唱錢｜25歲陳永鑾直認「有啲窮」 為獎金豁出去 挑戰《矛盾一生》唱到現「缺氧臉」

由森美、Eric Kwok (郭偉亮）帶領Plan V成員李茵彤（Desta）主持、Eric Kwok擔任音樂總監的互動音樂Game Show《AlipayHK呈獻：唱錢》（英文名：Music Money Monster），逢周六晚八點半翡翠台播映。除了三位常規主持，陸浩明將聯同江廷慧、彭家賢、陳昊廷及侯雋熙主持直播間。

Disney係「世界合唱比賽冠軍級」人馬。

今集回歸素人版，挑戰者是頂着「世界合唱團冠軍」光環的25歲音樂導師陳永鑾（Disney）。Disney音樂背景亮眼，但她對自己的評價卻出奇坦白，賽前直認為獎金而來：「我覺得自己唱歌音準、拍子都還好，唯獨唔係幾好聽。同埋我有啲窮，想試吓睇吓攞唔攞到少少錢。」面對Sing盤形勢，Disney挑選Level 策略上偏向「循序漸進」型。

Disney為咗赢得獎金，賽前採取「溫書式」策略備戰。

Disney挑戰《我真的受傷了》小動作多多，極搶Fo。

備戰出奇招
在備戰方面，Disney用非一般方法，像學生一樣採取「溫書式」策略，賽前研究過往集數預測歌單，企圖找出出題規律之外，更為歌曲寫下詳細筆記，她表示：「為呢個節目去聽去學」、「我有寫好多筆記」、「盡量跟」，視比賽當成考試般應付。

Disney喺挑選Level 策略上偏向「循序漸進」。

睇得出Disney好緊張，挑戰《矛盾一生》未唱先認輸。

在挑戰過程中，Disney面對兩首截然不同，但同樣充滿折磨的歌曲。在挑戰K歌《矛盾一生》時，賽前的她未唱先認輸：「呢首歌彈出嚟，我心諗死梗啦！」《矛盾一生》難唱之處，在於氣息運用及情緒張力控制，極具考驗歌手音域靈活度。缺乏信心的Disney在演唱時神情明顯緊張，全神貫注望着螢幕上的「旋律Bar」，演唱時表情多多，一度唱到「臉容扭曲」，甚至唱至高音位時出現「缺氧臉」，音準部分亦出現多次大波幅，音樂系統上顯示多個「紅Bar」，Eric Kwok都替她感到緊張：「攞咗佢條命。」

至於在挑戰《我真的受傷了》，則是另一種痛苦。Disney賽前形容這首歌的拍子極具困難：「拍子好似一樣又好似唔一樣，好難捉摸。」《我真的受傷了》常因「弱起拍」及「切分音」問題，導致歌手難以捉摸。在演唱時，Disney小動作多多，不時「拍頭」、「摸肚」及「揸實拳頭」，足見其心理壓力非常之大，甚至在關鍵時刻被「WARNING」警號追殺，成績相當危危乎。

挑戰《矛盾一生》唱到「臉容扭曲」及現「缺氧臉」，呢首歌真係好難呀！

Eric Kwok 都替Disney感到緊張。

台上小動作多多
另外，在《唱錢》舞台上，Disney最搶眼的，不是唱功，而是一連串令人側目的小動作，「拍頭」、「摸肚」、「摸臉」、「搖頭」樣樣齊，森美忍不住笑言：「你啲動作好似感覺到你好辛苦，好似患重病，你OK㗎嘛？」相當搞笑。Disney這些看似古怪的舉動，背後其實是一種「身體自我急救」，她表示：「敲返啲音準返嚟」、「招返個魂魄返嚟」，每個小動作看似滑稽，卻是Disney在舞台上維持專注力的最佳方法。到底「溫書式」備戰法再加上「小動作急救法」，能否助Disney成功闖關呢？敬請密切留意《唱錢》。

無綫處境劇《黃道益活絡油呈獻：愛·回家之三代同糖》（下文簡稱《三代同糖》），由羅永賢（Marco）監製，馬俊縈編審，馬俊縈、謝浩洋、潘逸豪執行監製，逢周一至周五晚八點翡翠台播映。

Hugo出場畫面型到炸裂，靚仔到不得了。

Desta「心心眼」，展現情竇初開一面。

Arthur呢個「宅男Look」令人印象深刻。

昨晚（10月8日）及今晚一集，將接連播出圍繞唐芯（李茵彤Desta飾）恨出Pool為主題的「芯上人」及「不再上『芯』」。兩集劇情講述開始憧憬拍拖的唐芯，在校園邂逅「歷史系系草」Aska（黃奕斌Hugo飾）並被深深吸引；為了脫單，芯芯在好姊妹漢娜（胡敏芝飾）幫助下，由「男仔頭」蛻變成「少女芯」…正當芯芯與Aska有望發展之際，中途卻殺出「宅男」Oscar（施焯日Arthur飾），到底芯芯最後與這兩位男同學會有甚麼火花呢？

Arthur同Desta一齊去睇戲，Arthur個樣好傻喎！

Arthur同Desta一齊去睇戲，Arthur個樣好傻喎！

同女仔睇戲咁開心，Arthur個樣冧爆。

這兩集，Desta的花漾少女Look及Man爆力「手拍曱甴」行徑值得關注，引起不少網民激讚：「着一字膊嘅衫好好睇，有少少性感」、「有化妝靚好多」、「終於化個靚妝」、「芯芯原來可以咁靚」。兩大男神Hugo及Arthur的降臨亦為劇集增添不少火花及喜感。先說「屈機型」校草Hugo，他打籃球登場畫面本身已型到炸裂，及後一招「陽光笑容」及「英雄救芯」，心動指數爆燈。至於Arthur造型雖然薯頭薯Look又有點「Kam」，但勝在夠晒可愛兼喜感十足，每次只要出場必定帶來連場歡笑，難怪成功惹起關注。

Arthur錫Desta面珠。

Desta怒摑Arthur，而且係真打。

Desta怒摑Arthur，而且係真打。

Desta穿衣打扮同行為舉止勁麻甩，「手拍曱甴」一幕勁Man。

今晚（9日）一集重頭戲，是Aska室友Oscar因誤會芯芯喜歡自己，更向對方送上深情一吻，結果慘遭芯芯怒摑。Arthur接受官方訪問，談到怒摑戲碼時，他坦言是「真打」，而且聲浪更是相當響亮：「拍攝前冇特別排練，一嚟就真打，響到我眼尾見到所有幕後同事都O晒嘴。」Arthur笑指Desta打完他後，她亦被自己的「孔武有力」嚇一跳，更一度震驚至忘記對白，十分搞笑。

Arthur嘅「宅男Look」毫無違和感。

Desta轉Look，秒變「粉紅女神」吸睛。

Desta喺Hugo面前扮柔弱，非常爆笑。

呢個畫面好甜。

顏詩宇飾演童年版唐芯。

至於Desta受訪時坦言當時拍攝非常緊張：「呢一場戲係我入行以嚟第一次拍劇，係要同時摑人同被人錫面珠，所以當時都幾緊張。」她透露拍攝當日不太懂得控制力度，但導演建議與其拍多幾take，倒不如狠狠地一take過完成。未料拍第一take，Desta都被自己嚇驚：「第一吓我感覺到我大力咗，跟住我感到好抱歉，之後就要重拍好似一、兩次，先順利完成。」事後她不斷向Arthur道歉，還說要請對方飲嘢。Desta笑言經過今次之後，原來連打人的力度同位置都要學習，希望下次再拍類似場面時會打得更好。