由王心慰（Amy姐）監製、翁善瑩編審的「人性反思」另類寫實劇集《森下仁丹Bifina Si益生菌呈獻：非份之罪》，逢星期一至五晚八點半翡翠台播映。主要演員有吳啟華、陳煒、阮浩棕、劉佩玥、朱敏瀚、吳偉豪、賴慰玲、何沛珈、徐榮及單立文等。
昨晚（7月17日）劇情講述「渣導」Jarvis（吳偉豪飾）離奇暴斃後，送上氣樽的逸思Daisy（蘇韻姿飾）、同公司的Tom（張翼東飾）、Paul（繆家慶飾）、「狂迷」Wendy（胡敏芝飾）、清潔工袁潔清（羅冠蘭飾），以及「渣導」老闆徐總（張本立飾）全部都有殺人嫌疑，Tom、Paul及Wendy更因而發生激烈衝突。幾經調查，警方認為與「渣導」在收取「回佣」上有利益衝突的阿Tom及徐總最大嫌疑…另探員文森（鄭衍峰飾）查案期間，在神秘組織「Agent J」行動期間拾獲一個似曾相識的襟章，令事件更添複雜……
羅冠蘭好好戲。
羅冠蘭好好戲。
昨晚，近年已甚少參與無綫劇集演出的羅冠蘭，雖然出場時間依然不多，但卻相當搶戲！當她從鄭衍峰口中得知「渣導」死亡一事時，她先是露出極度震驚的樣子：「Jarvis死咗？」之後即方寸大亂、眼神亂飄：「點解會死咗㗎？」經鄭衍峰出言安撫後，進入「恐慌」狀態的羅冠蘭一邊瘋狂擺手及眨眼、一邊口窒窒自我介紹，表現極不尋常。邊口窒窒、邊一輪嘴回答警方問題的羅冠蘭，當說到「要等佢（渣導）返嚟時」，突然再度Panic Attack般說不下去，並激動兼擅抖大叫：「點解會死咗架！」短短30秒演活了極慌亂及拒絕接受事實的複雜心理狀態，果真是老戲骨！而羅冠蘭這30秒的超細緻演繹，成功為觀眾帶來極大懸念，有網民懷疑她與吳偉豪有不尋常關係！
（左）繆家慶、張翼東
一向有「TVB黃金綠葉」之稱的羅冠蘭，代表劇集有《烈火雄心》、《天子尋龍》及《笑看風雲》等。她早前受訪時曾透露，今次「出山」全因對曾合作《烈火雄心》的監製王心慰有信心：「拍過幾次Amy姐監製嘅戲，畀我嘅感覺都非常好，同埋本身劇本嘅吸引力都好大。」談到今次與大批年輕演員合作，羅冠蘭笑言有向他們取經，並謙稱：「因為我太耐冇拍劇，都好想接觸吓依家啲年輕演員，唔想個Gap太大。」
與冠蘭姐有不少對手戲的胡敏芝Karen，笑言拍攝時每晚都會與冠蘭姐一起食飯，冠蘭姐除會關心其飲食，還不時會與她分析演戲方法，相當親切。而監製Amy姐，受訪時則透露由於對冠蘭姐在《烈火》的演出念念不忘，加上角色適合對方，故才邀請對方出山：「一直都好希望佢能夠再出嚟見觀眾，呢個角色夠份量，又啱佢做，所以再一次請佢出山，咁佢好好，應承咗。」Amy姐的回應，亦暗示了冠蘭姐在單元的重要性。
呢段兄弟情其實真係幾感人。
呢段兄弟情其實真係幾感人。
而出名敢於起用新人及任何演員的Amy姐，之前在《異空感應》中大膽起用家庭觀眾不太熟悉的舞台劇演員兼戲劇導演李頊珩擔當佔戲甚重的精神科楊醫生，當時引發極大迴響，網民對李頊珩的瘋癲演出讚嘆不已。今次，Amy姐再度大膽為張翼東及《愛‧回家》「歸蜀明」繆家慶設計了一場佔戲極重的兄弟情戲碼！
