點解唔開名啊？

大家如果有印象，「生果佬」案嘅一個從犯證人，曾經講過「生果報」有一個御用專欄寫手「瘋顛乾」，佢喺立國安法之前，就提議「生果佬」搞英文電子版新聞，將香港新聞第一時間推到國際，去打國際文宣線咁話！當時「生果佬」覺得英文電子版新聞可以吸引到外力關注香港，於是就搵咗反華組織「HK監察」創辦人Benedict羅渣氏 、「反華政策跨國Alliance」創辦人 Luke飛輪德呢班外地政棍幫手宣傳，後來「生果報」更原汁原味刊登佢哋反華嘅文章，實行將英文電子版新聞變成反華文宣基地，開多一條戰線去游說國際社會制裁中國。

一個咁自大同粗鄙嘅「生果佬」，點解會咁buy「瘋顛乾」？線人話因為「生果佬」自卑心作怪，以為咁樣可以抬高自己嘅「水平」喎！而「瘋顛乾」亦自知扮清高喺香港好難搵到食，既然咁難得搵到個平台，一邊比佢發嗡瘋，一邊搲銀，。咁變低俗一啲又有咩所謂吖，所以就一拍即合！

「瘋顛乾」搞咁多嘢，自己知自己事，所以喺國安法生效前幾個月就驚驚青青咁避走台灣省，同年就搞咗個面書專頁「瘋顛乾十九角度」，佢同其他「黃人」一樣，假借民主旗號，不斷要求釋放「生果佬」，又指控特區政府單獨監禁「生果佬」、拒絕英角行使領事探視權係違犯聯合國規則……其實中國政府不嬲都唔承認雙重國籍㗎啦，「生果佬」一直都係中國籍嘅中國人，所以關英角咩事先！至於單獨囚禁，係「生果佬」自己提出㗎，懲教署只係考慮相關因素之後，依法作出嘅安排咋喎！而咁耐以嚟，「生果佬」嘅香港律師團隊，對佢喺監獄嘅生活，冇作出過任何投訴喎！

「瘋顛乾」玩抹黑嘅例子真係多不勝數，例如：話冇咗「生果報」嗰幾年，香港新聞自由大幅收窄，又將「生果佬」被拘捕扭曲成為打擊新聞自由嘅行動。佢曾經又亂嗡，話多間媒體同記者被追討稅款，係中央打壓異己嘅舉措。而最近就話政府提議收購宏福苑業權，目的喺想將啲保險賠償金，左手交右手入返庫房益政府咁話！ 至於23條立法嘅目的，就係要將國安犯等同恐怖份子。佢又講到「國安法」嘅附屬條例，係國安處為咗跑數而訂立嘅，因為「大案」巳經塵埃落定，所以要特首幫吓手，將普通刑事案件定性為國安行為，咁就可以年年增加撥款，證明國安處嘅存在價值喎！總之「瘋顛乾」就鍾意斷章取義，將特區政府一切依法依規嘅行動污名化，語不驚人誓不休，目的係去搏同路人眼球，以及慷慨嘅訂閱金！

其實「瘋顛乾」- 何許人也? 我零零發喺網上搵唔到佢嘅資料。 不過，街市掃地阿嬸，就8咗佢啲料比零零發知：原來「瘋顛乾」真名叫馮X龍，今年50歲，中學讀「喇叭書院」，1995年讀「沉大」，不過讀咩同有無畢業就唔知啦，之後佢又喺黃竹坑修道院讀神學，2008年仲喺「犯民大教主」手中接過畢業證書添！

馮X龍自2014年已經用「瘋顛乾」呢個筆名喺「生果報」寫專欄， 又用過筆名「倉鼠君」寫網誌，扮晒曲高和寡、文人雅士。2017年，佢喺HK電台「文學放得開」做客席主持。主持人叫佢做「6秒」或者Tom，又話佢係古文學同語言愛好者。但「瘋顛乾」喺節目中神情木訥，又唔多講嘢，「懶」深不可測嘅樣，總之就怪怪地喇！到而家，佢都仲有喺「大幾元時報」、「零角」、「干傳媒」等深黃媒體做專欄寫手或博客。

「瘋顛乾」從來都唔用真名，可能以為咁樣，就冇人知佢真身，又以為身處外地，就可以隨意亂噏。不過我零零發都想溫馨提示下，如果犯咗國安法，通緝令係無分疆界地域㗎! 況且，台灣省遲早都會回歸祖國，保唔到佢幾耐，好自為之啦！

