Now TV新聞日前（4日）訪問一位由重慶來港旅遊的閻小姐，原本是一段普通街訪，點知因為字幕出錯，意外在社交媒體洗版。
由重慶來港旅遊的閻小姐一夜爆紅
閻小姐本來想表達香港「既有城市亦有海邊」，大讚城市多元又好玩，但節目出街時，字幕竟然變成「香港是舊城市」，意思完全走樣，隨即引起網民爭論。更尷尬的是，連佢嘅姓氏「閻」都被誤寫成「嚴」，可謂「雙重出錯」。
受訪片段中雙重出錯
事後閻小姐即刻於社交平台發文澄清：「其實我說的香港既有城市又有海邊但是字幕配成了『舊』 香港這麼有趣好玩我怎麼可能說HK舊！」語氣無奈又帶點搞笑。
事後在社交平台發文澄清
不過事件反而令佢人氣急升，一夜之間爆紅，短時間內多咗約2000名粉絲關注。佢之後亦積極同網民互動，分享自己喺香港同澳門嘅旅遊照片同影片，仲預告會上載vlog，變相由「被訪者」升級做旅遊分享KOL。
短時間內多咗約2000名粉絲關注
唔少網民都留言大讚佢外表甜美，加上性格率直，成功圈粉。今次「字幕翻車」，反而變成一個意外嘅爆紅契機。
有「香城一姐」之稱的張錦霞憑其豐滿身形，近年經常獲邀參與ViuTV劇集和電影演出，更將於10月份再參演舞台劇，作多棲發展，果然人氣爆燈。霞姐經常予人豪邁直率的形象，近日竟然接到內衣廣告，短片一推出震驚IG，網友紛紛留言大讚「好索」。霞姐沒想到網民愈來愈「重口味」，她搞笑稱：「MIRO Bra呢間公司真係好痴線，搵我拍內衣廣告本身已經好瘋狂，但最痴線一定係著完佢地嘅內衣，真係大癲！」
有「香城一姐」之稱的張錦霞近日接拍內衣廣告，與索爆女神梁庭欣合作。
片中她被老闆睇中，身穿「綠幕」造型包到實，導演將梁庭欣的性感身材Key到自己身上，玩「移花接木」。
片中，霞姐被內衣品牌老闆睇中，身穿全身的「綠幕」造型，跟另一位索爆女神梁庭欣一齊拍攝廣告，庭欣跟「包到實」嘅霞姐剛剛相反，穿上性感內衣造型，將完美線條嘅Body表露無遺，霞姐望實對方身材，禁不住笑言：「呢個老闆直情係『港版暴龍哥』，鍾意重口味，佢竟然叫導演將庭欣個身Key落我身上面，咁樣移花接木，真係得咩？」她表示「綠幕」造型都好「蝦人著」，「其實接完廣告之後，真係有乖乖去著佢哋內衣，將我旁邊贅肉都包得好好，胸形都好睇好多，如果唔係真係會變成一隻超立體嘅肥糉咁…哈哈哈！」兩人最終「合成」成果到底如何…似乎要留待下一集！
相關影片可以按以下畫面觀看：
影片連結：https://youtu.be/zQWndMoWpfg?si=YfzpGHD9naQPusVy>
霞姐搞笑稱：「呢個老闆直情係『港版暴龍哥』，鍾意重口味。」
至於「真身上陣」的梁庭欣則弗爆上陣，獲網民大讚。
至於梁庭欣「真身」上陣，一向是運動健將的她較早前在電視節目足球真人騷中演出已經被網民瘋狂搜尋，今次挑戰性感尺度，以內衣上陣，身形弗到漏，她表示拍攝前都有一定的準備功夫，「拍攝前一個星期都一定要少少節食，好怕拍攝嗰陣凸個肚腩仔出嚟呀嘛，好彩自己一向鍾意運動，所以都好努力保持住體態，（有冇清場？）冇喎，咁多年模特兒工作都習慣咗，我著住套內衣全場走來走去，已經唔識得怕醜，加上今次內衣品牌令到胸部更加集中，副乳、鬼祟肉都包到好靚，拍攝時都特別有自信心。」
霞姐又自嘲綠幕造型「蝦人著」，若無品牌內衣包好贅肉，會變成一隻超立體的肥糉。
