IKEA陳列床驚現蕾絲Bra放枕邊　網笑：真係當咗返屋企！

大型連鎖傢俬店宜家家居（IKEA）的門市陳列室一向歡迎顧客親身試坐、試躺，感受「家的感覺」。不過，日前有顧客在坑口規劃及訂購中心的睡房陳列區，竟發現一個淺灰色蕾絲胸圍被放在一張床上的枕頭邊，令人哭笑不得，事件隨即引來大批網民熱議。

threads 截圖

據目擊顧客在社交平台分享的照片所見，該陳列室的床上靠近枕頭位置，赫然出現一個淺灰色蕾絲胸圍，旁邊就是房間的「窗戶」裝飾，畫面相當突兀。目擊者當下立即向附近職員查詢：「點解會有個bra（胸圍）喺度，正常嗎？」對方聽罷隨即認真回應：「好明顯唔係正常啦」，並承諾稍後會處理。該顧客隨後在帖文中無奈寫道：「到底邊個無啦啦除bra喺ikea」，更幽默呼籲物主「快啲出嚟認咗佢」。

threads 圖片

帖文曝光不足一日已吸引逾7,600個讚好及近7,000次轉載，網民反應相當熱烈。有人笑言：「瞓教除bra咁慣咗手勢啊？」、「當自己真係返咗屋企咁」、「又確實真係好現實吓喎。咁佢賣緊睡房嘅用品，又真係好貼地喎咁樣」。亦有網民為物主辯護：「邊有人戴bra瞓，試瞓下除bra好正常」。同時，有留言指出IKEA的陳列衣櫃內其實不時都有很多內衣褲展示品，「見過佢啲衣櫃入面Sample（樣本）有bra，背心同呔」；不少人更呼籲店方翻查閉路電視片段「尋人」。

threads 圖片

還有留言質疑目擊的顧客是否自行擺拍博流量。她隨即無奈澄清：「絕對唔係有為咗流量，然後無啦啦咁樣做，加上完全冇必要。黐×線我啲內衣閒閒地都幾百蚊件，點會做呢啲事呢？」她透露，在影相及向職員反映後便離開現場，不清楚該胸圍的最終去向，但對於在公眾場合出現這種失物，仍感到相當神奇。

位於坑口的IKEA規劃及訂購中心。官網圖片

有香港女生在社交平台Threads發布影片，講述日前在旺角薩莉亞（Saizeriya）使用廁所時遭遇的恐怖經歷。事發於6月22日，事主當時正在廁所內，聽到有人試圖推門進入，她已「大叫咗起碼3聲有人」，豈料一對男女竟手持鎖匙直接打開廁所門，令半裸狀態的她瞬間被看光。

薩莉亞官網圖

事主回憶恐怖經歷指，當時她「冇着褲冇着底褲」，嚇得即時大叫「有人啊聽唔聽到」。她其後才得悉，原來是該名男子拿了鎖匙與女朋友一同開門。更離譜的是，男子非但沒有道歉，反而指着她「爆粗」責罵，「X我話我惡X佢女朋友」。事主形容，幸好男子的女朋友及薩莉亞職員及時「捉住佢」，否則「佢已經打X咗我」， 她直言「真心好多謝職員」。

threads影片截圖

事主補充，最終她匆匆離開現場，未有即時報警：「啲職員同佢女朋友撳住咗佢（男子），佢就繼續講粗口X我呀。冇報警係因為佢女朋友係咁道歉同埋捉住佢」，但她仍不忘提醒「大家出街都要小心啲」。

threads影片截圖

threads影片截圖

事件曝光引發網民熱議，網民均對男子匪夷所思的行為感到憤怒：「全程目擊住，好X恐佈，自己開完對門仲要好似自己啱咁樣，望到條友去借女廁鎖匙嗰陣時已經覺得唔係好對路，好人好姐一個男人點解會去借女廁鎖匙，不過佢都幾搞笑，自己錯反而話要報警」、「黐筋，話咗有人都開你門。佢仲夠膽死話報警拉你……真係黑人問號！你唔告佢已經相當仁慈啦」、「一個男人揸住條女廁鎖匙已經係錯」

threads影片截圖

亦有不少網民質疑餐廳同樣有責任 ：「薩莉亞都好有問題喎，獨立廁所？有人上緊都可以有第2條匙開門入？」。另外，大批網民認為事主應報警處理，「個刻應該報警，就算佢女朋友道歉都唔關事，以免下次再有其他受害者！」。事主其後更新帖文，表示已就事件報警處理，並再次提醒「大家出街都要小心啲」。