夫妻肺片｜麥長青神解男人「歸宿」新定義 羅泳嫻感激吳若希「隔空」令自己老公變乖？

由曹永廉、蕭正楠、吳若希、車婉婉任主持兼「婚姻求生教練」、一共十集的《K Cash找數王呈獻：夫妻肺片》，逢周一至周五晚10點30分翡翠台播映。《夫妻肺片》每兩集便會請來一組星級嘉賓，暢談婚姻生活、拆解夫妻日常「炸彈」，輔助大家邁向永恆恩愛之路。

單立文、麥包、麥玲玲、羅泳嫻、賴慰玲擔任嘉賓。

單立文、麥包、麥玲玲、羅泳嫻、賴慰玲擔任嘉賓。

「被動人夫」麥長青

「好開心人夫」單立文

今晚（6月11日）《夫妻肺片》第九集，迎來最後一組「星級戰友」嘉賓，分別是「被動人夫」麥長青（麥包）、聲稱被老婆胡蓓蔚強迫認「好開心人夫」的單立文（豹哥）、「控制型人妻」麥玲玲、「旺夫型人妻」羅泳嫻，以及第二度上節目、由「當老公唔存在型人妻」進化成「熱戀型人妻」的賴慰玲（阿賴）。

「控制型人妻」麥玲玲

「熱戀型人妻」賴慰玲

「旺夫型人妻」羅泳嫻

麥包發表婚後「龜縮論」。

單立文感激胡蓓蔚感染戾氣激減
今集「恩愛實測」環節，五位嘉賓要寫下「多謝另一半」的說話，當中以麥包玩食字最搞笑！他寫了「多謝」兩個字後，即搞笑指結婚是男人的「龜縮」：「結完婚咩都冇，所以你哋唔想『龜縮』就唔好結婚，如果想安安定定好似烏龜咁縮呢，咁就結婚喇！豹哥則難得正經指多謝老婆胡蓓蔚將他由：「壞咗嘅人」變成「好咗嘅人」：「其實佢幫咗我好多。」並表示遇到老婆後減少戾氣，但之後又不忘亂噏：「真係純到哩，我出街見到女人都怕。」

玲玲姐被取笑需要助理多過老公。

麥包表示晚晚都與老婆拖手瞓，吳若希聽到心心眼。

麥包表示晚晚都與老婆拖手瞓，吳若希聽到心心眼。

蕭正楠亦係一定要掂住老婆翠如瞓。

麥玲玲最感激老公幫手睇實公司盤數 被取笑「搵老公定搵助理」
5位嘉賓之中，以玲玲姐最現實，她多謝老公的地方竟然與公司有關：「多謝睇晒咁多間公司盤數」，麥包見狀即取笑玲玲姐：「你搵老公定搵助理？」玲玲姐連忙「反擊」：「你問佢上個月電費幾多，佢即刻答到你㗎。當你遇到就知個重要性。」

至於「夫妻互片」環節則主力探討「老夫老妻應否加添生活情趣」，而眾人分享的「夫妻情趣」絕對估你唔到！予人感覺粗豪的麥包，原來私下極浪漫，更連瞓覺都會與老婆拖手仔：「我同老婆依家都係拖住手瞓覺！」說畢即引來全場女士嘩然，吳若希更心心眼：「真係㗎？好浪漫呀！」蕭正楠則附和說：「我都會嘅，瞓覺嘅時候總之身體有一Part一定要掂住嘅，手啦，一係頭挨住，就算兩個身好遠，隻腳都會掂住。」

