公共交通工具上周不時會遇上有乘客睇片聲浪過大，而引起其它乘客不滿，繼而起衝突，輕則口角收場，重則大打出手。不過近日一名港男的經歷卻意外地「治癒」，他在港鐵車廂內以婉轉方式提醒鄰座阿叔，未料對方一句率真回應，令他當場哭笑不得，帖文曝光後隨即引發網民熱議。
示意圖。AI 生成圖片
該名男網民日前於社交平台Threads發帖，指在港鐵車廂內遇上一名中年阿叔以手機睇片，聲浪過大。於是他選擇較「婉轉」方式，望着對方的手機問道：「你開咁大聲，係咪想我一齊睇呀？」樓主原以為對方能明白他的意思，豈料那為中年阿叔竟然「露出慈祥笑容」，反問：「你冇帶手機呀？」而且還將手機遞近到樓主面前，示意可以與他一同觀看。面對如此「率真」回應，樓主坦言當下笑咗出來，直言「嗰下即刻笑咗」、「佢咁Chill又大方，燥唔落又真心笑咗」，他指其後那位阿叔自行戴上耳機離去。
示意圖。AI 生成圖片
帖文一出引來網民熱議，留言笑稱「你呢招我用過好多次，個個都係即刻熄聲，點知你遇咗個咁奇特既」、「個故事結局 好warm」、「咁都好過大家鬧交」、「幾純真」、「笑，真係可以解決好多問題」、「智商不詳，心地善良」、「樓主你畀魔法打敗咗」、「可能係一段美好友誼嘅開始」、「其實佢哋聽力可能下降，未必明其實已經滋擾緊人，件事係值得躁底嘅，但不妨解釋吓情況，提議吓佢可以戴耳機」，亦有人認為「佢地好叻扮蠢」。
資料圖片
但部分網民亦指曾遇上類似事件，「上次又係咁，我直接哄埋去一齊睇，佢笑笑口之後仲特登就埋我角度打斜部電話比我睇，即刻嬲唔落」、「我都試過同隔離姐姐咁樣講，結果一齊追劇追到飛埋站」、「試過同幾個朋友搭巴士遇上大聲睇片嘅阿嬸，我哋行埋去哄住佢電話講同一樣嘅說話，佢笑晒口介紹片中佢啲孫我哋識」。
資料圖片。(不是涉事者)
內地AI微短劇近年大行其道，在各大影視平台佔據一席位，觀眾群橫跨男女老少。一名居於歐洲的港人近日在社交平台發帖求助，指年過60歲的母親數月前在社交平台接觸到內地AI短劇後便一發不可收拾，每日花費最多15小時追看，情況儼如吸毒般「沉迷落去」。樓主雖多次解釋長期沉浸在AI劇集之中，有機會損害健康甚至影響思想，惟母親未有理會，遂向網民集思廣益，尋求令母親醒覺的方法。
AI生成圖片
該名港人在Threads帳號發文，形容母親「就好似吸毒咁沉迷咗落去」。據其所述，母親由每天起床第一件事，到晚上睡覺之前，都在看類似「窮小子逆襲一夜致富」劇情的微短劇，題材橫跨現代與古裝，每天至少花上13至15個小時。短劇幾乎佔據母親全部日常生活，「出街飲茶食飯、煮緊早餐煮緊晚餐、洗緊衫、屙X都要繼續睇」；戴耳機的情況更為嚴重，「就好似助聽器咁，永遠都除唔到落嚟」，甚至明知樓主正在說話，亦只是「岌頭就當回應咗」。
AI生成圖片
樓主又稱，曾屢次向母親表明AI微短劇如同「精神鴉片」，長期觀看或有損健康，繼而影響思想，但對方似乎未有理會。即使母親知道這類短劇劇情大同小異、「重複又重複」，所謂演員亦是常見的AI面孔，仍然「完全停唔到落嚟」，未能徹底戒掉。樓主續稱，「懷疑佢（母親）好喜歡嗰種好似掌握一切同預知所有事情嘅感覺」，於是詢問廣大網民「可唔可以集思廣益點樣令佢醒？」並感嘆「AI短劇係第一次令我親身感受到，要令一個幾千年嘅人類文明倒退係幾咁容易」。
AI生成圖片
帖文引來不少網民共鳴，紛紛指家中父母或長輩都出現類似情況：「我阿媽而家成日都睇埋嗰啲分家產劇，日日都哭哭鬧鬧真係會睇壞腦」「我發現阿媽、阿姨都係，出晒事。我自問細個都唔會廢寢忘餐，我媽可以唔食飯唔瞓覺」「我都想知，寧願佢哋由朝到晚玩麻雀game好過」「諗起細細個啲呀爸呀媽成日鬧唔好打機唔好上咁多網，而家變咗佢哋沉迷」。
AI生成圖片
有留言嘗試分析籲中原因，「之前上網睇，少少關身份焦慮事，現實嘅無力感同階層嘅不安感，所以好想睇到逆襲打臉呢啲劇情，即時爽一爽」，並認為樓主可從多方面幫母親「戒癮」，「如果媽媽係用屋企Wi-Fi睇，可以試下喺Wi-Fi到set限速，要佢睇10秒load 5秒咁，耐咗佢就放棄」、「定期用佢account，feedback俾FB同YouTube對啲AI片『不感興趣』，同時Block埋個啲AI劇page」。
另有留言認為樓主不應過分干預母親的娛樂自由，「初頭想勸，但仔細諗，佢沉迷呢啲都係想逃離現實，等於我得閒就會去打機一樣，咁我就唔介入別人嘅因果了」、「睇到白內障就會停一停，上代人未接觸或學過科技或AI，呢啲即時多巴胺好快上癮，幫得一時幫唔到一世」。