劇情講述阿Tom雖然經常拖累阿Paul、更曾令對方蝕大錢，但阿Paul不但未有嬲豬，更對阿Tom力撐到底！其中一幕，同是天涯淪落人的Tom及Paul，齊齊拎住啤酒慨嘆人生，席間阿Paul傻氣問Tom為何冇錢仍要飲貴酒時，阿Tom回答相當啜核：「醒住爭人60萬，醉住爭人60萬零500，你揀邊樣？！」阿Paul聞言即貫徹傻氣性格：「咁飲多啖啦！」之後，同樣在電視圈捱了8年的2人，還透過角色把口、道出自己對演藝事業的堅持，張翼東：「過多幾年上網睇，就會有人話你十個幾好戲，但係紅極都紅唔起嘅電視台藝員」，繆家慶：「都叫有人欣賞吖，我唔怕等架，只要有得繼續做戲就得架喇！」Broship真摯感人之餘還相當熱血。
由王心慰（Amy姐）監製、翁善瑩編審的《森下仁丹Bifina Si益生菌呈獻：非份之罪》，星期五（7月31日）播出最終單元《恐怖情人》大結局！
《非份之罪》昨晚（31日）播出大結局，最終單元《恐怖情人》揭開真兇竟是外表溫柔的Angie（劉佩玥飾）。
Davis（阮浩棕飾）
《恐怖情人》大結局亮點，絕對是女主角劉佩玥（阿Moon）長達20分鐘的崩潰控訴戲碼！經過反轉再反轉，昨晚驚揭殺死靈媒Sylvia（余思霆飾）及網紅Liz（何沛珈飾）的真兇，竟是外表溫柔嫻淑的Angie（劉佩玥飾）。
事緣Angle因為設局陷害Davis媽咪（黎燕珊飾），反露出破綻引發Davis懷疑！為了引爆Angie真面目，Davis特意在親熱時叫錯舊愛Sylvia名字，成功令Angie嬲到眼凸兼成個彈起，失控爆喊的Angie，怒摑Davis的同時，還不斷歇斯底里喪鬧兼刀指Davis，情緒既反覆又激動。混亂間，Angie意外刺中家中毛公仔，結果掉出Sylvia人頭，大受衝擊的Davis嚇到即時作嘔！
阿Moon上演長達20分鐘的「淚之自白」，情緒遊走於委屈、癲狂暴怒與絕望之間，眼神空洞失焦，聲線極具感染力。
獲網民激讚「令人相信Angie真係癡咗線」。
情緒遊走委屈心痛癲狂暴怒之間
在這段長達20分鐘的「淚之自白」中，阿Moon經歷了幅度甚大的情緒過山車，既有「得不到愛」的無力感、自怨自憐的委屈感、暴風式的震怒，還有扭曲式的憎恨及妒忌；為了配合角色的情緒起伏，阿Moon除喊出「河流式淚痕」，聲線亦是遊走於絕望、痛心、憤怒與癲狂之間，當中尤以絕望時釋出的空洞失焦眼神最大感染力，令人確切感受到其生命在枯萎，演技極之亮眼。另Angie對於死者Sylvia及Liz，以及Davis媽咪的「歪理級指控」，亦是句句經典，完全符合網民神劇標準：「我冇錯，錯嘅係佢哋」、「我覺得佢係抵死架」、「你阿媽想日日同你一齊吖嘛，我就要佢永遠都失去你」，當中最令人心寒一句，是她解釋為何要鋸掉Sylvia的頭：「Sylvia你覺得佢靚吖嘛，我就要切佢個頭落嚟擺喺呢度，我要佢日日望住我哋有幾咁恩愛」、「我要佢死都死得唔眼閉！」
其實與陳煒在《一億殺機》中的角色一樣，阿Moon飾演的Angie原本也能開心簡單地生活下去，無奈因為對Davis執念太深，反覆的「我只係唔想冇咗你」、「點解唔係咁樣嘅」以及「我人生最錯嘅事就係不惜一切咁愛你」極端想法，最終令她走上絕路，毁掉了兩條寶貴生命的同時，亦親手摧毁了自己的人生，以及自己最執著的愛情。昨晚結尾，亦憑藉一個心口上的胎痣，揭出了童養媳的真正身份是Angie，《恐怖情人》單元正式淒美落幕。
