非份之罪｜「惡女天花板」陳煒毒舌大戰「潑婦」盧宛茵 爆李家鼎拍床戲驚到要食鎮靜劑

由王心慰（Amy姐）監製、翁善瑩編審的「人性反思」另類寫實劇集《森下仁丹Bifina Si益生菌呈獻：非份之罪》，逢星期一至五晚八點半翡翠台播映。主要演員有吳啟華、陳煒、阮浩棕、劉佩玥、朱敏瀚、吳偉豪、賴慰玲、何沛珈、徐榮及單立文等。

陳煒一嚟個面口就好衰，因為對住佢完全唔愛嘅徐榮。

陳煒同Madam Lo鬥惡極好睇。

陳煒同Madam Lo鬥惡極好睇。

昨晚（7月9日）是第三單元《一億殺機》第一集，由於本單元角色性格鮮明、位位主要演員包括陳煒、徐榮、施焯日、盧宛茵、李家鼎均甚有發揮，加上劇情夠癲夠破格，昨晚播出後在網絡引發極大迴響，網民大讚TVB拍出了大膽又新鮮的題材：「好耐冇睇過咁癲嘅TVB劇，好睇！刺激」、「故事推進節奏快，沒有太多枝節，睇到入晒戲」、「一集入面交代咗好多嘢」、「阿孫竟然係鼎爺個仔，真係估唔到」、「走出一貫TVB劇框框」、「真實事件改編後更懸疑，好有追看性」、「期待今個單元又係反轉再反轉」、「劇情真係幾好」、「仲要有啲寓意，反思人性」、「套劇好有新意」、「個個都演技爆發」。

陳煒同Madam Lo鬥惡極好睇。

睇吓李家鼎個樣煩到。

陳煒毒舌金句狂轟Madam Lo
昨晚一眾演員之中，獲得最多掌聲，絕對是飾演「毒舌惡新抱」的陳煒（煒哥），與盧宛茵（Madam Lo）有連場激烈嘈交戲的煒哥，與Madam Lo各自施展渾身解數，以極盡八婆嘴面、一個手指指鬼咁忟（盧宛茵）、一個嘴藐藐、面目猙獰兼叉晒腰（陳煒），齊齊上演連場「六國大封相」，其中陳煒的「冷笑」、「用力瞪眼」兼「咬牙切齒」表情，配以啜核非常的毒舌對白：「做咩呀？唔忿氣呀？你咪落去地府搵老爺追究問責囉！」簡直是一等一「惡女天花板」，與Madam lo的潑婦罵街式疲勞轟炸、堪稱絕配！網民：「陳煒Madam Lo高手過招 Super Acting！」而煒哥接受tvb.com訪問時，坦言與Madam Lo「日嘈夜嘈」好攰：「真係鬧到好攰，同埋其實要鬧同打Madam都好擔心，因為佢始終係前輩，平時我對佢都好恭敬。」

睇個樣都知煒哥係上風啦。

睇個樣都知煒哥係上風啦。

呢幕鼎爺個咆吼好逼真，隔住個Mon都Feel到佢嬲到盡頭。

剛柔並濟演技大爆發 網民高呼：煒哥值得一個視后！
雖然惡到出位，但不少網民留意到煒哥對著親生仔施焯日時，卻能完全展現溫柔狀態，大讚她忠又得、奸又得、硬又得、溫柔又得，加上顏值身材兼備，網民大讚煒哥好睇，並洗版式力推她榮膺今年視后。網民：「煒哥啲戲真係勁，忠又得、奸又得」、「煒哥好正，夠晒惡，但對住個仔又好溫柔」、「演技好，人又靚」、「真係好戲」、「煒哥值得一個視后」。

昨晚最焦點場口，則分別是李家鼎對著煩爆Madam Lo的「爆血管式瘋狂咆吼」，以及Madam Lo得番老公與陳煒出軌後、衝入殮房怒摑屍體一幕！先說咆吼位，劇情講述原本身體極度不適的建國（李家鼎飾），明明已一面病容返回家中，但仍遭發癲Mode的妻子淑嫻（Madam Lo飾）咬住唔放，誓要建國在她與阿萍之間二揀一，被煩到心浮氣躁兼極度不適的建國，最終忍不住爆seed大嗌「你收聲呀！」終極一吼後更虛脫倒地、一命嗚乎，夠晒Dramatic，網民更力讚鼎爺好戲到完全唔似做戲！而對於Madam Lo邊鬧邊怒摑出軌老公屍體一幕，網民大讚拍得勁逼真及超出預期，並認為該幕絕對是TVB劇最癲場口經典之一！

