《江湖見》麥長青負傷落區送貨街坊讚後生 上許惠菁節目《青菁地》介紹兩代人飲食文化

憑熱播節目《江湖見》第二季再度掀起話題的麥長青（麥包），日前為代言米酒品牌「遠航牌九江雙蒸酒」，化身一日限定送貨員，親自落區到土瓜灣、深水埗、旺角等地送貨，雖然麥包受十字韌帶撕裂影響帶傷上陣，但仍無損親民作風，吸引途人圍觀索合照，人氣爆燈，期間更獲街坊大讚後生，逗得麥包笑逐顏開。

麥包化身一日限定送貨員

麥包為代言米酒品牌落區送貨

麥包雖負傷、揸拐杖上陣，但無損他親民作風。

麥長青把握機會推廣品牌

麥長青為代言米酒品牌，走訪土瓜灣、深水埗、旺角等地送貨

麥包指今次以代言人身份落區，希望親自推廣品牌，了解巿場需要：「唔係第一次送貨，細個暑期工都做過，將啲貨一批批送去碼頭搬上船，當時要賺取外快幫補家計同交學費，所以都做過售貨員同送貨。」

麥長青跟街坊有傾有講，打成一片

麥長青對街坊要求合照，有求必應

麥長青對街坊要求合照，有求必應

麥長青親力親為，表現落力

最近麥長青主持的節目《江湖見》系列叫好叫座，大受街坊歡迎

然而負傷上陣、揸拐杖送貨，麥包坦言卻是第一次：「之前出席活動人多，唔小心跌親受傷，唔知咁嚴重，原來右腳十字韌帶就快斷，醫生叫我盡量唔好行太多，睇吓三個月內能唔能夠自癒，如果唔得就要做手術。」麥包續說，人生中從未試過如此嚴重受傷，即使過往拍劇受傷，都只是輕輕拉傷，今次真的為生活帶來了不方便。

孖許紹雄女兒合作

談到與黎耀祥主持的節目《江湖見》系列叫好叫座，不少街坊見到麥包即大叫「江湖見」，問到節目會否「添食」？麥包指要看公司安排，他透露最近忙於個人YouTube頻道發展，並與許紹雄女兒許惠菁（Charmaine）合作主持網上節目《青菁地》，以介紹兩代人的飲食文化，由麥包介紹舊式傳統食物，許惠菁則介紹新式飲食，麥包指：「好開心Charmaine帶我走入新一代年輕市場。」

此外，麥包又透露與李思捷、曹永廉、Ben黃智賢及唐文龍組成的男子組合「Hey Brother」，不但即將推出新歌，還計劃年底開演唱會，麥包說：「唔知到時隻腳好番未，跳舞可能會交畀李思捷同Ben負責，而家Ben好勤力、日日練舞。」

黎耀祥（祥哥）與麥長青（麥包）兩大師兄弟攜手主持的旅遊節目《食玩假期呈獻：江湖見》，今晚（7月24日）9時30分翡翠台播出最後一集。

祥哥和麥包真係默契十足。

二人取「關照」帶大家去河西酒廊最大紅酒生產地參觀。

二人親身感受古人「葡萄美酒夜光杯」意境。

二人喺雷音寺「戲癮大發」。

祥哥麥包感性談以往演繹角色：嚴格嚟講係永別
今晚，兩師兄弟將走過陽關、玉門關，及雅丹國家地質公園，考察「兩大關」對商貿與軍事防禦的故事。祥哥與麥包更即場「戲癮大發」：「你行你嘅陽關道，我行我嘅獨木橋。」非常搞笑。今集最特別之處就是兩師兄弟在沙漠玩完越野車後盡訴心中情，回顧由拍《西遊記》（1996年）首次合作至今點滴，祥哥：「初見幾得意，外景仲一齊住。」麥包更講到眼濕濕：「你會同我傾偈，教我嘢。」言談間，祥哥更自爆有社恐。另兩師兄弟又談到對每個角色的「離愁」，祥哥以「相見時難，別亦難」形容與角色關係：「你做戲時候入咗世界同角色做朋友，當分開時永遠唔會再見到呢個朋友。」麥包則說：「每拍一個角色，行咗一個人嘅人生，嚴格嚟講係永別。」證明兩師兄弟均相當感性。

千年壁畫好靚呀！

二人喺莫高窟講歷史。

祥哥和麥包喺鳴沙山體驗騎駱駝。

祥哥騎一隻「滿臉不想上班」駱駝，好好笑。

黎耀祥為美食排隊排足半小時
兩師兄弟還會走訪當地夜市品嚐美食，在「旅遊達人」陳志華帶領下，食盡「羊肉手抓飯」、「牛肉手抓飯」、「漠北烤魚」、「沙蔥牛肉餅」等，祥師兄更為了這些美食排隊排足半小時。

至於昨晚（23日）一集，兩師兄弟帶觀眾走訪甘肅嘉峪關、敦煌雷音寺，踏遍昔日戰事重地，以及走訪河西走廊追尋絲綢之路足跡，還親臨敦煌莫高窟，親眼見證千年石像及顏料壁畫的震撼。而要進入西域，兩師兄弟需事先取得「關照」（即現代「護照」），二人還指出這個步驟、亦是現今俗語「關照」的由來，十分有趣！

喺沙漠行沙梯。

麥包行得好辛苦，面都紅晒。

當年拍《西遊記》原來喺東莞地盤爛地拍攝。

二人喺最後一集都不忘「演戲」，隨時隨地就能演，不愧為好戲之人。

帶大家去夜市品嚐美食。

祥哥和麥包盡訴心中情，講講吓都眼濕濕。

二人越講越感觸。

爆昔日火焰山場景實為地盤爛地 祥哥佩服：電視真係一個魔術
而昨晚最精彩的，是祥哥與麥包在鳴沙山體驗騎駱駝及在沙漠「行沙梯」。在騎駱駝環節，祥哥遇著一隻「不想上班」的駱駝，但他不怒反笑：「同我性格一樣，唔鍾意返工！」十分爆笑。至於沙漠樓梯由於又長又難行，本身為拍節目行樓梯行到有「樓梯恐懼症」的麥包，全程行到叫苦連天，自嘲「一步跌半步」似足跑步之餘，差點兒跌倒的他登頂時還乘機搞笑要求加薪：「加騷錢！」兩師兄弟又即場大爆當年拍攝《西遊記》（1996年）內幕，原來劇中沙漠之地與火焰山場景，全在東莞一處爛地盤拍攝，祥哥更笑言：「電視真係一個魔術」。