政事
盛傳想參選特首的新民黨主席葉劉淑儀，傳聞向建制派人士邀請，出席她在本月15日的活動，疑似是宣布參選的活動。選委會選舉在 11日結束，預料她會在此之後宣布參選。
葉劉有在部份報章寫專欄，她已通知報章，因個人原因可能停寫一段時間，估計是和參選有關。
有傳媒大字標題話「葉劉獲中聯辦力撐」，咁又誇張咗好多啦。聞說阿爺原本屬意葉劉做立法會主席，可惜葉劉想選特首無興趣，最後就搵咗梁君彥做立會主席。
阿爺對葉劉參選的態度，可以說是「並無勸退」，並無搵人接觸叫佢唔好去選，但這樣當然和支持她參選有分別，亦完全不是「中聯辦力撐」。若用時興講的紅綠燈論，葉劉呢種係「 黃燈」，即係阿爺唔太介意佢出戰，出現「葉劉對CY」的局面，由得選委去揀。
Ariel
** 博客文章文責自負,不代表本公司立場 **
本土民主前線發言人梁天琦支持青年新政梁頌恒、游蕙禎出選上台之後，在他們宣誓出事和人大釋法之後，一直未有露面。期間被城邦派老祖陳雲窒，用「掟西瓜招魂」方式，叫梁天琦快快重現人間。
結果到上周日晚，梁天琦終於現身肥彭在港大陸佑堂出席的講座，並舉手提問。
梁天琦昨日接受now新聞台訪問，講述過去為何失踪，話立法會選舉後曾以顧問角色協助青年新政，但由於後來已離港準備升學，故對梁、游用甚麼方式宣誓並不知情，「呢一個係我要付出嘅代價，我冇留喺立法會同梁、游共事，俾咗立法會自主權佢哋，最後得出呢個結果，係大家共同承擔。」
梁天琦又話，一直未有公開回應人大釋法事件，因為如果要反抗釋法，就要鼓動更多人走出來反抗，「 但我鼓吹佢哋嘅時候，我無法走得最前，咁同我以前做嘢唔同，咁咪叫人去做，自己唔做，我唔想咁樣，我選擇咗一句說話都冇講」 。梁天琦坦言：「要畀答案的話，就係我懦弱囉，我唔想依家就要即時還柙。好對唔住，我做唔到大家期望我能夠做到嘅事，我冇負到呢個責任，企喺最前線去對抗呢次釋法，我今次選擇咗自己」。
梁天琦所講要即時還押，是指在年初一旺角騷亂中，他被控兩項參與暴動罪及一項煽動暴動罪，現正保釋階段，案件將於 2018年1月在高院審理。在保釋中當然不可以再煽動暴動，否則會馬上還押候審，所以梁天琦就不敢再發動人上街。
在訪問中梁天琦亦表明，無計劃參與未來立法會補選，亦不會為任何人站台，因為自覺已辜負很多選民期望，「 我覺得係反省嘅時候，而唔係死纏爛打」。
now新聞台訪問的視頻可以按以下連結：
