關智斌（Kenny）日前於深圳出戰HYROX賽事，孖住拍檔於男子雙人年齡組別勇奪第一名！這次除了是他參加第八次HYROX，更是他首次踏上頒獎台，難怪賽後勁感動。
關智斌日前於深圳出戰HYROX賽事，孖住拍檔於男子雙人年齡組別勇奪第一名！
講起Kenny跟HYROX的淵源，原來他由2024年開始玩，除了香港，還征戰過台北、曼谷、上海及成都，累積了七次經驗，今次第八次終於一嘗冠軍滋味。他在社交平台分享感受時，自爆三年前第一次參加的時候，連比賽名都未會讀，完賽那刻更加攰到懷疑人生，還在想「唔會再有第二次」，點知愈玩愈上癮，更將目標愈set愈高，一直希望有日可以企上頒獎台。
點擊看圖輯
關智斌日前於深圳出戰HYROX賽事，孖住拍檔於男子雙人年齡組別勇奪第一名！
關智斌
關智斌
關智斌
Kenny感性地說：「我唔係從細到大接受訓練嘅運動員，甚至30幾歲先開始接觸運動，但今日居然可以企喺頒獎台，證明年齡同天賦從來都限制唔到你！」他又特別感謝拍檔Benny Woo，大讚對方一路狂帶住他衝，不停催步速，如果沒有他在前面拉住，絕對拿不到第一名，又謂這個榮譽是屬於二人。
關智斌
關智斌
關智斌
關智斌
奪冠喜訊一出，即時引來大批圈中好友湧入IG留言恭喜，包括容祖兒、阿Sa、衛詩雅、吳千語、楊天宇、AGA及關楚耀等，個個都讚他犀利，洗版式祝賀勁熱鬧。
大批圈中好友留言恭喜。
大批圈中好友留言恭喜。
大批圈中好友留言恭喜。
這邊廂運動場上暫時告一段落，那邊廂舞台上的挑戰即將展開，Kenny預告9月19日將於廣州體育館開騷，揚言：「到時我會帶住呢份衝勁同能量，喺舞台上繼續為大家爆盡佢！」
關智斌
關智斌
今個八月，The Pulse與享譽全球的私人會所品牌Soho House Hong Kong聯手打造的期間限定「Soho Beach Club at The Pulse」，將淺水灣The Pulse幻化成今夏最具話題性的海濱Beach Club！日前，活動舉行了盛大的VIP暨傳媒預覽派對，現場星光熠熠。英皇集團副主席楊政龍先生（Alex Yeung）及Soho House香港總經理Sheron Tsui與過百位嘉賓到場支持。英皇娛樂藝人關智斌（Kenny）、陳家樂（Carlos）、海兒（Hedy）、新生代女團VIVA成員Carina、楊天宇（Angus）及何佩瑜（Jeana）亦搶先現身預覽，在無敵海景與強勁節拍下，為The Pulse「Endless Summer」企劃正式揭開序幕！
英皇集團副主席楊政龍Alex (中間）聯同6位英皇娛樂藝人搶先預覽淺水灣。 「Soho Beach Club at The Pulse」。
英皇集團副主席楊政龍（Alex）對現場環境給予極高評價，他表示：「香港一直缺少一個真正的Beach Club標誌性地標。今次我們與Soho House強強聯手，不僅讓這項大獲好評的夏日企劃強勢回歸，並帶來規模更盛大、內容更精彩的全新升級體驗！ 每星期將有不同人氣派對品牌同城中知名DJ輪流登場，加上本地和海外得獎餐廳及酒吧駐場舉辦主題之夜，我們期盼藉此為淺水灣注入全新活力，吸引更多海內外旅客，家庭及年輕客群到訪！ 」
6人對Soho Beach Club at The Pulse 讚不絕口。
更在粉紅打卡Poolside bar享用Soho House精選美食及夏日特飲。
關智斌欲辦粉絲「爆汗特訓班」 女團後輩Carina即場邀約師兄合作
