美食新聞報道｜倪嘉雯「蔗渣價」Omakase食出燒鵝味 林映暉打邊爐嚐刁鑽牛部位

由一班靚仔靚女倪嘉雯（Carmen）、廖慧儀（Jessica）、黃嘉雯（Carmaney）、伍倩彤（Gillian）、蔡景行（行仔）等主持的飲食節目《美食新聞報道》，本周一二三晚上8點及周四五晚上8點零5分TVB Plus（82台）播映。

美食家Arthur帶Carmen到紅磡區歎日式廚師發辦。

北海道鹽水馬糞海膽（左）、利尻島白海膽（右）。

二人先以手背品嚐兩款海膽。

海苔松露海膽卷

前晚（9月3日）美食家Arthur Chan帶倪嘉雯（Carmen）到紅磡區歎日式廚師發辦（Omakase），打破坊間「食Omakase喺中環至好食」的迷思。Arthur表示推介此店的原因是性價比極高，他解釋︰「首先佢開喺紅磡住宅區，好捨得用靚食材，就算喺中環開店都綽綽有餘。」此店裝修主打木系，和風十足感覺極Chill！

磯煮鮑魚以波浪切法，增加沾醬汁面積。

Carmen用手指沾起生椒粉彈落鰻魚上，儀式感十足。

靜岡縣烤鰻魚又熱又脆。

一埋枱師傅讓二人試食北海道鹽水馬糞海膽及利尻島白海膽，Carmen用手背接過，試味後讚不絕口，回味無窮說︰「馬糞海膽甘甜、白海膽有奶油香味。」師傅以炸熟的海苔夾住兩款海膽，再刨上黑松露碎鋪面，配上青檸汁。Arthur表示食材間的平衡恰到好處，他說︰「每款食材的味道都品嚐到，唔會畀某一款搶咗味。」接下來的靜岡縣烤鰻魚配生椒粉，Carmen的吃法更是儀式感十足，先用手指沾起生椒粉，再彈落鰻魚表面，猶如Chef霆鋒落鹽的招牌動作。壓軸登場為磯煮鮑魚，師傅刻意以波浪紋切法，讓表面接觸到更多汁醬，再上鮑魚肝醬配白飯，整個廚師發辦完美落幕。

的哥華仔同暉哥到尖沙嘴打邊爐。

睇暉哥表情就知有多滿足。

熔岩沙嗲湯底配三款刁鑽部位牛肉。

滑尾龍牛肉配蛋漿。

一圖看清牛不同部位的肉。

此外，昨晚（4日）「美食揸的日與夜」的哥華仔同林映暉（暉哥）到尖沙嘴打邊爐，特別處是專挑牛的刁鑽部位，分別為五花趾、牛駝峰及滑尾龍，雖然未及牛歡喜出位，但勝在人人都可以品嚐。華仔點出每款牛肉的所在位置，五花趾位於牛小腿內質，他解釋︰「由於經常郁動，所以肉質較緊緻同爽口，牛駝峰即係牛背膊頭位，稍微凸起嘅地方，肉同油脂比例啱啱好，軟熟帶肉香。」最後一款滑尾龍為牛尾對上屁股位的肉，每隻牛提供的肉不多，最佳食法是沾上蛋漿再灼20秒左右，三款肉中牛味最濃。

由一班靚仔靚女倪嘉雯(Carmen)、廖慧儀(Jessica)、黃 嘉雯(Carmaney)、伍倩彤(Gillian)、蔡景行(行仔)等主持的飲食節目《美食 新聞報道》，本周一、二晚上 8 點及周四、五晚 8 點 05 分 TVB Plus(82 台)播 映。

莫師傅帶Gillian挑戰膽固醇。

二人以護心肉燒烤作前菜。

莫師傅推介必點的粉嫩鵝肝。

吊龍、五花趾各自各精彩。

昨晚(10月20 日)「美食大使」伍倩彤(Gillian)非常有食神，先跟「大廚發辦」米 芝蓮大廚莫燦霖師傅到灣仔歎潮汕滷水火鍋，再跟行仔遠赴元朗食百份百正宗 陽澄湖爆膏大閘蟹，一次過滿足兩大欲望之外，再挑戰膽固醇。Gillian 自言平 時以港式火鍋為主，滷水火鍋都是初次品嚐，她興奮說：「對滷水嘅印象係比 較濃味同鹹。」莫師傅大派定心丸表示會有滷水的香味，但不會死鹹。

即將挑戰膽固醇極限的 Gillian 透露此店除了火鍋同時提供串燒，一次可以滿足 兩大願望。二人先點了烤大油邊，即豬的護心肉串，特點是有筋膜且脂肪含量 極低。接下來莫師傅點了獅頭鵝肝 吊龍、五花趾、海帶苗作火鍋配料。Gillian 搶先淥了一塊鵝肝，試食後大表回味說：「嗰面熟咗，但入面仲好 creamy，好 似食緊雪糕咁，入口即融。」接下來的吊龍、五花趾同樣精彩，莫師傅講解每 個部位的特色，他說：「吊龍即係牛背脊肩胛骨對下，屁股上一段。割咗出嚟 吊喺度成個燈籠咁，所以有呢個名。」至於五花趾為牛後腿肌腱，前腿肌腱則 稱為三花趾。Gillian 讚不絕口直言牛肉就如海棉般沾滿滷水汁，完全不用醮其 他調味料，已經非常好吃。

行仔同Gillian入元朗搵食。

正宗陽澄湖大閘蟹有QR Code認證。

大閘蟹啖啖爆膏。

陽澄湖大閘蟹屬於其中一種江蘇蟹。

Gillian 吃完一頓豐富的邊爐餐後仍未夠喉，便馬不停蹄到元朗會合行仔食大閘 蟹。行仔雖然號稱「美食一哥」，但講到真正食家非 Gillian 莫屬。她細心解釋何 謂「九月圓臍、十月尖」，目前就以蟹乸最肥美，特別是產自陽澄湖的為上品。 今趟二人推介的蟹店正是陽澄湖大閘蟹專門店，行仔說：「真正陽澄湖產嘅蟹 有 QR Code，一掃就可以睇到隻蟹出生年月日、幾時上湖、食乜嘢大。」但講 到實踐部份，依然是 Gillian 最強，既教行仔辨別蟹公、乸，還指出陽澄湖蟹矜 貴之處，她講解說：「佢貴在無泥味，而且甜味十足。」節目中所見隻隻蟹都 爆膏，膽固醇指數絕對爆標，但 Gillian 依然少理，連食幾隻依然面不改容。

此外，二人互訴食大閘蟹的「慘痛」經歷，行仔自言試過喪食廿隻大閘蟹後， 第二日出到一身風癩。Gillian 亦試過食得太多，太過寒涼而差點當場暈倒，但 依然無悔說：「一年一次都 Okay 嘅。」