由王心慰（Amy姐）監製、翁善瑩編審的「人性反思」另類寫實劇集《森下仁丹Bifina Si益生菌呈獻：非份之罪》，逢星期一至五晚八點半翡翠台播映。主要演員有吳啟華、陳煒、阮浩棕、劉佩玥、朱敏瀚、吳偉豪、賴慰玲、何沛珈、徐榮及單立文等。
Karen真係喊得好傷心。
昨晚吳偉豪雖然出場唔多，但呢一吓嘅渣，已經為佢贏得唔少演技嘅正評。
就算畀Jarvis搞到冇咗BB，而Jarvis又擺到明為此高興，Wendy一樣好冧。
真係好想講，呢位小姐可唔可以冷靜啲。
昨晚（7月22日）《危險遊戲》單元播出大結局，劇情驚揭Jarvis（吳偉豪飾）的死原來只是一場「多重錯誤疊加」的悲劇！事緣清姐（羅冠蘭飾）臨門一刻因良心發現，未有將有毒氣體放入Jarvis背囊；但可惜人算不如天算，Wendy（胡敏芝飾）此時突然萌生整蠱Jarvis以獲取讚賞及關注的念頭，最終有毒氣體再次「落回」Jarvis手中，導致悲劇發生！
點擊看圖輯
昨晚吳偉豪雖然出場唔多，但呢一吓嘅渣，已經為佢贏得唔少演技嘅正評。
就算畀Jarvis搞到冇咗BB，而Jarvis又擺到明為此高興，Wendy一樣好冧。
發現畀Jarvis呃到咁，都可以大讚Jarvis。
發現畀Jarvis呃到咁，都可以大讚Jarvis。
真係好想講，呢位小姐可唔可以清醒啲。
網民：扭曲的崇拜，太可悲了
昨晚焦點人物，絕對是一生充滿悲劇色彩的狂迷Wendy！因為Jarvis的整蠱片曾賜予她希望，Wendy自此誤入歧途、執迷不悔地盲目「崇拜」Jarvis，即使Jarvis逼她著暴露泳衣、逼她大住肚跳彈床、呼喝她又講大話欺騙她，Wendy都可以「濾鏡」美化Jarvis所有行為，最後更因想將Jarvis「整蠱藝術」發揚光大慘死於鏡頭面前，著實唏噓，網民亦紛紛感慨留言：「畸形的愛，最終害人害己」、「恐怖戀愛腦」、「好扭曲的三觀，好似邪教咁」、「扭曲的崇拜，太可悲了」、「因執念錯手殺死深愛的人，這設計挺震撼」、「兩人都死在自己設計的遊戲裏」。
除了劇情，昨晚Karen的多元情緒演出，亦獲得網民高度評價，有網民直指她「幾啱做癲婆」。Karen昨晚最精彩兩幕，絕對是在殯儀館向江嘉敏發表走火入魔言論，以及得悉被Jarvis講大話欺騙後，高興得瘋狂大笑的癲喪行為，Karen瘋癲著魔語錄如下：「以為一個小生命可以綁住Jarvis？真係太天真喇，Jarvis呢種才華洋溢嘅人，根本唔會為任何人停落嚟」、「所以冇人比我更加適合留喺佢身邊呀，只有我明呀，佢需要嘅係一個默默守候佢，成就佢夢想嘅人」。
Karen呢個角色癲到唔識形容。
最終死得唏噓。
胡敏芝平時望落極可愛，估唔到咁癲得。
「Jarvis真係大師呀，幾秒之內就可以諗到個講法嚟呃我，呢啲就係整蠱大師嘅藝術」、「如果唔係清姐，我晨早整蠱到佢，得到佢認同啦，點解呀，點解你哋要咁陰毒呀？」連篇的歪理，加上Karen雙眼發光的失心瘋演繹，著實讓人心寒。談到新劇角色癲得徹底，Karen受訪時坦言自己一度癲到嚇親幕後：「其實睇劇本時都覺得呢個角色真係好癲，因為拍嘅時候係三年前，當時都係我第一次Handle咁癲同咁多情感起伏嘅角色，我記得嗰陣拍到好激動嘅時候，啲Cam man都猛話『呢條女真係好癲』。」
由王心慰（Amy姐）監製、翁善瑩編審的《森下仁丹Bifina Si益生菌呈獻：非份之罪》，星期五（7月31日）播出最終單元《恐怖情人》大結局！
《非份之罪》昨晚（31日）播出大結局，最終單元《恐怖情人》揭開真兇竟是外表溫柔的Angie（劉佩玥飾）。
Davis（阮浩棕飾）
《恐怖情人》大結局亮點，絕對是女主角劉佩玥（阿Moon）長達20分鐘的崩潰控訴戲碼！經過反轉再反轉，昨晚驚揭殺死靈媒Sylvia（余思霆飾）及網紅Liz（何沛珈飾）的真兇，竟是外表溫柔嫻淑的Angie（劉佩玥飾）。
事緣Angle因為設局陷害Davis媽咪（黎燕珊飾），反露出破綻引發Davis懷疑！為了引爆Angie真面目，Davis特意在親熱時叫錯舊愛Sylvia名字，成功令Angie嬲到眼凸兼成個彈起，失控爆喊的Angie，怒摑Davis的同時，還不斷歇斯底里喪鬧兼刀指Davis，情緒既反覆又激動。混亂間，Angie意外刺中家中毛公仔，結果掉出Sylvia人頭，大受衝擊的Davis嚇到即時作嘔！
阿Moon上演長達20分鐘的「淚之自白」，情緒遊走於委屈、癲狂暴怒與絕望之間，眼神空洞失焦，聲線極具感染力。
