（倪嘉雯Carmen飾）受「被掟入棺材」噩夢困擾，經一臣（黎耀祥飾）指點後找「問米婆」巫姑（曾慧雲飾）求助，並透過巫姑與亡母真情對話，因而憶起封塵多年的兒時慘痛往事…未幾，秀儀驚爆有第二人格「Sa姐」，極度暴戾之餘還相當打得，而「Sa姐」所做的一切都是為了保護秀儀…

Carmen嘅1秒變兇狠好正。

Carmen變狠又得、變好打亦得，得咗，佢今次嘅演出真係令人好驚艷。

睇吓兩張相幾大反差！

睇吓兩張相幾大反差！

「Sa姐」的出現確為結局周的《香港探秘地圖》迎來一大高潮，對「好色男」絕不手軟的「Sa姐」，昨晚在回憶片段中，對鹹豬手「Rocky」拳打腳踢之餘，還擸鐵通狂毆兼數度「飛撲擒拿」。之後，劇情驚揭一臣原來曾因目睹秀儀出入醫院精神科，跟縱之下發現「Sa姐」，一臣苦勸「Sa姐」不要太偏激，可惜卻換來怒吼「全部男人都係垃圾」的「Sa姐」一記重拳！

呢個表情同眼神正呀。

純愛Feel Carmen

今晚一集，Carmen將暴戾再升呢，萬勿錯過。

話時話，慧雲姐啲演技都好掂，尤其佢扮秀儀媽咪上身嗰幕，配合鏡頭嘅拍攝，簡直係張力十足。

網民封倪嘉雯「最值得欣賞新人」
昨晚場口驚喜位，除了Carmen靈活敏捷好身手及驚人彈跳力，還有難得一見的「窮兇極惡」樣；另在與亡母「對話」場口，Carmen亦將傷心激動演繹得我見猶憐。對於Carmen在一套劇中成功駕馭角色不同情緒及氣場，網民大感驚艷，大讚Carmen是「最值得期待及欣賞新人」，並笑言無綫《Hands Up》是培育人才溫床：「倪嘉雯性格分裂演得好好、好出色」、「演技好，恰如其分」、「近期值得欣賞嘅新人，有演技又有觀眾緣」、「佢會唔會先係成套劇嘅Big Boss」、「佢係咪轉世番嚟報仇？」、「又要讚《Hands up》，點解訓練到咁多好演員？倪嘉雯雙重人格，潘靜文女鬼，陳若思又係演人格演得好出色，仲有Skylar（盧映彤）入女團」，還有網民搞笑指想不到「鐵面陳」（王致狄）唔夠打。

《Hands Up》靚女人才輩出。

潘靜文

陳若思

盧映彤

獲黎耀祥教授慳力秘笈
談到要兼顧兩個反差極大人格，首度進軍打女行列的Carmen，受訪時坦言接到劇本時既期待又興奮：「可以初嚐打女滋味當然勁開心，但都會緊張」，並笑言難度在於「王秀儀」造型太Cutie，為了令觀眾容易辨認不同人格，故在眼神、甚至跑姿下了不少功夫：「我擔心自己帶唔出Sa姐嗰種好勁嘅感覺，所以事前都花咗啲功夫喺眼神同埋動作姿勢度」、「好似今晚我追祥哥嗰場戲，我有特別Tune過啲跑姿，盡量外八字咁跑同埋手部動作大啲」，Carmen又謂由於自己打戲經驗淺，故拍攝時用盡全力，幸獲祥哥在旁教授「慳力秘技」。

問Carmen「飛天循地」如此好身手，是否本身運動底很強，Carmen謂：「我有打開網球、做開Gym咁嘅，唔算咩運動底嘅都。（傻笑）我好記得我嗰日打足全日，日頭追完祥哥，夜晚再打致狄，真係由朝打到晚。原來打戲體力消耗都好大，我第二日起身個人散晒，但好神奇嘅係拍嗰陣我係愈拍愈精神，一啲都唔覺得攰，仲覺得自己好有力。」

Carmen今次呢個角色要處理好多唔同嘅情緒，難度絕對唔低。

由一班靚仔靚女倪嘉雯（Carmen）、廖慧儀（Jessica）、黃嘉雯（Carmaney）、伍倩彤（Gillian）、蔡景行（行仔）等主持的飲食節目《美食新聞報道》，本周一二三晚上8點及周四五晚上8點零5分TVB Plus（82台）播映。

美食家Arthur帶Carmen到紅磡區歎日式廚師發辦。

北海道鹽水馬糞海膽（左）、利尻島白海膽（右）。

二人先以手背品嚐兩款海膽。

海苔松露海膽卷

前晚（9月3日）美食家Arthur Chan帶倪嘉雯（Carmen）到紅磡區歎日式廚師發辦（Omakase），打破坊間「食Omakase喺中環至好食」的迷思。Arthur表示推介此店的原因是性價比極高，他解釋︰「首先佢開喺紅磡住宅區，好捨得用靚食材，就算喺中環開店都綽綽有餘。」此店裝修主打木系，和風十足感覺極Chill！

磯煮鮑魚以波浪切法，增加沾醬汁面積。

Carmen用手指沾起生椒粉彈落鰻魚上，儀式感十足。

靜岡縣烤鰻魚又熱又脆。

一埋枱師傅讓二人試食北海道鹽水馬糞海膽及利尻島白海膽，Carmen用手背接過，試味後讚不絕口，回味無窮說︰「馬糞海膽甘甜、白海膽有奶油香味。」師傅以炸熟的海苔夾住兩款海膽，再刨上黑松露碎鋪面，配上青檸汁。Arthur表示食材間的平衡恰到好處，他說︰「每款食材的味道都品嚐到，唔會畀某一款搶咗味。」接下來的靜岡縣烤鰻魚配生椒粉，Carmen的吃法更是儀式感十足，先用手指沾起生椒粉，再彈落鰻魚表面，猶如Chef霆鋒落鹽的招牌動作。壓軸登場為磯煮鮑魚，師傅刻意以波浪紋切法，讓表面接觸到更多汁醬，再上鮑魚肝醬配白飯，整個廚師發辦完美落幕。

的哥華仔同暉哥到尖沙嘴打邊爐。

睇暉哥表情就知有多滿足。

熔岩沙嗲湯底配三款刁鑽部位牛肉。

滑尾龍牛肉配蛋漿。

一圖看清牛不同部位的肉。

此外，昨晚（4日）「美食揸的日與夜」的哥華仔同林映暉（暉哥）到尖沙嘴打邊爐，特別處是專挑牛的刁鑽部位，分別為五花趾、牛駝峰及滑尾龍，雖然未及牛歡喜出位，但勝在人人都可以品嚐。華仔點出每款牛肉的所在位置，五花趾位於牛小腿內質，他解釋︰「由於經常郁動，所以肉質較緊緻同爽口，牛駝峰即係牛背膊頭位，稍微凸起嘅地方，肉同油脂比例啱啱好，軟熟帶肉香。」最後一款滑尾龍為牛尾對上屁股位的肉，每隻牛提供的肉不多，最佳食法是沾上蛋漿再灼20秒左右，三款肉中牛味最濃。