娛圈事
《中年好聲音2》冠軍古淖文（German）於6月21日在馬來西亞雲頂高原舉行首個個人演唱會，吸引來自香港、澳門、新加坡、美加及澳洲等地的粉絲專程到場支持，場面熱鬧。German對製作要求極高，率領整個製作班底、樂隊及舞蹈團隊一同隨行，務求將高質素的演出帶到馬來西亞。
古淖文
古淖文
今次演唱會是German新歌《On The Rocks》發佈後首次在Live Tour演出，他特別為多元種族的大馬觀眾精心編排歌單，除了深情演繹《寂寞的男人》及《陀飛輪》等廣東歌，更以「男人的浪漫」為主題，唱出中英文混合版本《Desperado》及其中文版《不如不見》，又將《用背脊唱情歌》與《K歌之王》混合演繹，展現音樂才華。
古淖文
古淖文
演唱會尾聲，German向粉絲真情剖白，坦言自己與大家互動較少，但承諾會努力創作更多好歌回饋支持。他感激各地歌迷遠道而來，場面感動。是次個唱為German的音樂事業寫下新里程碑，粉絲們已紛紛期待他下一次巡演。
古淖文
古淖文
TVB音樂選秀節目《中年好聲音4登峯之戰》於8月23日晚上假啟德體藝館隆重舉行，古淖文、譚輝智兩位師兄齊齊接受訪問，非常搞笑。
古淖文、譚輝智
古淖文、譚輝智
古淖文、譚輝智
古淖文和譚輝智難得合體受訪，齊齊向記者大派笑彈。古淖文笑謂：「終於阿譚生賞面同我一齊做下訪問。」譚輝智指：「成日見㗎喎我哋。」古淖文附和：「見就成日見嘅，但係如果你話 group 埋一齊做嘢就真係幾少。」被問到見面通常做甚麼？古淖文、譚輝智異口同聲地表示：「食嘢囉。」古淖文補充：「傾下計囉。」譚輝智忽然說：「兒童不宜。」古淖文隨即謂：「你唔好亂嚟啊譚生，即係我哋好多時都坐低就係咁傾啦，就食嘢啦，所以都冇話特別去拍片，同埋我哋兩個又真係麻麻哋。」譚輝智說：「拍片就少啲嘅。」古淖文認同道：「你係真係少好多。」譚輝智解釋：「因為一見到 German 就放低手機，太多嘢傾同佢。」古淖文同意道：「都係㗎。如果真係好食嘅我先至會擺上網，因為都係一個責任，即係唔好話係又話好食係又話唔好食，真係好食嘅咁就大家分享下囉。其實你都可以㗎，你又鍾意食拉麵又食點呀你。」譚輝智指：「我有㗎其實，私底下珍藏好多呢啲嘢。」古淖文大爆：「我知你有個小小 youtube channel 嗰啲。」譚輝智否認：「冇呀冇 channel 呀，自己自睇嘅啫，即係自 high，自 high 嘅 channel 畀自己睇，因為我成日都試新嘢，影相囉，片就少啲嘅，因為我嘅食相都一般。」古淖文謂：「咁人哋鍾意睇你食好嘢，食相就唔介意嘅。」譚輝智和應：「都係嘅。」
古淖文、譚輝智
古淖文、譚輝智
古淖文、譚輝智
被問到有否留意今屆的師弟、師妹？譚輝智表示：「現場我真係第一次睇啦，好犀利，其實我覺得七個都好誇張，你話邊個會贏我都唔知，因為佢哋好七個實力都好相當、好接近，七個都好好。」古淖文亦謂：「事實真係好好，兩個都叫過來人，真係要去到嗰一日嘅狀態好唔好，心態，夠唔夠瞓呀，把聲有冇開呀，最緊要揀啲歌啱唔啱，即係發唔發揮到你自己個所唱呢樣嘢。」
譚輝智預告將與關嘉敏首度合作，「做一場，咁呢個都好期待（有冇睇過關家文嘅肚皮舞呀？）有呀，我就係睇到佢嘅肚皮舞，我就問佢會唔會表演吓咁樣，咁佢都冇覆我，從此就冇覆我，完咗個話題。」古淖文表示：「咁呢個我想睇喎，即係你生日嗰一日就跳肚皮舞。」譚輝智說：「咁就唔好啦，肚皮喎大佬，我嗰啲腩嚟㗎喎。」古淖文謂：「冇問題，遮住佢囉，打格仔。」譚輝智說：「都可能㗎我其實，心血來潮，我有機會㗎，我都捉摸唔到自己。如果佢叫我我咪跳。」古淖文笑指：「我有陣時都捉摸唔到你㗎。」古淖文亦預告將於10月推出新歌，「真係慢歌啦，真係大家聽嗰啲好，虐待自己個心嗰啲，慘慘嗰啲慢歌，今次就真係要一首正正經經嘅慢歌囉 k 歌囉，咁就希望大家期待囉。」
