ViuTV新劇《喜劇開場》，改編自日本電視台之同名電視劇，並由「尋求無悔三兄弟」楊樂文、何啟華、王智德主演。編劇兼監製龍文康將故事改為港版，加入更多本地元素，希望引起香港觀眾的共鳴。
《喜劇開場》劇照
《喜劇開場》的靈魂人物之一龍文康分享：「故事其實就基於原著，點樣將原著變得可以令香港嘅觀眾比較容易接受？日本嘅原著其實係好有日本文化，好多佢哋嘅細節、經歷等，入手比較難嘅係點樣去Adapt咗日本嗰個味道，去Localize喺香港發生，令香港嘅觀眾有共鳴。」
《喜劇開場》劇照
他認為故事的主軸不止是跟香港有關，「其實喺世界各地有好多人都會面對緊呢一個相同嘅處境，就係叫做你做一啲嘢，但嗰樣嘢可能Spend咗一段長時間而唔成功，你會點樣繼續落去呢？故事中嗰三個主要嘅角色就係面對住一個咁樣嘅處境，佢做咗十年劇場，到最終佢哋選擇告別，係咪代表失敗呢？呢個故仔想講點樣面對唔成功。」
《喜劇開場》劇照
或許製作預算有限，龍文康與另一位監製何麗嫦亦有於劇中客串當臨時演員，就如第二集的《新居》中，劇情講述中學時期的「玩笑雙雄」方桂元（何啟華）和關守望（楊樂文飾）於校慶時表演舞台劇，而兩位監製則為座上客，觀賞二人的演出。
監製何麗嫦（左三）、龍文康（左五）客串做臨記
ViuTV新劇《喜劇開場》由6月3日起，逢星期一至五晚上9時30分至10時30分播出。『紅白藍』由望（楊樂文飾）、恭仔（王智德 飾）及桂（何啟華 飾）三人組成，三人憑著一股傻勁，邊打工邊做戲，逐步建立屬於他們的搞笑戲劇組合。十週年將至，阿望與阿桂分別與家人訂下十年之約，若『紅白藍』未能於十年內成為成功組合，便會和平解散。此時，神秘忠粉馬凡（陳漢娜飾）與妹妹素素（許月湘 飾）悄然介入三人的生活，到底『紅白藍』的命運會如何發展……
《喜劇開場》劇照
《喜劇開場》劇照
《喜劇開場》劇照
《喜劇開場》劇照
改編自日劇的同名劇集《喜劇開場》現正熱播，劇中林千渟飾演阿桂女友阿思。她形容阿思是一位「100分女朋友」：「佢哋喺中學時期認識，阿桂當時已經好鍾意做Drama，用咗十年時間去追夢，而我就喺佢追夢嘅過程中一直支持佢，係一個同佢一齊成長嘅角色。」她認為，要成為一個100分女朋友，最重要是體諒，「要識得企喺對方角度諗嘢。我覺得男女之間嘅關係，最緊要係體諒同包容。劇入面佢有啲缺點我都有包容，所以我做到100分女友。」
《喜劇開場》劇照
《喜劇開場》劇照
《喜劇開場》劇照
不過在現實中，她為自己打60至70分：「即係合格啦，唔夠膽話自己好好，但係我好著重溝通，有咩事都唔可以過夜，一定要解決。」她補充指，如果問題被忽略，只會不斷累積，「累積到一個位，就算想解決都未必解決到。」談到情侶相處之道，她認為最重要是坦誠、包容和體諒，「而呢幾樣嘢其實都要睇夠唔夠愛，如果你好愛對方，愛係可以大過晒呢一切。」
至於何洛瑤（Sica）在劇中飾演寧寧，是素素（許月湘飾）的好友，因為某些原因寄居於兩姐妹家中一段時間：「我嘅出現應該係為佢哋嘅人生增添一啲色彩。」她表示今次拍攝過程十分愉快，亦與導演在選曲上有很大溝通空間，其中一首她演唱的歌曲對她意義重大，「我覺得嗰首歌對於呢個故事，或者對於『紅白藍』三個角色都有好深嘅淵源，所以都幾期待唱。」
現實中的Sica亦分享，她很喜歡間中到朋友家中過夜，並強調全部都是同性朋友：「我好鍾意傾傾下計突然之間興起，就跟人返屋企。」她笑言最誇張的一次，是拍片時認識新朋友，「第一日認識，傾傾下就已經去咗對方屋企瞓一晚。」不過她亦坦言未曾試過長期寄居在別人家中，「我係好鍾意突發去人屋企，但長住就真係冇試過，始終最鍾意自己張床，同埋有啲習慣同護膚品，好難帶去人哋屋企長住。」