豹哥自稱有虛擬情人「佩欣」，更即場示範點樣溝通，搞到阿賴失控喪笑。

豹哥自稱有虛擬情人「佩欣」，更即場示範點樣溝通，搞到阿賴失控喪笑。

面對豹哥同麥包唱雙簧，阿賴舉手投降。

羅泳嫻爆老公愛扮牛郎，豹哥以為係跳脫衣舞嘅牛郎，阿賴仲問有冇攝錢。

羅泳嫻爆老公愛扮牛郎，豹哥以為係跳脫衣舞嘅牛郎，阿賴仲問有冇攝錢。

玲玲姐指吳若希成日鬧老公，係提供情緒價值嘅其中一個方法。

羅泳嫻讚吳若希分享嘅奇聞有用，吳若希勁得戚。

羅泳嫻讚吳若希分享嘅奇聞有用，吳若希勁得戚。

麥玲玲提及「批評」二字時誤指吳若希引全場起哄
羅泳嫻則自爆會與老公玩「角色扮演」，老公更試過扮「牛郎」問她：「小姐你一個人呀？」，隨即惹來全場無限聯想及嘩然。輪到玲玲姐分享夫妻間如何提供情緒價值時，說到「你有冇批評佢」時，雙手竟不自覺指向了吳若希，十分爆笑，而吳若希則一臉無奈：「點解要指住我啫？」玲玲姐神回：「你可能好畀到情緒價值佢（你老公），因為你成日鬧佢。」而羅泳嫻則力撐吳若希：「我老公依家揸車，隔籬係唔會有女仔坐。」搞笑的是，吳若希因「批評」這個Term惹來現場不少非議，事件最終演變成「吳若希批判大會」，內容啜核精彩，萬勿錯過。

單立文親揭如何靠幻想虛擬情人增加夫妻情趣勁爆笑
除了吳若希，豹哥亦是本集「被吐槽」對象！首先，他搞笑自爆為了增加婚姻情趣，自行幻想出一位虛擬情人「佩欣」，老婆和朋友皆知。阿蕭問豹哥平時如何跟佩欣溝通？豹哥即興奮到手舞足蹈：「扮囉！我老婆打電話返嚟，我話『佩欣你返入房先』」聽到玲玲姐、羅泳嫻拍晒手，阿賴更笑到失控。眾人更你一句我一句爭住問「佩欣咩樣」、「鍾意老婆定佩欣多啲」、「叫你老婆扮佩欣咪得囉」等，場面爆笑。除了自爆，豹哥又孖住麥包輪流「搞事」及「挑機」，終令阿賴頂唔順嗌投降：「我輸喇，我傾唔到（落去）喇」、「我投降喇！」想睇豹哥如何搞到大家無法招架？就要收睇今晚播映的《夫妻肺片》。

黃偉聲監製、馬焱、麥世龍編審的時裝懸疑法證劇《死有對証》，逢周一至五晚八點半翡翠台播映。主要演員有陳曉華、馬貫東、吳若希、阮浩棕、韋家雄、陳熹潼、王綺琴、王菲、許俊豪、黃嘉雯等。

阮浩棕與譚坤倫大打出手，最後阮浩棕以為自己殺了對方。

阮浩棕與韓馬利在方紹聰幫助下，到村屋暫住。期間阮浩棕收到吳若希約見面，即前往約定地點。

吳若希伏屍草地，馬貫東非常驚訝，韋家雄則進行初步驗屍。

吳若希伏屍草地，馬貫東非常驚訝，韋家雄則進行初步驗屍。

吳若希伏屍草地，馬貫東非常驚訝，韋家雄則進行初步驗屍。

《死有對証》今晚（10月9日）迎來大結局，所有謎團即將揭曉！昨晚（8日）劇情講述詹柏宇（阮浩棕飾）以為錯手殺害甘世宏（譚坤倫飾），決定與母親馮瑜（韓馬利飾）逃離香港。警員高俊（馬貫東飾）等受公關Anita（關楓馨飾）假口供誤導，將柏宇列為疑犯，柏宇母子只好在花王孔國全（方紹聰飾）協助下藏身村屋。其後警方識破Anita謊言，發現真兇另有其人。另邊廂，柏宇離開村屋跟單佩嘉（吳若希飾）見面，但黃昏時分驚見女方伏屍地上，為大結局留下震撼懸念！

