今日路過啟德AIRSIDE，小鵬九龍旗艦店內一部銀灰色X9引來圍觀。米妮駐足片刻，聽到不少客戶向職員追問細節：「後輪轉向係咪真係一手軚掉到頭？」職員解釋：5.3米車長，轉彎半徑5.4米，靈活過不少私家車。另一邊有客戶關心充電：「5C超充喺香港用唔用到？」答案是目前電池已隨X9登陸香港，但要體驗12分鐘10%充至80%的極速，需待小鵬自家360kW超快充樁於2026年稍後在AIRSIDE等據點陸續啟用，現階段用公共快充會打折扣。
小鵬位於啟德AIRSIDE新旗艦店
米妮留意到，現場不少客戶原來在內地已接觸過小鵬，或坐過朋友的小鵬G6或X9，他們問得仔細，AI氣壓避震、27喇叭主動降噪、續航數字等，不再盲目追求「日本原裝」標籤，而是用實際體驗做比較。
MPV市場的變化，數據最誠實。2025年6月，小鵬X9單月賣出215部，打破香港MPV單月銷售紀錄；下半年及第四季度拿下MPV銷量總冠軍；2026年2月再奪豪華MPV第一，個人車主佔比超過8成，證明它打動的是家庭用家，而非企業採購。2026年4月，極氪009以308部登頂MPV榜首，騰勢D9以273部緊隨其後，前五名中中國品牌佔四席。整體電動車滲透率已達93%，燃油MPV的時代，正在加速落幕。
X9賣點高科技
X9的崛起的確精準擊中香港用家痛點。後輪轉向解決「大車難揸」，車主實證「全港99%停車場一手軚搞定」；5C超充緩解里程焦慮；AI氣壓避震、27喇叭降噪，靜謐度向百萬豪車看齊。
香港市場的遊戲規則正在改寫：消費者不再盲追品牌光環，而是對比實際產品力。日本豐田Alphard固然經典，但小鵬X9這類科技新貴的出現，讓高端買家有了更靈活、更聰明的選擇。
新店佔地兩層，地面往二樓別有洞天，地方寬躺。
從AIRSIDE店內客戶的親身經歷，到街頭日益增多的X9身影，一個訊號已清晰明確，香港豪華MPV市場，不再只有一個答案。
米妮
Brand起來！
** 博客文章文責自負,不代表本公司立場 **
平時想在港一次過睇勻咁多國產靚車，其實唔容易，趁2026香港車博會今日（6月18日）至6月22日喺亞洲國際博覽館（5、7、9館）舉行，就等米妮帶大家現場直擊！今次車博會，直情係將成個「內地車壇」搬過
嚟，仲要全部係右軚版，擺明車馬想「入侵」各位香港車迷個銀包。而家就逐個品牌同你講吓有咩「睇頭」：
1. 紅旗（Hall 5 R01）——「大佬出巡，氣勢行先」
紅旗E-HS9旗艦級電動SUV
紅旗今次唔係嚟玩，係嚟「晒冷」。E‑HS9 呢部旗艦級電動SUV，右軚版終於嚟到香港上市，成部車大大份、豪華到爆，似足「移動皇宮」。仲有部 E‑HS5 高性能純電SUV，開賣預售。不過最引人注目，一定係佢哋嗰部 全新Global SUV 全球首發！想有氣勢、揸住似領導人出巡，睇紅旗實冇錯。
2. 吉利 / 極氪（Hall 5 R02）——「搞邊科？又簽約又出旗艦」
極氪9X香港意向價120萬元。
吉利今次直情將成個「朋友圈」搬過嚟。極氪009光輝 同9X兩部旗艦，擺明車馬話你知「豪華，我有份」，古天樂係009車主，今日發佈會現身展館分享用車心得。但最有趣嘅係，佢哋仲搞咗好多簽約儀式，同抖音集團、八達通、文遠知行呢啲單位合作，講到明想喺香港搞 Robotaxi（自動駕駛的士）。佢唔只賣車，直頭想改寫你將來點樣「叫車」！
3. 廣汽（Hall 5 R04）——「Action 2.0 + E9 新款，玩混動」
廣汽E9插電混能MPV。
廣汽今次帶嚟 E9 插電混動 MPV，香港正式公佈售價。
呢部車賣點係「豪華座艙 + 先進混動技術」，擺到明想食晒香港啲家庭客同埋商務客。想又慳油又坐得舒服，仲要成架「移動客廳」咁，呢部啱你。
4. 東風（Hall 9 R05）——「風起香江，同華為合作玩智能」
東風X8科技有驚喜。
東風今次主題好有詩意，但實際係「科技控」至愛。佢哋同華為合作，將智能駕駛技術擺晒出嚟。新車突境 X9 同嵐圖泰山 X8搞分享會，主打「前沿智能」。鍾意科技嘢、想架車識得同你「溝通」，東風有驚喜。
5. 上汽（Hall 7 R12）——「MG 新車 + 展場優惠，最貼地」
MG4 Urban由戴祖儀助興出場，車展驚喜價$199,000。
上汽就最實際，直接帶 MG4 Urban 同 MG S9 PHEV 嚟香港，仲要推出展會專屬購車優惠，開放靜態體驗。想實際啲、諗住睇啱就扑槌，上汽呢個位最啱你行。MG Urban新車發佈會更找來藝人歌手戴祖儀表演撐場。
6. 奇瑞（Hall 9 R07）——「智能駕駛大晒冷」
奇瑞主打New Era New Heights 。
奇瑞主打「NEW ERA NEW HEIGHTS」，重點係昆侖智駕 ADS 4.0、896 線激光雷達、±7° 後輪轉向呢啲技術名詞。如果你係技術控，鍾意研究架車點樣「自己識行」，奇瑞個 booth 你一定要企多陣。
7. 零跑（Hall 9 R08）——「一灣香江零跑世界，年輕有活力」
零跑今次好有「香港味」，主題叫 「一灣香江零跑世界」。佢哋帶嚟 運動轎跑靜態首秀，仲分享品牌全球化佈局。零跑風格一向年輕、跑格，啱晒後生仔女或者想架車有啲「運動 Feel」嘅車主。
8. 賽力斯（Hall 9）——「右舵版全球首發，玩新品牌形象」
賽力斯直接喺香港搞 DFSK 品牌煥新戰略，仲帶嚟 E5 PLUS 右舵版全球首發，主打綠色智慧出行。想睇吓一個品牌點樣「改頭換面」重新出發，賽力斯呢個位有故事睇。
9. 百度 Apollo（Hall 9）——「真．自動駕駛，香港路試有結果」
百度展台人員樂意為參歡者解答各類問題。
百度唔係賣車，係賣 「自動駕駛技術」。佢哋展出 RT6 Robotaxi 實車，仲會分享 香港右舵自動駕駛路測成果，講吓人工智能點樣融入汽車產業。想知將來會唔會冇司機、全部車自己行？百度個 booth 係你嘅「未來教室」。
米妮發現仲有彩蛋位！唔止睇車，仲有「智能機器人」同「金融服務」，除咗各大車廠，場內仲有北京中關村科技、深圳小象電動科技、深圳行為智能機器人，甚至 中國人保（香港） 呢類金融服務商。成個汽車生態圈，由造車、賣車、到保險、甚至機械人，一次過睇晒！
一句到尾，今次車博會，唔止係「車展」，直情係 「中國汽車界集體進軍香港」嘅宣言書。你就算唔買車，都值得入場望吓，因為你望緊嘅，可能就係未來幾年香港街道上嘅「日常風景」！
米妮
/wp-content/uploads/blogger/2026/06/meimei.jpg.webp)
