師傅點算｜嘉寶師傅拆解「十年大運」 行衰運有徵兆 裸泳師傅解困「水星逆行」

由「資深廟祝」火火、「實習廟祝」施焯日（Arthur）主持TVB Plus（82台）全新直播互動綜藝節目《師傅點算》逢周一晚9點半及周二晚9點35分直播。

三位師傅昨晚講「命運週期」。

昨晚（6月15日）主題「命運週期」，很多人相信「好醜命生成」，不過嘉寶師傅就話並非命中注定，後天都可以平反，她說︰「喺八字命理上面，命運無疑係先天嘅藍圖，一出世嘅年、月、日、時四柱已經形成大致格局。但後天可以改變，包括行為、心理、積德同思維，都可以改寫部份結果。」嘉寶師傅話大約「七分天註定，三分靠打拼」。她又提到不少人經常講的「逢九必衰」，即係年齡凡到「9」字尾，如「19」、「29」等都會出現轉變，她進一步解釋︰「道教學說『9』係一個極數，盛極必衰、物極必反，係一個變動開始，但係咪一定衰呢？又未必。譬如你下一個運係好嘅大運，咁就好喇，代表你升職、加薪、結婚。『逢九』只係代表有重大變動，要小心應對。」嘉寶師傅補充所謂「大運」為中性，可好可壞。

嘉寶師傅講解「逢九必衰」由來。

此外，節目中提到行衰運原來有跡可尋，假如家中經常打爛杯碟、成日燒燈膽、壞電器；外出會跌手機、遺失鎖匙、銀包，代表本身氣場開始亂，是行衰運先兆。此時宜保守行事，有四件事盡量避免，包括︰辭職、結婚、投資、做擔保人。

裸泳師傅提到「水星逆行」對不同星座影響。

節目中討論受「水星逆行」影響，運勢變差諸事不順，羅泳嫻師傅（裸泳）解說當中因由，她說︰「從玄學角度除咗係一個周期之外，亦係一個天文現象。古時嘅人相信用肉眼望到嘅星，都會對我哋有影響。水星當然唔會打倒褪，係同佢嘅公轉轉速有關。水星圍住太陽行一圈只需88日，而地球係365日，所以地球每年會有3次畀水星『超車』。每次同水星相遇，就會有好多變動出現。」裸泳師傅話今年尚有兩次「水逆」，最先為6月29日至7月23日，受「水逆」影響最大的是巨蟹座，家中容易出現紛爭。至於今年最後一次「水逆」發生在 10月24日至11月13日期間，影響最深為天蠍座，裸泳師傅忠告在職人士要特別小心，容易出現職場糾紛及跟老闆有爭拗。

裸泳師傅提到「水星逆行」對不同星座影響。

由「資深廟祝」火火、「實習廟祝」施焯日（Arthur）主持TVB Plus（82台）全新直播互動綜藝節目《師傅點算》昨晚（6月9日）主題「有緣人」請來嘉賓音音姐邵音音，她縱橫影圈數十年，早年憑電影《老奶奶與無名子》在美國、巴塞隆拿及各大國際電影節橫掃超過十個最佳女演員獎項。

昨晚嘉賓音音姐。

昨晚嘉賓音音姐。

昨晚嘉賓音音姐。

今趟音音姐是應契女趙嘉寶師傅邀請擔任嘉賓，甫出場便受皇后式歡迎，而且戲裏戲外都是戲。當Arthur開門見山講鬼時，音音姐故作驚訝說︰「火火，你同我講上嚟講緣份㗎喎……講得鬼㗎。」鬼馬演繹差點令到一班主持招架不住。

音音姐契女嘉寶師傅。

音音姐契女嘉寶師傅。

音音姐在影圈逾半世紀，遇過不少靈異經歷，講到印象最深刻，要數到多年前一位男巨星出殯時的見聞。當時殯儀館外人山人海，警察架起鐵馬維持秩序，她說︰「突然見到一個着住米色衫、白色褲嘅人挨住鐵馬喺度睇，睇清楚竟然就係嗰位巨星。」起先音音姐還以為自己眼花，最後發現不只一位在場人士見到。嘉寶師傅解釋當時情況，相信該位出名愛錫粉絲的巨星不捨得的緣故。接住音音姐補充之後又發現該名已故巨星，竟然跟一班粉絲一起排隊領紀念冊。

音音姐在巨星喪禮中目睹對方的靈魂。

音音姐在巨星喪禮中目睹對方的靈魂。

節目中音音姐越講越興奮甚至開名爆陳靜（DaDa）拍電影《迷離夜》時撞鬼，令在場兩位主持有點不知所措，但她一於懶理繼續說︰「佢（戲中）本身係一隻鬼，但拍拍下真係發高燒，發到39點幾成40度，真係會昏迷會死㗎。嗰時喺鵝頸橋取景，室外溫度得7度，好在佢無對白。」音音姐解釋拍攝前DaDa一切正常，當拍到鬼戲部份時才出事，完成拍攝後又似沒事般，所以當時大家都深信她撞鬼。電影《迷離夜》共分三個單元，音音姐與DaDa主演的故事為《驚蟄》，講述DaDa遭姦殺後化成女鬼，找在鵝頸橋「打小人」為生的音音姐報仇雪恨。

DaDa被爆拍戲時撞鬼。

DaDa被爆拍戲時撞鬼。

此外，In Lee師傅解釋音音姐經常有靈異經歷除了本身體質外，亦因為她爽朗豪邁性格吸引眾生朋友，認為可以信賴。

In Lee師傅表示音音姐的體質加上豪邁個性，吸引眾生朋友。