「香城一姐」張錦霞內衣廣告玩移花接木 索爆女神梁庭欣真身弗爆上陣

有「香城一姐」之稱的張錦霞憑其豐滿身形，近年經常獲邀參與ViuTV劇集和電影演出，更將於10月份再參演舞台劇，作多棲發展，果然人氣爆燈。霞姐經常予人豪邁直率的形象，近日竟然接到內衣廣告，短片一推出震驚IG，網友紛紛留言大讚「好索」。霞姐沒想到網民愈來愈「重口味」，她搞笑稱：「MIRO Bra呢間公司真係好痴線，搵我拍內衣廣告本身已經好瘋狂，但最痴線一定係著完佢地嘅內衣，真係大癲！」

有「香城一姐」之稱的張錦霞近日接拍內衣廣告，與索爆女神梁庭欣合作。

片中她被老闆睇中，身穿「綠幕」造型包到實，導演將梁庭欣的性感身材Key到自己身上，玩「移花接木」。

片中，霞姐被內衣品牌老闆睇中，身穿全身的「綠幕」造型，跟另一位索爆女神梁庭欣一齊拍攝廣告，庭欣跟「包到實」嘅霞姐剛剛相反，穿上性感內衣造型，將完美線條嘅Body表露無遺，霞姐望實對方身材，禁不住笑言：「呢個老闆直情係『港版暴龍哥』，鍾意重口味，佢竟然叫導演將庭欣個身Key落我身上面，咁樣移花接木，真係得咩？」她表示「綠幕」造型都好「蝦人著」，「其實接完廣告之後，真係有乖乖去著佢哋內衣，將我旁邊贅肉都包得好好，胸形都好睇好多，如果唔係真係會變成一隻超立體嘅肥糉咁…哈哈哈！」兩人最終「合成」成果到底如何…似乎要留待下一集！

相關影片可以按以下畫面觀看：

影片連結：https://youtu.be/zQWndMoWpfg?si=YfzpGHD9naQPusVy>

霞姐搞笑稱：「呢個老闆直情係『港版暴龍哥』，鍾意重口味。」

至於「真身上陣」的梁庭欣則弗爆上陣，獲網民大讚。

至於梁庭欣「真身」上陣，一向是運動健將的她較早前在電視節目足球真人騷中演出已經被網民瘋狂搜尋，今次挑戰性感尺度，以內衣上陣，身形弗到漏，她表示拍攝前都有一定的準備功夫，「拍攝前一個星期都一定要少少節食，好怕拍攝嗰陣凸個肚腩仔出嚟呀嘛，好彩自己一向鍾意運動，所以都好努力保持住體態，（有冇清場？）冇喎，咁多年模特兒工作都習慣咗，我著住套內衣全場走來走去，已經唔識得怕醜，加上今次內衣品牌令到胸部更加集中，副乳、鬼祟肉都包到好靚，拍攝時都特別有自信心。」

霞姐又自嘲綠幕造型「蝦人著」，若無品牌內衣包好贅肉，會變成一隻超立體的肥糉。

由Why Show Serious主辦，鄧智堅編劇及執導的舞台喜劇《辦公室劇后》，以貼地幽默方式呈現 OL 的職場生存亂象。今次邀得舞台劇后劉雅麗、演藝學院高材生梁嘉琪、HOY一姐盧頌恩（妹頭）、香城一姐張錦霞（阿霞），以及搞笑能手張翼東、蘇育輝，一同打造全新喜劇《辦公室劇后》。作品以共鳴化為笑聲、以淚水化為幽默，將於今年10月23-25日、27-31日，晚上8時假香港藝術中心壽臣劇院開心上演共8場。門票將於7月13日正午12時起於KLOOK售票平台公開發售。

由鄧智堅編劇及執導的舞台喜劇《辦公室劇后》，將於10月23日起在香港藝術中心壽臣劇院上演8場。

劇后劉雅麗聯同梁嘉琪、HOY一姐妹頭（盧頌恩）及「香城一姐」阿霞（張錦霞），以貼地幽默方式呈現OL的職場生存亂象

導演兼編劇鄧智堅表示，故事表面描寫辦公室現象，其實是每位女主角的內心小劇場。他說：「無論返工定係生活，用劇場去呈現內心嘅小劇場，係最切合主題、亦最好玩嘅地方。今次所有演員都好有幽默感。」

導演鄧智堅指故事表面寫辦公室，實為女主角們的內心小劇場。

劉雅麗在劇中飾演勁mean高層主管，正是導演口中的「老屎忽」。她笑言：「角色有啲似我，鱷魚頭、老襯底，平時啲人睇我個樣以為我好惡。今次同呢班人合作好新鮮，我最大挑戰係我好少做喜劇，今次係輕喜劇，希望俾大家見到我另一面。」

劉雅麗演「勁mean」高層。

梁嘉琪演過氣名星轉行。

梁嘉琪坦言舞台劇演出經驗不多，今次飾演一名過氣名星，轉跑道到辦公室工作的內耗低層，她說：「自己一直都好期待演舞台劇，同鄧智堅導演認識 30 年，但未正式合作過。我畢業後參與舞台劇嘅機會唔多，所以好期待今次班底，自己都好緊張。對我嚟講，我係舞台劇新人，角色係一個轉換跑道搵人生目標嘅人，我都有問導演係咪就住我寫呢個角色。」她笑言自己一定唔適合喺辦公室同人相處，但今次可以喺劇中一試。

妹頭首演舞台劇。

阿霞圓夢與偶像同台。

首次演出舞台劇的妹頭，今次飾演雙面助理兼單親媽咪角色，她說：「現實中我唔係婆媽嘅人，我係會直接講。」她驚喜透露：「導演搵我真係喜出望外，本身我同佢唔認識，但嗰刻我好想做舞台劇，結果一拍即合。我一直都有舞台劇夢想，細個已經係戲劇學會，攞過學校獎項，但出嚟之後冇試過做舞台劇。今次同所有演員都未合作過，淨係有時同霞姐撞吓樣，好期待今次演出。」

搞笑擔當阿霞飾演扮工使者，演出叫人期待。她說：「今次有前輩搵我，真係好開心。我以前細個喺 CD 舖做 part-time 嘅時候已經睇佢哋嘅舞台劇 DVD，知道可以一齊演真係好興奮，期待大於緊張。之前喺演藝課堂認識咗梁嘉琪，好期待同大家合作，特別係劉雅麗姐姐。我返去同阿媽講，佢都勁開心。」

門票7月13日起KLOOK發售。

KLOOK訂票連結：https://s.klook.com/traumaqueen

故事簡介
過氣女星轉型到辦公室工作，遇上Free Rider 同事及Mean爆上司，尋找自我價值時，發現大家不只是職場雙面人，而是千面Drama Queen。玩轉職場女性「講不出聲」的話，以「劇場」展現她們的「內心小劇場」。 假如「職場」是宮鬥劇；「成長」便是恐怖片，讓我們成為Trauma Queen！