佘詩曼帶陳山聰囝囝過「二人世界」 6歲Jaco又man又sweet冧爆契媽

51歲的視后佘詩曼出名喜愛小朋友，擁有十多名契仔契女，身為「廿四孝契媽」，阿佘一有空閒時間就會約契仔契女見面，近日她就挑戰「單拖」帶契仔、陳山聰兒子陳霆軒（Jaco）外出享受「二人世界」，更全程被Jaco冧爆！

佘詩曼超錫契仔Jaco。

二人還曾合作拍廣告。

阿佘晒出與Jaco溫馨合照，並分享二人的甜蜜之行，「話說有一日我打電話俾契仔個老豆問佢：『喂，你敢唔敢俾我單獨帶契仔出去呀？』佢話：『可以。佢OK 㗎，你咪帶佢出去囉。』咁我呢個契媽就膽粗粗揸架車去接佢二人世界喇～（咪咪摸摸嘅我結果差唔多八點先去到樓下接佢）」

阿佘續言：「佢一上車我就問佢：『你肚唔肚餓呀？』佢馬上點頭，跟住我又問佢：『但係咁喎，除咗食飯我又想帶你去買玩具或者買糖喎，你想去買咩好呢』佢話：『買糖！』跟住我就話你要頂住肚餓一陣喎，因為如果食完飯先至去，超級市場可能閂門喎，佢話：『Ok! 我可以頂一陣！』去到超級市場，佢自己即刻推車仔周圍行，我話只可以買五樣嘢咋，佢望住我陰陰嘴笑就走咗去，結果買咗10樣嘢，我輸1:0！」

影片截圖

影片截圖

接下來，阿佘就帶Jaco去食他最愛的Pizza，「去到餐廳好似返咗佢自己地頭咁，又問人攞顏色筆、又攞貼紙。佢邊食邊或邊講，我哋好開心。佢突然間推張紙過嚟俾我睇，原來上面寫住『I love you！』我冧到癲咗！仲未完，佢突然喺I love you上面加咗1000，話love我1000咁多，我又輸俾佢，2:0！但係真係好正，人細鬼大～」阿佘可謂甜入心！

佘詩曼IG圖片

影片截圖

影片截圖

阿佘又分享，二人在超級市場買了一大袋東西，只有6歲的Jaco竟然主動表示要幫手拿，「個袋好似佢半個人咁大，我話我幫你拎啦，佢話：『呢啲嘢梗係男仔做㗎啦！』你哋話係咪好正先！ Jaco I love you x 10000.」阿佘完全被冧爆啊！

關注一下過去24小時娛圈事Top 5熱話。

王菲張子丰拍拖4年齊報喜 湖中央小船浪漫求婚成功

2019年港姐亞軍暨最上鏡小姐王菲於2022年被爆與唱片公司太子爺兼唱作歌手張子丰（Fred），因拍攝劇集《法言人》而撻著，二人拍指四年來一直對感情事非常低調，但就不時被發現孖公仔現身，感情穩定。昨日（9月5日）凌晨，二人齊齊在社交平台報喜，宣布求婚成功！

▼詳情點擊圖片查看或按連結

李思欣重遊母校穿校服自嘲緊身 貼中學短髮舊照獲讚清純

藝人李思欣日前在社交平台分享Vlog，帶大家重遊小學、中學及大學母校。她來到中學母校庇理羅士女子中學時，即場換上校服裙，笑言現在穿著有點緊身。她更在影片中貼出中學短髮舊照，見她戴上與校服相襯的髮箍，清純模樣獲網民大讚。

▼詳情點擊圖片查看或按連結

袁詠儀55歲生日獲20歲兒子精美鮮花 外甥送愛馬仕造型蛋糕超有心

金像影后袁詠儀（靚靚）於前日（9月4日）迎來55歲生日，她在社交平台分享慶生照，可見她捧着一束精美鮮花，對着鏡頭露出溫柔微笑，並開心表示：「今年生日收到最漂亮的一束花」，因為這束花是20歲愛兒「魔童」張慕童（Morton）所送的，難怪靚靚特別鍾意！

▼詳情點擊圖片查看或按連結

我未許願先吹蠟燭｜金燕玲邱士縉梅靜妍優先場謝票 承諾跳韓女團aespa舞賀票房高收

金燕玲、Stanley及梅靜妍昨日（9月5日）穿上電影團隊服，到荃新天地英皇戲院連跑兩場謝票，與觀眾近距離交流。金燕玲笑言謝票「對老人家幾辛苦」，但聽到觀眾的想法覺得十分有趣，「佢哋問嘅問題我哋都估唔到，未必同我哋想傳達嘅意思一樣。」她坦言對票房有期望，希望大家入場聽他們講故事，「每個人都會有邊沿嘅時候，最重要係將來條路點行。」

▼詳情點擊圖片查看或按連結

陳山聰加拿大巡演遭熱情影迷「強吻」 收獲巨額利是分一半予囝囝作補習費

視帝陳山聰日前遠赴加拿大舉辦行巡迴演唱會，先後走訪溫哥華、滿地可及多倫多三大城市，三場演出均圓滿落幕，現場反應極為熱烈，每場的女粉絲都瘋狂追住他來錫，山聰雖然身手敏捷，但最終亦告失守，被一名女粉絲成功錫面！

▼詳情點擊圖片查看或按連結