對於《非份之罪》圓滿落幕，網民大感不捨，搞笑大嘆：「點解《非份之罪》會完！」，更有網民妙想天開，希望已退休的監製Amy姐與編劇能添食再拍第2季！網民昨晚絕對是「讚不絕口」，並大大力嘉許了《非份》幕後：「文戲情緒張力好澎湃，亦感受到劇情推進，實屬令人眼前一亮嘅新嘗試」、「Shout Out To All編劇」、「好耐冇試過睇電視睇到咁緊張」、「這個戲真心好睇」、「真係今年暫時睇過最好睇嘅劇集，肯用新人，配搭有驚喜，劇本夠精彩，絕對係佳作」、「睇完心情久久未能平復，太震撼，真係好難想像套戲咁好睇」、「令人窒息的愛」、「未到最後都唔知邊個係童養媳再世攞債」、「仲以為周家少爺嘅故事係老作，原來係真」、「非份之罪係近年TVB懸疑劇世一」、「今晚呢集絕對配得上全劇大結局。」
為配合角色，阿Moon刻意在後段轉變濃艷妝容象徵「愛情」漸近。
何沛珈全程陪伴助她投入情緒。
網民讚Moon演技有說服力：令人相信Angie真係癡咗線
至於阿Moon昨晚的Solo擔網演出，亦贏得了不火好評：「真係做得好好，好自然，唔浮誇，睇到都覺得佢值得同情」、「完全感受到女方愛到完全失去自我」、「阿Moon呢Part真係好刺激」、「佢令人相信Angie真係癡咗線。」
另值得留意的是，為了配合劇情，阿Moon角色的妝容前後有明顯變化，在起初出場時，賢妻Feel爆燈的阿Moon、衣著妝容均偏向淡雅風，而到了後段劇情，阿Moon的妝容明顯偏向濃艷，原來這些都是阿Moon的專業小心思，阿Moon受訪時說：「真係冇諗過大家會發現到Angie個妝嘅唔同及轉變，本身呢樣嘢純粹係我嘅小小設計同輔助等自己入戲啲，Angie愈多打扮，愈多小心機，就好似象徵住佢同佢所諗嘅『愛情』愈近。」
談到20分鐘崩潰控訴戲（中間加插回憶部分），Moon透露即使是回憶獨白部分，為了讓觀眾看起來一氣呵成，她選擇在現場一次過順演，不靠後期配音，再顯專業一面：「其實呢場戲對我嚟講真係好大挑戰，拍之前我應承我自己我一定要將劇本全部對白同VO獨白內容喺現場一次過演出嚟，因為如果後期配音講獨白，有機會情緒同聲線演繹會唔接，所以一路演一路講一路爆真係好好玩。真係好想多謝導演、攝影師同所有幕後製作團隊配合，大家好畀心機喺唔同角度去拍、先可以好流暢咁畀我演繹到，所以呢一幕係大家合作嘅成果。」
網民大讚劇集是「近年TVB懸疑劇世一」，更敲碗開拍第二季。
感激何沛珈通宵力撐陪伴
Moon又感激在相關場口佔戲不多的何沛珈，全程在現場陪住幫助她投入情緒：「好多謝好多謝Amy姐畀呢個機會我，佢真係好叻好厲害，係我一位好尊敬嘅老師，能夠喺佢退休前參與到佢呢套劇，與有榮焉！當然仲要多謝我嘅好拍檔浩棕，唔知點解一望住佢，諗住我哋兩個角色經歷嘅嘢，我就瘋狂到收唔到聲。好多謝珈珈，因為我有個位好需要佢畀我望住嚟演，佢就全程陪住我去幫我（投入），所以一定要多謝珈珈。」何沛珈受訪時亦坦言為幫Moon Moon打氣，只有數秒戲份的她，亦在拍攝現場留足全程，果然好姐妹。
