人寵共融雖是大趨勢，但近日有網民在社交平台發文，直斥有狗主竟使用餐廳供應的兒童塑料碗給狗狗進食，令餐具一秒變成「狗狗餐具」，引發公眾對衞生問題的擔憂。
示意圖片
有網民在社交平台 fb 專頁「深水埗街坊會」發文公審兩名狗主，指今年6月19日下午5時許，光顧 IKEA（宜家家居）位於九龍灣商場 MegaBox 的餐廳時，目擊一對男女推着寵物車入店，與狗狗一起進餐。樓主表示，該對男女將狗狗食物放入餐廳供應的兒童塑料碗，「然後成個碗仔放入狗仔車入面俾狗狗食，兒童餐具即刻變咗狗仔餐具」。樓主續指，「狗狗吃完食物後，還拎隻碗出嚟斟水落去，再遞返入去俾狗狗飲。」
FB圖片
FB圖片
FB圖片
FB圖片
樓主批評「唔可以咁樣用人哋嘅餐具餵狗」，認為狗主不能用餐廳的兒童餐具餵飼寵物，擔心餐具的衞生問題。從其上載的相片可見，狗主手持膠碗放入寵物車內，狗狗則蓋着小棉被，眼睛不時探視四周。
FB圖片
FB圖片
FB圖片
帖文隨即引起網民熱議，不少人直斥狗主不守規矩，擔心影響公眾衞生，「宜家好似唔俾狗入」、「就係呢啲無品嘅主人，累咗其他狗主！」、「『宜』家同宜家職員講啦」。
根據 IKEA 官方網站表示，非常歡迎顧客攜帶寵物進入門市，但明確列明攜帶寵物進入時，請裝於寵物專用之寵物箱、寵物車或寵物背包等，並確實關好，以避免寵物的排泄物或水外洩、避免露出頭、尾巴或爪子，但不包含餐廳。
移民呢個課題，從來都唔係一個人嘅事，而係牽動成個家庭、兩代人嘅命運。近日，一名移英港男喺社交平台Threads上大吐苦水，分享自己做「太空人」嘅辛酸。佢話太太已經長留英國，自己就因為放心唔落香港年邁多病嘅父母，被迫留港搵錢。點知上月突然被公司裁員，至今仍未搵到工，每日面對住父母嘅病痛同消極情緒，內心極度煎熬，想走又走唔甩，想留又留得唔開心，直言「好難受」。
樓主斬釘截鐵話「不可能」帶同父母去英國生活，更直言「帶佢哋去英國同帶佢哋送死無分別」。示意圖
失業「太空人」：被裁後求職無期 接受減薪都冇人請
呢位港男喺帖文中透露，佢同太太早已計劃好移民英國，但因為父母年紀大、身體又唔好，最終決定由太太先行過去，自己就留喺香港照顧兩老，偶爾先飛去英國探老婆。佢強調同太太結婚多年，感情穩定，唔需要擔心分隔兩地會影響關係。
不過，好景不常，呢個「太空人」嘅生活模式上月突然被打亂。佢原本份工喺六月被裁，糧單只出到七月六號。失業後佢積極搵工，甚至願意接受減薪，但求職路依然困難重重：「我投Jobsdb得一份可以見，如星期五無覆應該唔會請，另都有人脈介紹應該可以的，當然唔多唔少要接受減薪的現實，但唔穿我個底褲價我係接受。」字裡行間充滿無奈。
港男失業後佢積極搵工，甚至願意接受減薪，但求職路依然困難重重。AP資料圖片
父母病痛纏身：日日聽「死」掛嘴邊 抑鬱媽媽令人心碎
比起失業，更令佢煎熬嘅係屋企嘅情況。樓主坦言，父母分別患有痛症同抑鬱症，每日返到屋企，聽到嘅都係消極嘅說話，令佢非常難受：「我最無助嘅係我父母開始好多痛症，我已經好難受，但每日回家聽到嘅，就係日日講死掛在口邊，及我知我媽有抑鬱症之前睇過醫生。」
佢本身從事IT行業，曾有行家推介英國有IT工可以介紹，但就因為想陪父母，最終打亂晒所有計劃。佢感嘆：「當然我唔想到見最後一面時我在英國……當然個人上，我在香港係有d煎熬。」呢種想走又走唔甩嘅矛盾心情，正正係好多「太空人」家庭嘅寫照。
港男話太太已經長留英國，自己就因為放心唔落香港年邁多病嘅父母，被迫留港搵錢。設計圖片
面對呢個困局，有網民建議佢不如帶埋父母一齊去英國，等老人家轉換環境。不過樓主就斬釘截鐵咁話「不可能」，更直言「帶佢哋去英國同帶佢哋送死無分別」。佢解釋，父母而家年紀已經好大，好難適應新事物，唔好話去英國生活，就算係教佢哋用智能手機、調校電視音量，教極都唔識，更何況係去到一個語言唔通、文化唔同嘅陌生國度。
英國。AP圖片
