社會事
乘搭巴士最怕遇到無品乘客，近日就有網民在社交平台大呻，遇到一名女乘客赤腳踩住對面座位，上演「飛象過河」一幕，令不少網民睇完都大呼「嘔心」。
threads圖片
從網民上載的相片所見，該名女乘客已脫下鞋子，直接伸出右腳撐着對面座位的邊緣，腳趾與對面乘客的大腿距離僅得幾厘米，畫面極度尷尬又唔衞生。帖主無奈配文問到：「問吓大家，呢啲環境應該點做？」，隨即引來大批網民熱心支招。
threads圖片
threads圖片
有網民建議直接同對方溝通：「我會直接講，唔好意思。麻煩你攞開」，認為直接開口最有效。不過亦有網民教路出奇招，笑稱可以「扮打乞嚏、特登噴啲口水落去隻腳趾度、跟住好有禮貌地講唔好意思」，又或者「靜靜雞申隻腳去撥走佢隻鞋」。最搞笑的是有人提議「以毒攻毒」：「你又即刻除鞋除襪，擺返同一pose 隊隻腳趾過去，一於以腳還腳。」
一名夜歸女子日前回家時，發現鐵閘離奇被掛上一個紙袋，起初以為是送錯外賣，豈料打開一看，裡面只得一包餅乾。女事主滿頭問號上網分享，隨即引來網民驚呼，直指這並非惡作劇，而是賊人最新的「踩線」暗號。
一名夜歸女子日前回家時，發現鐵閘離奇被掛上一個紙袋。Threads截圖
樓主：無啦啦見到門口掛住咗袋嘢
樓主近日在社交平台Threads以「新型騙案？」為題發帖，上載相片並留言：「今日夜晚返到屋企，無啦啦見到門口掛住咗袋嘢，本身以為係外賣送錯，但係個紙袋又無單又無剩，入邊仲要得一包餅。有冇人知道發生咩事？」
一名夜歸女子日前回家時，發現鐵閘離奇被掛上一個紙袋。Threads截圖
網民拆解「掛袋」密碼
帖文一出，不少網民直指這絕非惡作劇，而是危險的「踩線」暗號。有人留言警告，見過類似個案，「轉頭出門口再睇下，袋嘢就唔見咗，應該係踩線，要小心啲」。有人更點出背後恐怖動機：「唔收入屋代表冇人住緊」，賊人藉此測試單位是否有人居住。
紙袋中只有一包餅。Threads截圖
樓主醒目處理
面對網民警示，樓主透露已即時通知大廈物業管理處處理。不少網民亦留言教路，建議最安全的處理方法是直接棄置，切忌貪小便宜：「我會成包拆散佢，掉垃圾房」、「唔屬於自己嘅嘢唔好拎」。亦有網民安慰樓主，指可能只是「無聊人仕嚇鬼」。
一名夜歸女子日前回家時，發現鐵閘離奇被掛上一個紙袋。資料圖片
