Sherman潘靜文推出全新單曲《遺憾還是會完》，繼《永遠的潘朵拉》及《傷魚座》後，相隔兩年推出新歌，延續傷心情歌的路線，不過今次增添了一份成熟，對感情、人生的看法也有些感悟，她說：「自己話大唔大，話細唔細都已經28歲，我覺得每個人都會有一啲遺憾，可以係細到旅行有個景點去唔到；又可能大到係拍咗十年拖都唔可以開花結果，又或者單戀咗好耐，粒種子都未萌牙就已經要結束。人人都有不同嘅遺憾，其實我自己都有啲未能完全放低嘅事或人物，所以今次份詞都係出自己嘅真實經歷。」她又提到很喜歡填詞人甄敏延所填的兩句「逃不出 相愛深淵／逃不出 相見會心軟」。
Sherman潘靜文
Sherman潘靜文
新歌邀請到徐浩作曲及擔任監製，Sherman表示非常高興：「好開心相隔兩年有新歌出，同埋可以搵到徐浩做監製，以前《聲夢》佢係評判，感覺好似一個遙不可及嘅人咁，但係到今次真係可以合作，個感覺好奇妙！」她又表示在徐浩的指導之下找到自己另一種聲線：「最初我用自己方法唱，反而佢叫我試下『䠋』(pair) 啲去唱，出到嚟個效果又幾好，我俾屋企人聽佢哋都認唔出係我。」
Sherman又分享今次錄音找到些小秘訣，她說：「第一次去錄音嘅時候我覺得自己都未入狀態，到第二次嘅時候，我著咗對平底嘅波鞋同埋食咗飯先過去，我發覺原來真係要有米氣到肚先夠力去唱，哈哈！」
Sherman潘靜文
既然是傷心情歌，MV當然要有男主角，Sherman笑言在造型上要花心機配合大家，她說：「我喺社交平台見搵到佢覺得幾適合今次MV，點知見到真人原來佢細我幾年，搞到個感覺好似姊弟戀，我唔OK囉！哈哈！所以大家都花咗啲時間去互相就返，拉近個距離。」
Sherman一向都身形纖瘦，但她竟然要為今次MV特意減肥，她說：「拍MV之前我拍咗個飲食節目同去旅行，重咗3KG呀！為咗喺MV入面個人唔好咁脹，開拍之前一個禮拜冇食晚餐，連我最鍾意嘅汽水都冇飲，戒糖加埋打網球，好快減咗2KG，希望以最好嘅狀態去拍。」她又分享這段時間累積了更多幕前拍劇的經驗，對今次拍MV很有幫助，學會了更多技巧去表達情緒。
Sherman潘靜文
由王偉仁（Simon）監製、陳可兒、李昊編審的時裝靈異輕喜劇《鼎植口腔呈獻：香港探秘地圖》，逢星期一至五晚八點半翡翠台播映。主要演員有黎耀祥、龔嘉欣、丁子朗、倪嘉敏、孔德賢、袁文傑、關曜儁等。
關嘉敏係鬧鬼事件嘅幕後真兇，佢啲壞女人嘴臉真係好入型入格。
Sherman拍《香港探秘地圖》真係咩都試勻晒咁滯，無論瞓女廁、瞓棺材、被風機捲頭髮，佢都全部親身上陣兼百無禁忌，好專業。
Sherman拍《香港探秘地圖》真係咩都試勻晒咁滯，無論瞓女廁、瞓棺材、被風機捲頭髮，佢都全部親身上陣兼百無禁忌，好專業。
Sherman扮女鬼幾有驚嚇同驚喜。
前晚（6月1日）及昨晚一集《香港探秘地圖》繼續是影壇鬧鬼事件，《神功靈戲》續集女主角凱泳（潘靜文飾）撞邪事件網上瘋傳，凱泳面臨被易角危機向一臣（黎耀祥飾）求助，一臣（黎耀祥飾）派畢萍（龔嘉欣飾）等到片場調查撞邪事件，查出「鬧鬼真兇」是之前爭輸女主角的Julia（關嘉敏飾）。當眾人以為事情已解決，怪異事件再次出現，導演趙永慶（秦啟維飾）、演員何啟安（陳建文飾）相繼遇上靈異事件，女二胡潼（阮兒飾）更疑遭第一季離奇死亡的女主角詠姐（潘靜文分飾）索命…經畢萍等人一再調查，終揭出與詠姐神撞樣的凱泳，原來是詠姐私生子孿毛（侯雋熙飾）的女朋友，二人與一臣合作誓要查出當年害死詠姐真兇，原來一切是因胡潼妒忌詠姐而發生的不幸意外…
初試啼聲擔任單元女主角的潘靜文（Sherman）在劇中甚有發揮，除先後遇上在靈位前倒插香（有挑釁神明請鬼之意）、頭髮遭捲入風機及瞓棺材等驚嚇事件，還要扮演陰森感滿分的女鬼與阮兒單挑，加上一人分飾兩角，又要先後Carry清純學生Look、古典花旦Look、陰森女鬼等不同造型，演出難度極高。就此，Sherman受訪時坦言一人分飾兩角有難度：「我都好驚人哋睇唔出有分別。」為了使詠姐及凱泳看起來有分別，Sherman在聲音及造型上花了不少心思，包括讓凱泳多戴帽示人。至於扮女鬼體驗，她則笑言超級好玩。
Sherman劇入面造型勁多元。
Sherman同侯雋熙呢對《聲夢》CP勁有新鮮感。
《神功靈戲II》真係怪事連連架。
Sherman又指由於家中從事殯儀業，所以拍攝靈異戲沒有太多避忌及害怕，即使要「大吉利是」瞓棺材也不介意：「我自細就有聽同接觸到死亡嘅事，所以唔會抗拒瞓棺材，PA（助理編導）都有畀利是我，我百無禁忌。」但直指瞓入棺材一刻，直接體驗「死亡視覺」時感到孤單：「其實瞓棺材之前我係冇驚，但係當我真正入到棺材冚埋個蓋嘅時候，我有一種好孤單嘅感覺。」至於拍攝頭髮遭捲入風機場口，Sherman透露被捲的是劇組事先安排的假髮，故過程安全，不過她還是事先做好萬一發生意外、要剃光頭的心理準備，果然專業。
「閃現」黃泳嘉好Sharp！
佢當年憑才藝表演唱牧童笛真係一夜爆紅，因為吹到一言難盡。
仲有網民至愛李海銅。
揭拍畢倒插香戲後運氣變差 潘靜文接連離奇整親腳
雖然為人大膽又百無禁忌，但Sherman笑言拍畢倒插香戲份後，覺得運氣似乎變差：「我之後咁啱係咁整親隻腳，首先喺一個party度我睇唔到一個大喇叭，跟住成個人跌低咗刮損又瘀晒；跟住再隔咗一個月，我去咗一個電台嘅運動會，然後跑步又仆低咗，仆得都唔淺，係要去洗傷口嗰隻。」
是個單元除了「長腿姐姐」Sherman，還有「女神」關嘉敏、之前憑《臥底嬌娃》爆紅的李海銅，以及「東張女神」黃泳嘉客串演出，三人的旗袍Look各有美態，引發不少網民熱議。而根據tvb.com報道，閃現登場慘被鹹濕導演非禮的黃泳嘉，原來是「學霸港姐」，畢業於世界名校蒙特利爾麥基爾大學（McGill University）。泳嘉當年參選港姐時，曾憑神級吹奏牧童笛功力成為一時佳話，在網上吸納近 100 萬點擊！
