「哪吒」出回憶錄大爆政壇之路　遭「徒弟」出賣倒戈相向　大感心寒　　

每年書展都有政界中人出書，今年有大家熟悉嘅「哪吒」立法會新界西南議員方國珊，其回憶錄《開門見珊：方國珊20載闖關之路》，自爆由1984年憑「哪吒」一角家傳戶曉，當紅之際毅然放下一切到外國留學，之後入政圈參選區議會，但不甘為「萬年區議員」經歷6次參選立法會，屢戰屢敗，最終成為票后當選嘅心路歷程。不過，當中最吸引係她在書中大爆如何被「徒弟」背叛，更在選戰最後關頭遭出賣倒戈相向，令她感「心寒」，這段政圈傳聞已久嘅師徒恩怨情仇，終於浮上水面。

方國珊出書大爆遭徒弟出賣。

方國珊新書中其中一章為「政治名利場的師徒與背叛」，提到當年帶領居民抗議將軍澳堆填區擴建，累積不少民望，「甚至有能力幫徒弟打贏大黨」、「可以說任何一個人跟著我都能贏」。

佢話，最高峰時期自己曾經帶領9人參選，原意係大家當選後可分擔團隊行政、財政壓力，形成良性循環，可惜的是「徒弟們出師後，沒有開拓新的大區，而是繼續擠在原本狹窄的選區裡自相殘殺」，最後冇薪火相傳，反而因資源過度透支，佢嘅區議員人工同津貼仲要繼續用嚟養夥計，最終陷入彈盡糧絕嘅困局。

「哪吒」喺書中提到呢種「背叛」令佢「心寒」，因為徒弟喺選戰最後關頭倒戈相向，轉投大政黨，幫方國珊嘅主要對手助選，而且呢啲事唔只發生一次，話對方喺第一任區議員助理離開後，喺某啲大政黨高層慫恿下，喺選舉同佢對撼。

佢無點名「徒弟」係何許人，只稱有「區議員」、「前助理」、「親手帶入行、做了四年區議員的徒弟」，係自己「一手栽培」、「出錢養出來」，相信大家對這名「徒弟」都昭然若揭。

方國珊仲話，年輕人可能對傳統師徒制嘅理解變弱，變得急功近利同現實，會用「道不同不相為謀」、「只是被逼去服務另一邊居民」合理化自己嘅背叛。佢更質疑：「一個連恩師都能出賣的人，你還能指望他日後會真心實意去對待市民嗎？」看來「哪吒」真係動了真氣，一段「師徒情誼」就在選戰中付諸流水，難怪令佢「心寒」。

經歷5次立法會議員敗選，方國珊去年終以高票勝出進入立法會。

不過，除了這段恩怨情仇，書中也紀錄了「哪吒」嘅政壇生涯，包括外國學成歸來，踏入政壇，喺西貢區服務18年，經歷5次立法會議員敗選，2018年立法會補選亦未能勝出，但取得6.4萬票高票，當時喺港島區勝出嘅新民黨主席葉劉淑儀，都忍不住同佢講：「阿妹，你仲多票過我啊！」　

高人話，「哪吒」從政18年，一直懂得深耕社區，喺將軍澳奮戰多年，即使選立法會曾經歷5次滑鐵盧，但從未言棄，最後憑無比毅力成為「票后」，真係一個政壇勵志故事，遭「徒弟」出賣都只係政治生涯小插曲，所謂政壇無父子，更磨練出其堅毅意志。

Ariel

** 博客文章文責自負,不代表本公司立場 **

2026年LEAP East國際科技與信息技術展，由7月8日起至10日正喺會展中心舉行。這是一個沙特搞的大型展覽，涵蓋人工智能、深度科技、智慧城市、新能源產業等多個領域。

LEAP科技展源自沙特，從2022年起每年都在利雅得舉辦，今次最特別的地方，是首次「出海」，就來港舉辦區域旗艦展，由會展中心管理公司成功爭取到主辦權。

LEAP科技展首次「出海」，就來港舉辦區域旗艦展，財爺陳茂波都有去參觀展內攤位。

據聞沙特初時都考慮過唔同的地方，最後係睇中香港嘅優厚條件，既有一流會展設施，也是通往內地嘅重要門戶，更有大量金融資源。但最重要還是特區政府去大力爭取，令LEAP East未來3年都會喺香港舉行，相信定能為香港帶來極大經濟效益。

今次LEAP East有來自30個國家及地區、逾340位演講嘉賓、450家展商、逾3.5萬人參與，為投資者同初創企業打造一個包涵多個科技領域嘅綜合生態系統，促進跨境產業合作。

LEAP East有來自30個國家及地區逾3.5萬人參與。

據主辦方Tahaluf透露，其實佢哋收到好多大城市邀請，但最終選址香港，係有3大原因：1.基礎設施出色：香港有一流的會展設施同交通連通性；2.門戶角色：香港是通往大灣區同中國內地嘅關鍵門戶；3.資金渠道：香港擁有大量風險投資同私募股權等金融資源。

陳茂波在開幕禮致辭時話，香港具備成為理想創新基地嘅多項優勢，邀請沙特及海灣地區嘅企業，善用香港作為國際集資同風險管理平台。

財爺陳茂波喺LEAP East開幕禮發表演辭就提到，香港具備成為理想創新基地嘅多項優勢，所以特別邀請沙特及海灣地區嘅企業，善用香港作為國際集資同風險管理平台；與此同時，香港亦持續深化與沙特喺創新、基建、綠色科技、醫療健康、先進製造同專業服務等領域嘅合作，計劃今年稍後再率團訪問沙特。

陳茂波昨出席LEAP East開幕典禮，同場有沙特通訊與資訊科技大臣Abdullah Alswaha、同創科局局長孫東等。

佢仲話，香港有活躍嘅資本市場、創業投資及私募基金，加上積極推動「人工智能+」，將AI定位為策略性產業，促進跨領域應用，亦通過建設北部都會區深化與大灣區的協作，推動科技、人才、教育與產業一體化發展。

2023年特首李家超親自率領高級別代表團，訪問沙特首都利雅德。

事實上，早在2023年2月，特首超哥親自率領高級別代表團，正式訪問沙特首都利雅德。該次歷史性出訪，促成了多項與沙特官方及企業的里程碑式進展。到2024年，創新科技及工業局局長孫東再率團到訪利雅得，親身出席了當地LEAP科技展，並為當年嘅香港展館主持開幕儀式，也促成了LEAP East來港。

2024年，創新科技及工業局局長孫東再率團到訪利雅得，主持LEAP科技展香港展館開幕儀式。

高人話，香港確實具備好多優越條件，但更重要係特區政府近年主動出擊，到世界各地積極「搶生意」，今次LEAP East來港舉辦都係「成功爭取」嘅明顯例子，難怪有人形容，香港即使係靚女，都要積極主動進擊，先至可以搵到高富帥男朋友㗎！