煒哥啲嘴面夠晒刻薄之餘，仲要夾雜惡形惡相同陰陰嘴，表情轉移冇得輸。

再加煒哥幸災樂禍樣，冇得輸。

呢句對白，尋晚網民又係覺得好經典。

其實除了以上，鼎爺向煒哥「霸王硬上弓」一幕，亦在網絡引發熱討，網民對於鼎爺接拍床戲大感新鮮！對此，煒哥接受tvb.com訪問時，大爆與鼎爺拍攝這場床戲時，鼎爺緊張到要吃鎮靜劑：「鼎爺同我講話佢一介武夫，從來冇拍過床戲，超驚！所以搞到心跳手震，要食鎮靜劑先掂。所以我拍嗰陣都唔可以太緊張，如果唔係佢仲驚。」

Madam Lo嬲爆摑屍呢場，好多網民話好經典好逼真。

Madam Lo嬲爆摑屍呢場，好多網民話好經典好逼真。

陳煒爆李家鼎拍呢場戲好緊張。

陳煒爆李家鼎拍呢場戲好緊張。

陳煒爆李家鼎拍呢場戲好緊張。

《一億殺機》首集劇情簡介：
昨晚《一億殺機》劇情講述村長張建國（李家鼎飾）與妻子鄧淑嫻（盧宛茵飾）表面三代同堂、生活美滿；可惜一切只是金玉其外，建國兒子張宏智（徐榮飾）智商只有8歲、孫仔張紹聰／聰B（施焯日飾）只得有限度智商，由於重男輕女，建國亦未有打算將家業傳給孫女帶弟（林秀怡飾）。

除此之外，淑嫻因心痛新抱阿萍（陳煒飾）對兒子阿智疏於照顧且態度惡劣，加上懷疑阿萍「打斧頭」及有外遇，二人經常激烈爭吵，阿智、聰B、建國全部慘成磨心…某日建國心臟病發暴斃，根據其生前立下遺囑，逾億身家將全數交予唯一男孫紹聰打點！為此大感震驚的淑嫻及阿萍，為此在建國靈堂上仍爭吵不休，最終經不起淑嫻再三出言侮辱的阿萍，爆大鑊指聰B其實是自己和老爺親生骨肉，令原本已多事的張家更加雞犬不寧，最終聰B因難頂家嘈屋閉離家出走，結果竟離奇身亡！

由王心慰（Amy姐）監製、翁善瑩編審的《森下仁丹Bifina Si益生菌呈獻：非份之罪》，星期五（7月31日）播出最終單元《恐怖情人》大結局！

《非份之罪》昨晚（31日）播出大結局，最終單元《恐怖情人》揭開真兇竟是外表溫柔的Angie（劉佩玥飾）。

Davis（阮浩棕飾）

《恐怖情人》大結局亮點，絕對是女主角劉佩玥（阿Moon）長達20分鐘的崩潰控訴戲碼！經過反轉再反轉，昨晚驚揭殺死靈媒Sylvia（余思霆飾）及網紅Liz（何沛珈飾）的真兇，竟是外表溫柔嫻淑的Angie（劉佩玥飾）。

事緣Angle因為設局陷害Davis媽咪（黎燕珊飾），反露出破綻引發Davis懷疑！為了引爆Angie真面目，Davis特意在親熱時叫錯舊愛Sylvia名字，成功令Angie嬲到眼凸兼成個彈起，失控爆喊的Angie，怒摑Davis的同時，還不斷歇斯底里喪鬧兼刀指Davis，情緒既反覆又激動。混亂間，Angie意外刺中家中毛公仔，結果掉出Sylvia人頭，大受衝擊的Davis嚇到即時作嘔！

阿Moon上演長達20分鐘的「淚之自白」，情緒遊走於委屈、癲狂暴怒與絕望之間，眼神空洞失焦，聲線極具感染力。

獲網民激讚「令人相信Angie真係癡咗線」。

情緒遊走委屈心痛癲狂暴怒之間
在這段長達20分鐘的「淚之自白」中，阿Moon經歷了幅度甚大的情緒過山車，既有「得不到愛」的無力感、自怨自憐的委屈感、暴風式的震怒，還有扭曲式的憎恨及妒忌；為了配合角色的情緒起伏，阿Moon除喊出「河流式淚痕」，聲線亦是遊走於絕望、痛心、憤怒與癲狂之間，當中尤以絕望時釋出的空洞失焦眼神最大感染力，令人確切感受到其生命在枯萎，演技極之亮眼。另Angie對於死者Sylvia及Liz，以及Davis媽咪的「歪理級指控」，亦是句句經典，完全符合網民神劇標準：「我冇錯，錯嘅係佢哋」、「我覺得佢係抵死架」、「你阿媽想日日同你一齊吖嘛，我就要佢永遠都失去你」，當中最令人心寒一句，是她解釋為何要鋸掉Sylvia的頭：「Sylvia你覺得佢靚吖嘛，我就要切佢個頭落嚟擺喺呢度，我要佢日日望住我哋有幾咁恩愛」、「我要佢死都死得唔眼閉！」

