師傅點算｜嘉寶師傳揭觀音性別之謎？ In師傅和「勁爆」九天玄女有個約會

由「資深廟祝」火火、「實習廟祝」施焯日（Arthur）主持TVB Plus（82台）直播互動綜藝節目《師傅點算》逢周一晚9點半及周二晚9點35分直播。

昨晚主題「女神」。

嘉寶師傅介入斗姆元君女神。

昨晚（7月7日）主題「女神」，趙嘉寶師傅先就主題科普一下。她表示神明的性別只是形相相近，並以大眾熟悉的觀音作例1說明︰「我哋成日講女神，主要係講個神明嘅形相係女性。啲人成日講觀音娘娘，其實佛教引入嚟時，觀音係男兒身，中原觀音係女兒身，係因為佛、道cross over咗。道教觀音真名係慈航真人，係天尊座下弟子係女兒身。」所以好多人不解觀音到底是男是女，其實是來自佛、道兩個宗教。

嘉寶師傅表示道教中最為人熟悉的女神明，非斗姆元君（斗姆）莫屬，因為每到農曆年前後，大家都會「打搞」到祂，她解釋說︰「斗姆為『眾星之母』掌管北斗九星，北斗七星再加左輔星、右弼星，掌控天地星辰、命運生死、消災解厄。沖犯太歲、事業迷惘、想轉運嘅人都可以搵佢。」她提醒信眾拜太歲順序應先拜斗姆，再拜當年太歲。

In Lee師傅經常被九天玄女捉「上堂」。

裸泳師傅盤點塔羅牌的女神。

星星牌（右一）代表轉厄為安。

In Lee師傅今次到訪的九天玄女廟是不少術數家供奉的女神，相傳太乙、奇門、六壬三大術數均由祂傳授。除此之外In Lee師傅更提出女性必拜原因，她解釋︰「如果作為女仔一定要揀嘅，就要搵勁爆九天玄女女神先得。因為佢有好多女仔專有要求嘅嘢，好似你想做女強人、美容啦，關於靚嘅嘢、好嘅嘢同女仔有關，九天玄女娘娘會幫得好多。」In Lee師傅自言入到廟內便被女神「叮囑」要養好身體、要護膚同上堂，她笑說︰「點樣上堂？有時打座咁啱同佢連接嘅話，佢都會要我上禮儀堂留意坐姿、態度、修養同談吐。有時覺得太過嚴肅，就會走去玩走堂。」
此外，裸泳老師簡介塔羅牌亦有很多女神形象卡牌，包括︰女祭司（The High Priestess）牌代表神秘直覺同靈性智慧；皇后（The Empress）牌代表豐盛、創造同愛，提醒女性要好好愛自己，先可以吸引到愛；至於 星星（The Star）牌就是希望女神，代表療癒同新生，無論之前有多黑，見到星星牌表示光明即將來臨。

「資深廟祝」火火、「實習廟祝」施焯日（Arthur）主持TVB Plus（82台）全新直播互動綜藝節目《師傅點算》逢周一晚9點半及周二晚9點35分直播。

昨晚主題「秘術」。

嘉寶師傅以道教氣功為火火「通波」。

火火獲嘉寶師傅理順磁場。

昨晚（7月6日）主題「秘術」 趙嘉寶師傅透露道教確實有隱身術、千里眼、止血符等秘術，並非無稽之談。嘉寶師傅同時表示道家為還會修練氣功，她說︰「可以調理自己氣場，甚至可以醫治病患。」還即場展示，她將手隔空先後對住火火的手心及頭部發功。事後火火直言感到有股暖流傳來，他說︰「除咗熱力仲有啲被嘢篤下篤下感覺，仲有幾下『啪啪』聲。」嘉寶師傅解釋感覺因人而異，幾下響聲是替火火「通波仔」，她笑說︰「道家氣功可以幫人tune正人體頻率同磁場，今次幫火火甩灰（脫霉運）。同埋有機會佢身體有啲機能塞咗，幫佢理順埋。」

In Lee師傅上山尋遺體經歷匪夷所思。

羅泳嫻（裸泳）師傅提到西方秘術，其中有一單牽涉「起死回生」的新聞。一位名叫Anatoly Moskvin的俄羅斯知名學者，專注研究古墓、墓地歷史同宗教儀式，並出版過很多書本。2011年警察忽然去到Anatoly與父母同住的公寓搜查，赫然發現單位內有26具女童屍體，年齡約3至15歲，裸泳師傅說︰「佢從唔同墓地偷挖一啲剛剛落葬嘅屍體，幫佢哋做防腐處理，再化妝、著靚衫、戴假髮、戴飾物。將屍體變成真人大小嘅『人偶』。每個都會有名、有生日，仲有自己嘅玩具，又會同佢哋慶祝生日，當係自己嘅女咁養。」裸泳師傅話Anatoly聲稱用了宗教儀式及死靈術（Necromancy），藉此『喚醒』一班女孩。Anatoly直認因為孤獨希望有一個家庭，因此讓她們「復活」陪伴自己。最後Anatoly被法庭定嚴重精神問題，要接受強制治療，他目前60歲仍在精神病院中。

裸泳師傅提到死靈術。

裸泳師傅提到死靈術。

此外，In Lee師傅分享男友人探靈的經歷，那名友人愛行夜山，目的是希望跟靈體接觸。有趟他如願以償，上山路上遇到女靈體招手，並指往山上一處斜坡，因為當時太夜加上斜坡路窄，決定下次再來。當晚男友人獲該女靈體報夢，In Lee師傅說︰「夢入面我朋友睇到個女仔遇害畫面，亦知道對方係邊個，嗰女仔係想搵人幫自己安葬。」半信半疑下友人跟In Lee師傅找來道教師傅幫手，一班人等帶齊工具再上山。臨開掘前他們跟當處山神、土地已打好招呼，可惜情況還是難以控制，In Lee師傅說︰「嗰度真係太陰、太多靈體好多仲好惡，出言恐嚇。到一鋤落地就湧咗陣黑氣出嚟，在場所有人都頂唔順，開始面青標冷汗，惡靈開始挑釁攻擊。」無可奈何下各人被迫停手再掘，其中一位師傅取出雨傘作法，盡收現場靈體入內離開。希望一網打盡收到該名遇害的靈體，帶回法壇做儀式超渡。