康城商場驚現大陀糞便 網民：張相有味又有聲

「扶手電梯屎」？將軍澳日出康城一個商場近日驚現疑似糞便，地面更留下一條長長「糞便路」，有網民拍照上載社交平台，引起熱議。片段可見，有人仍繼續使用扶手電梯，險些踏中糞便，網民紛紛留言要求立即停用及清潔，亦有人猜測糞便或來自狗隻。

網上圖片

有網民日前在Facebook群組「將軍澳主場」分享1張照片，顯示現場是將軍澳日出康城康城路1號商場「The LOHAS康城」，地面竟出現「糞便路」，而向下的扶手電梯梯口則有大陀糞便，懷疑沾有糞便的踏板經輸送帶送到扶手電梯的其他位置，故表面上梯級未見糞跡。現場有1名女保安站在扶手電梯旁邊，左手掩蓋口 鼻，右手指着扶手電梯，而另一邊往上層的扶手電梯則有許多人仍在使用。

網上圖片

網上圖片

事件令不少網民感到震驚，許多人認為現場遺下的可能不是人糞，紛紛猜測有可能是狗糞。群組管理員在帖文表示，「樓梯屎你可能見過，電梯屎你都有可能見過，扶手電梯屎.... 今日康城見到」，形容「成條都有」糞便，「啲人仲要不停踩，繁忙時間又唔敢封」。其後管理員更發布到影片，顯示有人仍在使用讓扶手梯，更幾乎踏到糞便，而現場地面則有長長的「糞便路」，相信有不少人「中招」慘踏中糞便。

網上圖片

網上圖片

大量網民留言指「張相有味又有聲」、「保安個樣好驚恐」、「點樣屙得到？」、「停咗條電梯，清潔咗先啦」，亦有網民引用周星馳電影《破壞之王》對白「你好玩唔玩，玩屎」，不過有網民認為糞便並非來自人類，猜測「大多數人都問係唔係人類屎，但其實會唔會係狗隻？」、「會唔會係狗？」。

近日天氣持續酷熱，不少市民寧願留在家中消暑都唔出街，連寵物都怕熱唔願郁。不過啟德近日就有一隻松鼠狗成為網絡紅人，佢陪住飼主現身Airside等商場時，竟然成日躺平喺地下拒絕前進，即使飼主牽繩拉扯「拖地」都唔肯起身，場面搞笑。正當網民以為松鼠狗係因為天氣太熱先至唔願行，原來背後另有玄機，而且只要飼主講出三個字「密碼」，松鼠狗便會即刻開心彈起奔跑，反差萌爆燈。

threads影片截圖

Threads自7月起就流出此隻躺平小狗相關的照片及影片，片中所見飼主是一名中年男子，幾乎每日都帶住佢去Airside散步，他們更曾到訪荃灣南豐紗廠、新蒲崗Mikiki等地方。不過大部分時間見到小狗都係「躺平」狀態，即使飼主拖行都唔肯起身，因而吸引大批路人及網民將此搞笑場面拍下上載至社交平台分享。

threads影片截圖

threads影片截圖

有網民留言笑稱「見咗佢咁多次，冇一次係用四隻腳嚟行路，每次都趴喺地下唔肯行。然後叔叔就陪佢慢慢拖住咁行，搞笑得嚟又好sweet」、「Airside夜晚一見到有嚿啡色地拖就知係佢了」、「airside多個景點」、「人哋係去放狗，佢係去拖地」、「冇一次係四隻腳行路 笑死」、「我係南豐見過佢地，一樣做地拖，原來係啟德名物」、「地板涼浸浸」、「狗形地拖」、「好cute cute」、「天氣太熱，商場地下涼浸浸」、「原來狗可以咁賴皮」、「唔想返屋企的表現」。

threads影片截圖

正當網民以為松鼠狗純粹因為天氣太熱先至唔肯起身之際，有兩名網民分享影片及與飼主叔叔對話，原來真相係因為佢已經散完步要回家，但松鼠狗唔肯走，結果躺平「賴死唔走」。不過只要飼主同佢講「去玩、繼續行」，佢就會企返起身好活躍。影片可見飼主只要說出三個字：「去玩啦」，或者數「一二三」，松鼠狗便會立即彈起身開心地奔跑，有網民見狀笑指「平時扮死狗 原來咁得意！」。

影片可見飼主只要說出三個字：「去玩啦」，或者數「一二三」，松鼠狗便會立即彈起身開心地奔跑。threads影片截圖