最近忙於籌備新歌同演唱會的關智斌（Kenny），表示今天難得寓工作於娛樂，更瞬間激發新Idea：「近排太忙未有機會放假旅行。不如索性喺度舉辦個『斌菲特訓運動班』Summer Beach Club 派對！作為運動狂人，我一定會邀請fans一齊嚟個小型運動challenges，同大家一齊爆汗操fit 迎接Summer！」
Kenny欲辦粉絲「爆汗特訓班」，在旁的Angus聞言即大膽向師兄「挑機」。
站在身旁的「好動寶寶」楊天宇（Angus）聞言即大膽向師兄「挑機」：「Kenny搞體能特訓點可以少得我？我平時操得咁辛苦，正好可以同大家一齊喺呢度Battle下！不過操完爆汗之後，我最想試下呢度嘅Ice Bath（冰浴體驗），聽講可以極速消暑同修復肌肉，絕對係男士們嘅終極挑戰！」
在旁的VIVA成員Carina聽到後興奮接話：「我哋新歌就快推出，超有韓團夏日舞曲feel。上次見Kenny學Oppa跳舞超正！我想力邀佢同我哋組成夏日小隊出首合唱歌，之後再去淺水灣呢個Beach Club、西九草地等戶外場地快閃表演！相信肯定會擦出好多火花，好期待！」
Carina及海兒表示Beach Club隨手一影都是時尚大片，絕對會在社交媒體掀起洗版熱潮。
陳家樂自封「陪玩專員」 現場𢱑「暖男包場價」冧妻女
剛入組拍攝陳茂賢導演新片《一九七一》的陳家樂，提起寶貝女兒隨即一臉幸福：「拍戲雖然忙，但女兒永遠係第一位。囡囡上星期生日，我哋原先想帶佢去海灘玩水，但因為落雨無奈cancel。今日同成班同事一齊玩，覺得呢度超啱一家大細度假！小朋友可以玩泡泡、充氣樂園，玩完天台仲可以落沙灘玩沙，我當之無愧負責陪玩啦！至於太太（Shiga）女子組，就可以喺粉紅打卡Poolside bar食嘢傾計，減下湊囡同工作壓力！」說罷，家樂即發揮「幽默本色」，轉身問Alex同Sheron可否給他一個「暖男價」去預訂私人派對，逗得全場大笑。
陳家樂自封「陪玩專員」，笑言希望獲「暖男包場價」冧妻女，逗得全場大笑。
海兒讚歎彷如「港版峇里島」瘋狂打卡何佩瑜力推海景Pilates重置身心
一向熱愛在社交平台分享生活的海兒（Hedy），甫到場已被現場的唯美海景吸引，隨即「相機食先」瘋狂拍照。她對環境讚不絕口：「呢度整個視覺美感真係無敵，好似瞬間飛咗去峇里島嘅頂級海灘俱樂部！180度無敵海景、夢幻嘅粉紅水池，再配埋黃昏嘅Golden Hour夕 陽，隨手一影都係時尚大片，絕對會喺Social Media掀起洗版熱潮！我已經諗定要著最靚嘅度假風長裙再嚟瘋狂打卡。」
海兒讚歎現場仿如「港版峇里島」，笑稱要搜購最靚的度假風長裙再訪Beach Club瘋狂打卡！
近來非常熱衷研究健康飲食同鐘意曬太陽的何佩瑜（Jeana）也對冰浴躍躍欲試，更笑言：「我之前喺外國已經好想試Ice Bath，估唔到淺水灣天台都有！呢度仲可以一邊睇海景、一邊做Pilates、瑜珈，簡直係女仔嘅排毒美顏天堂。我一定會約埋班friends，一邊聽Live DJ、一邊嘆住Poolside雞尾酒，喺度度過一個超Chill嘅日光下午。」
何佩瑜則大力推薦海景Ice Bath及Pilates課程，笑稱這裡簡直是女仔排毒美顏天堂。
主辦方透露，這場VIP預覽派對只是盛夏序幕，接下來「Soho Beach Club at The Pulse」將陸續公布更多重磅音樂派對陣容、多元娛樂活動以及限時主題餐飲體驗，勢必成為全港今夏最矚目的潮流朝聖地！