獲網民激讚「令人相信Angie真係癡咗線」。
情緒遊走委屈心痛癲狂暴怒之間
在這段長達20分鐘的「淚之自白」中，阿Moon經歷了幅度甚大的情緒過山車，既有「得不到愛」的無力感、自怨自憐的委屈感、暴風式的震怒，還有扭曲式的憎恨及妒忌；為了配合角色的情緒起伏，阿Moon除喊出「河流式淚痕」，聲線亦是遊走於絕望、痛心、憤怒與癲狂之間，當中尤以絕望時釋出的空洞失焦眼神最大感染力，令人確切感受到其生命在枯萎，演技極之亮眼。另Angie對於死者Sylvia及Liz，以及Davis媽咪的「歪理級指控」，亦是句句經典，完全符合網民神劇標準：「我冇錯，錯嘅係佢哋」、「我覺得佢係抵死架」、「你阿媽想日日同你一齊吖嘛，我就要佢永遠都失去你」，當中最令人心寒一句，是她解釋為何要鋸掉Sylvia的頭：「Sylvia你覺得佢靚吖嘛，我就要切佢個頭落嚟擺喺呢度，我要佢日日望住我哋有幾咁恩愛」、「我要佢死都死得唔眼閉！」
其實與陳煒在《一億殺機》中的角色一樣，阿Moon飾演的Angie原本也能開心簡單地生活下去，無奈因為對Davis執念太深，反覆的「我只係唔想冇咗你」、「點解唔係咁樣嘅」以及「我人生最錯嘅事就係不惜一切咁愛你」極端想法，最終令她走上絕路，毁掉了兩條寶貴生命的同時，亦親手摧毁了自己的人生，以及自己最執著的愛情。昨晚結尾，亦憑藉一個心口上的胎痣，揭出了童養媳的真正身份是Angie，《恐怖情人》單元正式淒美落幕。
對於《非份之罪》圓滿落幕，網民大感不捨，搞笑大嘆：「點解《非份之罪》會完！」，更有網民妙想天開，希望已退休的監製Amy姐與編劇能添食再拍第2季！網民昨晚絕對是「讚不絕口」，並大大力嘉許了《非份》幕後：「文戲情緒張力好澎湃，亦感受到劇情推進，實屬令人眼前一亮嘅新嘗試」、「Shout Out To All編劇」、「好耐冇試過睇電視睇到咁緊張」、「這個戲真心好睇」、「真係今年暫時睇過最好睇嘅劇集，肯用新人，配搭有驚喜，劇本夠精彩，絕對係佳作」、「睇完心情久久未能平復，太震撼，真係好難想像套戲咁好睇」、「令人窒息的愛」、「未到最後都唔知邊個係童養媳再世攞債」、「仲以為周家少爺嘅故事係老作，原來係真」、「非份之罪係近年TVB懸疑劇世一」、「今晚呢集絕對配得上全劇大結局。」
為配合角色，阿Moon刻意在後段轉變濃艷妝容象徵「愛情」漸近。
何沛珈全程陪伴助她投入情緒。
網民讚Moon演技有說服力：令人相信Angie真係癡咗線
至於阿Moon昨晚的Solo擔網演出，亦贏得了不火好評：「真係做得好好，好自然，唔浮誇，睇到都覺得佢值得同情」、「完全感受到女方愛到完全失去自我」、「阿Moon呢Part真係好刺激」、「佢令人相信Angie真係癡咗線。」
另值得留意的是，為了配合劇情，阿Moon角色的妝容前後有明顯變化，在起初出場時，賢妻Feel爆燈的阿Moon、衣著妝容均偏向淡雅風，而到了後段劇情，阿Moon的妝容明顯偏向濃艷，原來這些都是阿Moon的專業小心思，阿Moon受訪時說：「真係冇諗過大家會發現到Angie個妝嘅唔同及轉變，本身呢樣嘢純粹係我嘅小小設計同輔助等自己入戲啲，Angie愈多打扮，愈多小心機，就好似象徵住佢同佢所諗嘅『愛情』愈近。」
談到20分鐘崩潰控訴戲（中間加插回憶部分），Moon透露即使是回憶獨白部分，為了讓觀眾看起來一氣呵成，她選擇在現場一次過順演，不靠後期配音，再顯專業一面：「其實呢場戲對我嚟講真係好大挑戰，拍之前我應承我自己我一定要將劇本全部對白同VO獨白內容喺現場一次過演出嚟，因為如果後期配音講獨白，有機會情緒同聲線演繹會唔接，所以一路演一路講一路爆真係好好玩。真係好想多謝導演、攝影師同所有幕後製作團隊配合，大家好畀心機喺唔同角度去拍、先可以好流暢咁畀我演繹到，所以呢一幕係大家合作嘅成果。」
網民大讚劇集是「近年TVB懸疑劇世一」，更敲碗開拍第二季。
感激何沛珈通宵力撐陪伴
Moon又感激在相關場口佔戲不多的何沛珈，全程在現場陪住幫助她投入情緒：「好多謝好多謝Amy姐畀呢個機會我，佢真係好叻好厲害，係我一位好尊敬嘅老師，能夠喺佢退休前參與到佢呢套劇，與有榮焉！當然仲要多謝我嘅好拍檔浩棕，唔知點解一望住佢，諗住我哋兩個角色經歷嘅嘢，我就瘋狂到收唔到聲。好多謝珈珈，因為我有個位好需要佢畀我望住嚟演，佢就全程陪住我去幫我（投入），所以一定要多謝珈珈。」何沛珈受訪時亦坦言為幫Moon Moon打氣，只有數秒戲份的她，亦在拍攝現場留足全程，果然好姐妹。
