王浩信憑《EU超時任務》競逐TVB視帝，連影帝周潤發都對他在劇中演「渠頭」印象深刻，皆因浩信今日在微博貼上野生捕獲發哥的自拍照，留言：「我等左（咗）十一年終於比（畀）我見到發哥本尊，佢重（仲）同我講圍頭話，真係無憾，巧能蟹！發哥，多謝你！渠頭，多謝你！」
王浩信 (微博圖片)
發哥同浩信講圍頭話，仲話「巧能蟹」(好能幹)，有睇他演《EU超時任務》，套劇今年4月已播完，隔咗大半年發哥都記得呢個「渠頭」，已經無憾！
《EU超時任務》劇照
資料圖片
現年70歲影帝周潤發一向作風貼地，近年更迷上跑步運動，經常被市民在香港街頭或行山徑「野生捕獲」。近日再有網民於小紅書分享偶遇發哥晨跑的照片，只見他身穿招牌全黑運動裝，打扮簡單低調，依然親民。
發哥外出跑步經常被捕獲
不過，今次焦點卻意外落在他的身形上。相中發哥看起來明顯消瘦，雙頰略為凹陷，面上皺紋亦較為明顯，與昔日銀幕形象相比顯得蒼老。照片曝光後，隨即引來大批網民討論，不少人擔心他的健康狀況。
今次睇落瘦了不少
雙頰略為凹陷
有網民留言直言：「發哥太瘦了，感覺有點憔悴」、「年紀大咗跑步會垮臉」、「好似流失咗好多肌肉」，甚至有人感嘆他「老得太快」。不過亦有另一派聲音認為，長期進行有氧運動本來就會令身形變得精瘦，反而大讚發哥生活自律、精神狀態良好。
網民擔心發哥跑太多會肌肉流失
事實上，發哥近年對跑步可謂全情投入，不但每日堅持晨跑，更積極挑戰馬拉松賽事，早已成為圈中著名的運動達人。早前他更升級做「跑步導師」，帶領一眾資深藝人，包括劉江、鮑起靜及鄭則仕一同挑戰10公里賽，最終成功完成賽事。
發哥亦不改幽默本色，笑言目標是「跑到120歲」。雖然身形變化引發討論，但他多年來堅持運動。
