吳若希趁兩日空檔帶仔女廣州遊動物園 不忘享受Me Time落水暢泳

藝人吳若希（Jinny）近期正忙於為TVB新處境劇《愛．回家之三代同糖》開工，近日趁有兩日空檔，即爭取時帶一對仔女去玩，一家人去廣州享親子樂，並留言：「啊啊啊～～ 暑假陪唔到對仔女～～有啲sad，好彩～臨開工同佢哋走咗兩日～近近哋，廣州都照殺！！」

吳若希近日趁有兩日空檔，即爭取時帶一對仔女去玩。

相中可見，吳若希一家去了動物園玩，並帶一對仔女去了餵長頸鹿，9歲的大女Giselle暴風式成長，身高已到媽媽膊頭，一雙長腿非常搶眼！至於5歲的細仔Kylian對住長頸鹿明顯有點害怕，要媽媽拖住餵，餵完更即刻快步走開，令吳若希都不禁笑囝囝：「作為男仔，搏啜仔（細仔暱稱）真係好細膽。」忙於照顧小朋友之餘，吳若希亦不忘享受Me Time，去泳池游水，感概道：「越係冇時間，越想去旅行。」

影片截圖

影片截圖

影片截圖

影片截圖

吳若希IG Story圖片

吳若希IG圖片

吳若希IG圖片

吳若希IG圖片

無綫處境劇《黃道益活絡油呈獻：愛‧回家之三代同糖》（下文簡稱《三代同糖》），由羅永賢Marco監製，馬俊縈編審，馬俊縈、謝浩洋、潘逸豪執行監製，逢周一至五晚八點翡翠台播映。

婉婉同吳若希嘅母女情場口其實都幾感人。

婉婉同吳若希嘅母女情場口其實都幾感人。

婉婉同吳若希嘅母女情場口其實都幾感人。

《三代同糖》昨（8月28日）晚播出「會過去的（下）」，劇情講述嘉冰（車婉婉飾）決定參加《當年好聲音》，並與萬里（吳若希飾）打賭「入唔到海選即返加拿大」。海選當日，萬里察覺嘉冰神色有異，期間因幫嘉冰保管電話，意外聽到加拿大親人那邊傳給嘉冰的語音，始知嘉冰是因在加拿大被冷待才突然回港…自覺被老公、兒子及孫仔「呼之則來、揮之則去」、無人關心的嘉冰，一度萌生退賽念頭，幸於最心灰時不但獲萬里大叫「我care（你）呀」，萬里還「反常」為嘉冰打氣：「我哋唐家女人，輸人唔會輸陣！」為幫嘉冰入圍，萬里將自己最珍貴的「湊客秘密武器」、拱手讓給有份擔任《好聲音》評審的死對頭楊帆（趙浚承飾），劇情感人，婉婉及Jinny欲言又止的委屈、心痛及被感動神情，更是有別一般處境劇、演出了正劇的味道，網民：「估唔到婉婉啲內心戲都幾感人。」

吳若希為婉婉甘向死敵趙浚承低頭。

更有細心網民留意到婉婉獻唱的《三代同糖》版《會過去的》聲線略帶沙啞，就此監製Marco受訪時，坦言這正是他和婉婉想要的效果，並大讚婉婉抱病為劇集錄歌十分專業，Marco：「因為啱啱開始要追進度、演員亦需要時間適應，加上婉婉場口較多，所以開頭嘅拍攝佢一直都病病地，但佢依然好專業咁撐落去。其實我哋都冇喺好專業嘅錄音室去錄呢隻歌，因為唱呢隻歌嘅係嘉冰唔係車婉婉，我覺得嘉冰唱起上嚟有少少瑕疵係應該嘅，所以我哋一、兩個take就收貨，我同婉婉都覺得嘉冰唱出嚟就應該係咁。」

婉婉呢吓好抵死，證明佢《中年》入血。

婉婉同Desta默契十足！

至於車婉婉，當年憑《新秀》冠軍身份入行的她，談到相隔近30年後先後主持了《中年好聲音》、及後又在劇中以歌唱比賽參加者身份演出，令婉婉覺得很神奇，她又指希望能透露自身經歷，帶出每段經歷都有其自身意義的信息：「希望呢個經歷可以鼓勵新入行、想入行，或者參加咗唱歌比賽、又或者好似發展未係好理想咁嘅各位，記住每個人行嘅路都好獨特，所有嘢發生都有佢好好嘅原因。」

除了溫情意義位，昨晚還有兩大搞笑位，第一時婉婉與孫女Desta一起備戰時，二人的Chemistry極有火花之餘，婉婉「愈唱愈頹」的狀態更是相當爆笑！另搞笑向來有一手的婉婉，昨晚一句：「頭先感情噴射出嚟，入到佢心深處呀」，無論語氣或是神情都恍如《中年》評審混合體，十分抵死！