啟德「地拖狗」躺平要飼主拖住行爆紅 惟講3字密碼即彈起狂奔

近日天氣持續酷熱，不少市民寧願留在家中消暑都唔出街，連寵物都怕熱唔願郁。不過啟德近日就有一隻松鼠狗成為網絡紅人，佢陪住飼主現身Airside等商場時，竟然成日躺平喺地下拒絕前進，即使飼主牽繩拉扯「拖地」都唔肯起身，場面搞笑。正當網民以為松鼠狗係因為天氣太熱先至唔願行，原來背後另有玄機，而且只要飼主講出三個字「密碼」，松鼠狗便會即刻開心彈起奔跑，反差萌爆燈。

threads影片截圖

Threads自7月起就流出此隻躺平小狗相關的照片及影片，片中所見飼主是一名中年男子，幾乎每日都帶住佢去Airside散步，他們更曾到訪荃灣南豐紗廠、新蒲崗Mikiki等地方。不過大部分時間見到小狗都係「躺平」狀態，即使飼主拖行都唔肯起身，因而吸引大批路人及網民將此搞笑場面拍下上載至社交平台分享。

threads影片截圖

threads影片截圖

有網民留言笑稱「見咗佢咁多次，冇一次係用四隻腳嚟行路，每次都趴喺地下唔肯行。然後叔叔就陪佢慢慢拖住咁行，搞笑得嚟又好sweet」、「Airside夜晚一見到有嚿啡色地拖就知係佢了」、「airside多個景點」、「人哋係去放狗，佢係去拖地」、「冇一次係四隻腳行路 笑死」、「我係南豐見過佢地，一樣做地拖，原來係啟德名物」、「地板涼浸浸」、「狗形地拖」、「好cute cute」、「天氣太熱，商場地下涼浸浸」、「原來狗可以咁賴皮」、「唔想返屋企的表現」。

threads影片截圖

正當網民以為松鼠狗純粹因為天氣太熱先至唔肯起身之際，有兩名網民分享影片及與飼主叔叔對話，原來真相係因為佢已經散完步要回家，但松鼠狗唔肯走，結果躺平「賴死唔走」。不過只要飼主同佢講「去玩、繼續行」，佢就會企返起身好活躍。影片可見飼主只要說出三個字：「去玩啦」，或者數「一二三」，松鼠狗便會立即彈起身開心地奔跑，有網民見狀笑指「平時扮死狗 原來咁得意！」。

影片可見飼主只要說出三個字：「去玩啦」，或者數「一二三」，松鼠狗便會立即彈起身開心地奔跑。threads影片截圖

申請公屋猶如一場賭博，有港男等了8年，先後放棄三個單位，最後一擊竟成功逆襲，獲派市區神級靚盤，興奮高呼「8年冇白等」，網民形容此乃「送大禮中頭獎」。

申請公屋猶如一場賭博，有港男等了8年，先後放棄三個單位，最後一擊竟成功逆襲。FB圖片

申請公屋猶如一場賭博，有港男等了8年，先後放棄三個單位，最後一擊竟成功逆襲。FB圖片

該名港男在社交平台群組「公屋討論區」發文，回顧自己的「上樓過山車」之旅。他與家人輪候市區4人家庭單位長達8年。今年3月第一派獲派秀茂坪天井樓低層單位，他決定「賭一下」拒絕；5月第二派獲派觀塘樂華北邨20樓高層，但因大門正對後樓梯及走廊骯髒，再次放棄。

6月底第三派，他獲派近年落成、深受歡迎的秀茂坪安泰邨高層單位，原以為終於可以畢業，興奮高呼「派到安泰邨高層，太好了！」豈料後來發現該單位5年前曾發生自殺或意外事故，認為風水不好，無奈忍痛放棄，慨嘆「咁好的大獎被糟蹋了」。

該港男與家人輪候市區4人家庭單位長達8年。AI生成圖

根據政策，涉及事故的公屋單位不計算在3次編配次數之內，讓他得以保留「終極第四派」的機會。拒絕安泰邨後，他已作好最壞打算，甚至悲觀認為「以後冇戲睇，等住派三順低層」。沒想到7月底信箱迎來的終極四派，竟然是鯉魚門邨一個400多呎的中低層單位。

6月底第三派，該港男獲派近年落成、深受歡迎的秀茂坪安泰邨高層單位，但後來發現該單位5年前曾發生自殺或意外事故。AI生成圖

樓主直言，該屋邨樓齡平均不足20年，環境非常好，雖然是中低層，已令他無比滿足：「冇諗到竟然係鯉魚門邨，查咗400多呎，8年冇白等，成功圓滿畢業！」

帖文引來大批網民羨慕，有人形容這是「送大禮」、「中頭獎」。有同邨街坊提醒，由於鄰近海邊，該區天氣較潮濕，叮囑樓主要做好防潮準備。不過大部分網民依然認為該處是「超級好位置」，交通及生活配套非常便利：「正到痹啦，近油塘地鐵站同鯉魚門廣場，交通買嘢超方便」。有街坊更笑言：「落去食海鮮賀一賀啦！」