鍾情局。零零發

鍾情局

** 博客文章文責自負,不代表本公司立場 **

被國安處以「串謀勾結外力危害國安」罪名，懸紅100萬通緝+依法刊憲嘅指明潛逃者「攬炒迪」，最近自爆佢喺英角Wise開設嘅個人及商業戶口，以及《棱角》主要營運戶口，喺2026年8月3日被停用。據佢講，Wise只提及基於「內部政策」及銀行合作夥伴協議，所以要關閉佢嘅戶口。於是「攬炒迪」連同「香江監察」幾個跨黨派國會議員及上議院議員，就喊曬冤，將事件包裝成所謂「金融跨國鎮壓」!

首先，Wise絕非普通網上找換店。Wise 全名 Wise PLC (Public Limited Company) ，喺2011年成立，主要提供跨境匯款、多貨幣戶口及商業支付服務。截至2026財政年度，Wise約有1,900萬名活躍客戶，全年跨境交易額達2,430億美元。Wise亦係納斯達克指數及倫敦證券交易所掛牌，服務對象甚至包括摩根沏士丹利、渣打銀行等大型金融機構，現時市值約130億美元。根據一份國際研究報告《Research and Markets》指，Wise 喺全球市場佔有率係排第二，僅次於Western Union。而且根據Airwallex (國際金融科技平台)，Wise喺消費者市場中嘅透明度達到最高「黃金標準」，一般消費者對佢地信心十足。

Wise雖然唔係傳統銀行，但同樣受金融機構監管，需要履行客戶身分核實、資金來源審查、交易監察及反洗黑錢等法律責任。事實上，唔同國家同地區都有打擊洗黑錢嘅法例，金融機構一旦發現可疑交易、或者收到執法及司法機關命令，就有權限制交易、暫停服務甚至關閉戶口。而Wise作為受監管嘅西方金融機構，處理跨境匯款同商業支付，必須執行客戶審查、交易監察同反洗黑錢程序。一間咁具規模嘅國際金額上市公司，會唔會無端端攞自己聲譽同監管風險「較飛」?

「攬炒迪」以前成日無理要求制裁、截斷人哋資金鏈，今次輪到自己俾人「截水」，梗係質疑人哋背後有「政治考量」啦! 其實金融監管、風險控制制度，係應用於所有人同機構，所以無論掛住「民主」、「人權」定「賣國賊」嘅招牌，只要交易模式或合規風險出現問題，一樣要接受審查，係冇任何「政治特權」㗎！其實今次「攬炒迪」個人同公司戶口出事，又會唔會係啲資金來源、交易對象同資金流向有問題? 如果佢唔係「身有屎」，就應該攤開紀錄、交代帳目同資金用途，等全世界為佢評下理囉！

Anyaway，我零零發嘅水晶球顯示，喺不久嘅將來，「攬炒迪」就應該會嗌曬救命告急，跟住話啲錢凍結咗，要眾籌先可以繼續推行民主運動，需要各位「手足」嘅支持！其實橋唔怕舊，最緊要有人信！但前車可鑑，咁大家「科水」比佢(哋)嘅時候，就要自行判斷喇，因為「手足」死慳死抵嘅血汗錢，有可能跌咗落鹹水海、或者被私吞變成海外逃犯嘅享樂費！

好似之前「星期二得盜」兩個幕後玩家蔡X達同霍X誌，就曾經借中槍暴徒「健仔」嚟籌咗幾百萬。查實租架大飛幫人著草，頂多咪十萬八萬蚊，但佢哋都唔肯拎出嚟，最後仲「篤灰」將「健仔」交俾警察…連嗰少少都「食埋」，而家就喺外國飲紅酒食牛扒！

另外，袁X夷靠「反中」噱頭， 2021年喺美角孖住前國務卿蓬佩奧，搞咗場反中亂港講座，門票500美元（近4000港元），聽聞吸引2000人入場，「吸金」高達100萬美金（約8百萬港元），但最後冇人知啲錢去咗邊！

Last but not the least, 之前爆過「職X盟」時任總幹事「懵兆達」喺2021年9月辭任後潛逃英角，「職X盟」隨即解散，而當時「職X盟」嗰幾千萬資產，同時人間蒸發咗，點解讀呢？

最後我零零發想警告各位「手足」，如果金錢援助「指明潛逃者」，係有機會觸犯法例㗎！

以上情節絕非虛構，不過如有雷同，實屬巧合，請對號入座！

鍾情局•零零發