古淖文夢想成真攜管弦樂團上陣 經歷巡演回歸澳門期待與「古粉」近距離互動

古淖文繼《Follow Me 巡迴音樂會》大獲成功後，宣布將於今年10月10日回歸出生地澳門，於「澳門百老匯」百老匯舞台，由棋人娛樂主辦全新主題、期間限定一場的《German Ku ‘‘A New Classic’’ Live 2026》音樂會。

古淖文經歷巡演回歸澳門

古淖文經歷巡演回歸澳門

古淖文經歷巡演回歸澳門

古淖文經歷巡演回歸澳門

日前門票進行優先預售，反應極為熱烈，僅一個下午即告全數售罄！古淖文今次將會攜手興專業管弦樂團，以優雅高級的風格重塑多首經典西洋金曲，加上適逢十月生日月，屆時更會為一眾「古粉」（古淖文粉絲暱稱）準備特別互動，給大家一個有溫度的高質音樂會。演唱會資料如下：

《German Ku ‘‘A New Classic’’ Live 2026》音樂會

以「New Classic」為題

以「New Classic」為題

以「New Classic」為題

以「New Classic」為題

German Ku ‘‘A New Classic’’ Live 2026
主辦單位：棋人娛樂
聯合主辦及經理人公司：TVB Music Group Ltd.
協辦單位：光尚娛樂、寶輝娛樂、星傳文化娛樂、鷹文化策劃
演出日期：2026年10月10日
演出時間：6PM
演出地點：「澳門百老匯」- 百老匯舞台
門票價格：MOP/HKD $1,088 (含1:4合照福利) / $888 (含1:10合照福利) / $588 (含1:20合照
利)
公開發售日期及時間：9月7日 早上11:00
公開發售平台：銀河票務、MPay澳門錢包、澳門售票網、大麥、貓眼、uutix同步公開發售

以「New Classic」為題，古淖文坦言想做這個概念很久：「大家知道我一直好鍾意Nina Simone、Louisa Jesse、Bette Midler呢類經典金曲，但要唱好呢類型作品，真係要有一啲歲月嘅累積同練習。經歷過之前幾個演唱會嘅磨練，今次終於可以實現。」

配合主題，古淖文透露舞台視覺與造型風格主打高級兩個字。有別於以往鮮艷奪目的舞台服飾，音樂將會是重中之重，古淖文會與身後的管弦樂隊一同穿上正裝西裝打呔，純粹以音樂吸引觀眾。「好多經典歌曲需要原汁原味去演繹先好聽，但既然叫做『A New Classic』，點都要有一啲改編嘅Small Twist，希望將呢啲改編變成屬於我古淖文嘅特色版本。」

身為澳門人，古淖文對於能夠再次回到出生地開Show感到特別感慨。經歷過內地、香港及馬來西亞等地的巡迴演唱，他表示自己的心態與狀態都有所提升：「兩年前第一次喺澳門開Show，因為係自己出生嘅地方，所以意義非常重大。今次走過唔同地方再回到澳門百老匯舞台，大家現場嚟睇，就會睇到我嘅成長同轉變。」

今次演唱會適逢是古淖文十月生日月，被問到現場會否有專屬「古粉」的特別環節，古淖文預告規模會比以往更大：「幾年前搵過地方同大家慶祝，今次場地更大，除咗可以在台上同大家互動外，更會有近距離接觸嘅機會，希望可以同大家開開心心共度呢個特別嘅日子。」

TVB音樂選秀節目《中年好聲音4登峯之戰》於8月23日晚上假啟德體藝館隆重舉行，古淖文、譚輝智兩位師兄齊齊接受訪問，非常搞笑。

古淖文、譚輝智

古淖文、譚輝智

古淖文、譚輝智

古淖文和譚輝智難得合體受訪，齊齊向記者大派笑彈。古淖文笑謂：「終於阿譚生賞面同我一齊做下訪問。」譚輝智指：「成日見㗎喎我哋。」古淖文附和：「見就成日見嘅，但係如果你話 group 埋一齊做嘢就真係幾少。」被問到見面通常做甚麼？古淖文、譚輝智異口同聲地表示：「食嘢囉。」古淖文補充：「傾下計囉。」譚輝智忽然說：「兒童不宜。」古淖文隨即謂：「你唔好亂嚟啊譚生，即係我哋好多時都坐低就係咁傾啦，就食嘢啦，所以都冇話特別去拍片，同埋我哋兩個又真係麻麻哋。」譚輝智說：「拍片就少啲嘅。」古淖文認同道：「你係真係少好多。」譚輝智解釋：「因為一見到 German 就放低手機，太多嘢傾同佢。」古淖文同意道：「都係㗎。如果真係好食嘅我先至會擺上網，因為都係一個責任，即係唔好話係又話好食係又話唔好食，真係好食嘅咁就大家分享下囉。其實你都可以㗎，你又鍾意食拉麵又食點呀你。」譚輝智指：「我有㗎其實，私底下珍藏好多呢啲嘢。」古淖文大爆：「我知你有個小小 youtube channel 嗰啲。」譚輝智否認：「冇呀冇 channel 呀，自己自睇嘅啫，即係自 high，自 high 嘅 channel 畀自己睇，因為我成日都試新嘢，影相囉，片就少啲嘅，因為我嘅食相都一般。」古淖文謂：「咁人哋鍾意睇你食好嘢，食相就唔介意嘅。」譚輝智和應：「都係嘅。」

古淖文、譚輝智

古淖文、譚輝智

古淖文、譚輝智

被問到有否留意今屆的師弟、師妹？譚輝智表示：「現場我真係第一次睇啦，好犀利，其實我覺得七個都好誇張，你話邊個會贏我都唔知，因為佢哋好七個實力都好相當、好接近，七個都好好。」古淖文亦謂：「事實真係好好，兩個都叫過來人，真係要去到嗰一日嘅狀態好唔好，心態，夠唔夠瞓呀，把聲有冇開呀，最緊要揀啲歌啱唔啱，即係發唔發揮到你自己個所唱呢樣嘢。」

譚輝智預告將與關嘉敏首度合作，「做一場，咁呢個都好期待（有冇睇過關家文嘅肚皮舞呀？）有呀，我就係睇到佢嘅肚皮舞，我就問佢會唔會表演吓咁樣，咁佢都冇覆我，從此就冇覆我，完咗個話題。」古淖文表示：「咁呢個我想睇喎，即係你生日嗰一日就跳肚皮舞。」譚輝智說：「咁就唔好啦，肚皮喎大佬，我嗰啲腩嚟㗎喎。」古淖文謂：「冇問題，遮住佢囉，打格仔。」譚輝智說：「都可能㗎我其實，心血來潮，我有機會㗎，我都捉摸唔到自己。如果佢叫我我咪跳。」古淖文笑指：「我有陣時都捉摸唔到你㗎。」古淖文亦預告將於10月推出新歌，「真係慢歌啦，真係大家聽嗰啲好，虐待自己個心嗰啲，慘慘嗰啲慢歌，今次就真係要一首正正經經嘅慢歌囉 k 歌囉，咁就希望大家期待囉。」