昨晚劇情最大衝擊，是吳若希在毫無預警下離世；而全晚最傷感的畫面，莫過於陳曉華飾演的程芷昕在殮房的獨白戲。當她步入解剖室，強忍傷痛向韋家雄詢問死因時，鏡頭多次特寫陳曉華的嘴部，只見她說話時雙唇微微顫抖，將壓抑的悲痛細膩地表現出來。之後她獨自面對好友冰冷的遺體，陳曉華知道吳若希必定不想她傷心，故起初強忍淚水，笑着連喚三次「單佩嘉」，但最終徹底崩潰，雙膝一軟跪倒在地。她邊哭邊溫柔地輕撫着好友的頭髮，聲淚俱下地哽咽說：「芷昕喺度，唔使驚」、「我會一直陪住你，就好似你陪住我咁。」

陳曉華嘴唇都有戲。

陳曉華內心戲大爆發。

陳曉華內心戲大爆發。

陳曉華內心戲大爆發。

關楓馨初時態度囂張。

被控殺人罪時，關楓馨驚到喊。

陳嘉輝讚關楓馨投入角色。

網民讚陳曉華喊得靚
這段極致催淚的兩分鐘戲碼，不少網民都表示喊濕幾包紙巾，讚陳曉華的演技漸趨成熟，更有網民指她喊得很靚：「曉華一開始喊住嚟笑，我已經喊咗」、「這套劇個個都做得好好，睇到這幕我都跟住喊」、「陳曉華做得好真，好似吳若希真係死咗咁，未見過佢做得咁好」、「她哭的樣子楚楚可憐。」而吳若希的演出亦收穫不少好評：「越演越好，尤其是同大佬詹嘅感情戲」、「後期吳若希角色開始討好，但咁就死咗。」

對於昨晚毫無預警下「領便當」，吳若希接受官方訪問時笑言，演死屍已相當有經驗：「雖然拍嗰日係夏天，張床亦好凍，不過好彩我喺個死屍袋入面，可以隔水同隔凍，所以喺入面其實都幾溫暖。但因為我有少少幽閉恐懼症，個袋係唔可以拉晒拉鏈。」吳若希更笑言演死屍已「爐火純青」，因首次拍死屍戲時，看見同劇拍檔哭泣，她亦忍不住喊，但之後再拍攝已能控制情緒：「我覺得依家做會做得更加好，因為瘦過之前，塊面削咗，如果化個死屍妝應該會幾似。所以希望之後有警匪劇，就算唔搵我做警察，都可以搵我做死屍。」

至於陳曉華表示拍這場戲，沒有刻意培養情緒，因她步入解剖室看見吳若希時，所有與「單佩嘉」的回憶統統湧現：「反而係唔好望住吳若希，因為我相信第一身嘅感受，所以拍之前我都冇同佢講好多嘢。我記得一take導演就收貨，我諗係因為第一take感受最深。我諗對於三年前嘅我要拍呢啲畫面，第一身嘅感受一定係最深刻同埋最真實。」

關楓馨於劇中有破格演出。

關楓馨於劇中有破格演出。

關楓馨於劇中有破格演出。

另外，首次飾演公關小姐的關楓馨雖然戲份不多，卻憑破格演出吸引觀眾目光。一向多演斯文角色的她，今次在《死有對証》飾演染有毒癮的公關小姐，其中一幕被譚坤倫鎖上手銬的戲份，意識大膽。至於她在警署的兩場盤問戲，更是考驗演技。第一場到警署協助調查時，她態度囂張地說：「一男一女去開房，唔通玩波子棋呀？使唔使畫公仔畫出腸呀！」但之後另一場戲，飾演警長的陳嘉輝表示她有殺人動機時，關楓馨的態度即時「笠水」，嚇到全身發抖、聲淚俱下地說：「我真係冇殺佢呀，唔關我事㗎」、「我係衰貪心，但佢嘅死真係唔關我事㗎！」前後兩場戲的反差極大，表現亮眼。

關楓馨接受官方訪問時表示，拍《死有對証》時正修讀演技課程，最難忘是拍第二場警署戲：「拍攝時不停運用學到嘅技巧，一直揣摩角色心態，喺腦入面不停諗『死啦！佢哋拉錯人，可能會坐監，要點樣解釋！』」她最開心是獲得前輩陳嘉輝讚賞：「嘉輝哥同我講：『你頭先好入戲，我相信晒成件事，你做得好好，你係咪有學過演戲？』聽到佢咁講，令我覺得有一種成功感，演繹到呢個角色出嚟。」