其實與陳煒在《一億殺機》中的角色一樣，阿Moon飾演的Angie原本也能開心簡單地生活下去，無奈因為對Davis執念太深，反覆的「我只係唔想冇咗你」、「點解唔係咁樣嘅」以及「我人生最錯嘅事就係不惜一切咁愛你」極端想法，最終令她走上絕路，毁掉了兩條寶貴生命的同時，亦親手摧毁了自己的人生，以及自己最執著的愛情。昨晚結尾，亦憑藉一個心口上的胎痣，揭出了童養媳的真正身份是Angie，《恐怖情人》單元正式淒美落幕。

對於《非份之罪》圓滿落幕，網民大感不捨，搞笑大嘆：「點解《非份之罪》會完！」，更有網民妙想天開，希望已退休的監製Amy姐與編劇能添食再拍第2季！網民昨晚絕對是「讚不絕口」，並大大力嘉許了《非份》幕後：「文戲情緒張力好澎湃，亦感受到劇情推進，實屬令人眼前一亮嘅新嘗試」、「Shout Out To All編劇」、「好耐冇試過睇電視睇到咁緊張」、「這個戲真心好睇」、「真係今年暫時睇過最好睇嘅劇集，肯用新人，配搭有驚喜，劇本夠精彩，絕對係佳作」、「睇完心情久久未能平復，太震撼，真係好難想像套戲咁好睇」、「令人窒息的愛」、「未到最後都唔知邊個係童養媳再世攞債」、「仲以為周家少爺嘅故事係老作，原來係真」、「非份之罪係近年TVB懸疑劇世一」、「今晚呢集絕對配得上全劇大結局。」

為配合角色，阿Moon刻意在後段轉變濃艷妝容象徵「愛情」漸近。

何沛珈全程陪伴助她投入情緒。

網民讚Moon演技有說服力：令人相信Angie真係癡咗線
至於阿Moon昨晚的Solo擔網演出，亦贏得了不火好評：「真係做得好好，好自然，唔浮誇，睇到都覺得佢值得同情」、「完全感受到女方愛到完全失去自我」、「阿Moon呢Part真係好刺激」、「佢令人相信Angie真係癡咗線。」

另值得留意的是，為了配合劇情，阿Moon角色的妝容前後有明顯變化，在起初出場時，賢妻Feel爆燈的阿Moon、衣著妝容均偏向淡雅風，而到了後段劇情，阿Moon的妝容明顯偏向濃艷，原來這些都是阿Moon的專業小心思，阿Moon受訪時說：「真係冇諗過大家會發現到Angie個妝嘅唔同及轉變，本身呢樣嘢純粹係我嘅小小設計同輔助等自己入戲啲，Angie愈多打扮，愈多小心機，就好似象徵住佢同佢所諗嘅『愛情』愈近。」

談到20分鐘崩潰控訴戲（中間加插回憶部分），Moon透露即使是回憶獨白部分，為了讓觀眾看起來一氣呵成，她選擇在現場一次過順演，不靠後期配音，再顯專業一面：「其實呢場戲對我嚟講真係好大挑戰，拍之前我應承我自己我一定要將劇本全部對白同VO獨白內容喺現場一次過演出嚟，因為如果後期配音講獨白，有機會情緒同聲線演繹會唔接，所以一路演一路講一路爆真係好好玩。真係好想多謝導演、攝影師同所有幕後製作團隊配合，大家好畀心機喺唔同角度去拍、先可以好流暢咁畀我演繹到，所以呢一幕係大家合作嘅成果。」 

網民大讚劇集是「近年TVB懸疑劇世一」，更敲碗開拍第二季。

感激何沛珈通宵力撐陪伴
Moon又感激在相關場口佔戲不多的何沛珈，全程在現場陪住幫助她投入情緒：「好多謝好多謝Amy姐畀呢個機會我，佢真係好叻好厲害，係我一位好尊敬嘅老師，能夠喺佢退休前參與到佢呢套劇，與有榮焉！當然仲要多謝我嘅好拍檔浩棕，唔知點解一望住佢，諗住我哋兩個角色經歷嘅嘢，我就瘋狂到收唔到聲。好多謝珈珈，因為我有個位好需要佢畀我望住嚟演，佢就全程陪住我去幫我（投入），所以一定要多謝珈珈。」何沛珈受訪時亦坦言為幫Moon Moon打氣，只有數秒戲份的她，亦在拍攝現場留足全程，果然好姐妹。