社會事
香港人的日常飲食離不開果皮，無論是煲靚湯還是蒸魚，都少不了果皮的身影。一名港男近日在Facebook群組發帖，分享一輛汽車擋風玻璃下方竟擺放一堆果皮的照片，並好奇詢問「擺陳皮喺擋風玻璃入面有咩用？」帖文曝光引來網民熱議，有人笑言「真係變塵皮」，亦有人認為車主是在曬果皮，更有網民猜測是為了天然驅貓，笑指做法貼心又環保。
示意圖片
示意圖片
該名網友在Facebook群組「馬路的事討論區」撰文，指見到一輛汽車的擋風玻璃下方車廂位置竟擺放了一堆果皮，令他大感驚訝，不禁笑問：「擺陳皮喺擋風玻璃入面有咩用？」帖文一出即引來大批網民熱議，有人笑言「真係變塵皮」，亦有人猜測車主此舉其實用心良苦。
fb圖片
《愛回家》劇照。示意圖片
有網民搞笑留言指「陳皮寓意吉祥健康，擺陳皮可以防止擋風玻璃被石仔整傷，應該係，除非唔係」，亦有網民大讚「正呀，成車都係果皮味」，更有人反問「曬果皮呀，唔擺喺度，擺邊度？」不過最多人猜測的，是車主可能為了驅貓，認為使用天然果皮對貓無害，做法夠晒貼心。
AEON永旺百貨多年來因為「顧客心聲」留言區的店長親筆回覆而屢屢成為網絡熱話，這次又有一宗令人哭笑不得的投訴在網上瘋傳。一名女顧客因為被年約50多歲的店員稱呼做「姐姐」而感到不悅，憤而「寫紙仔」投訴，結果再次勞煩店長出手，以高情商（EQ）回覆化解一場公關危機。
近日有網民在Facebook群組「AEON Stores 關注組」分享一張照片，可見一張署名「Miss Yeung」的投訴紙，據了解張貼於AEON九龍灣店，日期為8月24日。這位女顧客在投訴中先禮後兵，表示「覺得D staff可以有禮貌d」，又大讚「以前行開藍田（分店）d staff好好人，好nice」，雖然「其實呢度啲姨姨都nice」，但重點在於「唔建議叫人『姐姐』，呀姨睇落50幾歲，做得我呀媽有凸，但嗌我姐姐，我真係嚇親同埋會覺得冇禮貌」。
示意圖。AI生成圖片
面對這位客人的不滿，店長在5天後親筆回應，先為「同事的待客態度及對顧客的稱謂而令閣下不悅，深感抱歉」，並承諾「已通報各同事盡量以Miss或小姐等沒太大輩份的稱呼」。店長更坦言「姐姐」其實是稱呼上的「舊習」，並幽默地補上一句「日後如有再犯，實屬久久積習，一時三刻未能改掉，敬請見諒」，字裡行間盡顯無奈之餘又不失大方得體。
示意圖。AI生成圖片
示意圖。AI生成圖片
帖文曝光後隨即引來大批網民熱議，不少人批評該投訴根本是無理取鬧，同時再度激讚店長以「神回覆」化解事件。有網民直言「x客何其多」、「投訴之都」，亦有人認為「叫小姐咪一樣，要投訴始終會投訴！唔滿意可以不幫襯」，更有人建議「叫靚女算啦」
。不過亦有網民為店員抱不平，指出「尊重才叫聲姐姐，唔通唔靚叫靚女咩」、「姐姐很有禮貌不明白有什麼好投訴，難到要叫妹妹嗎」，更有人發現投訴者本身稱呼店員做「姨姨」，反問「但佢又嗌啲職員做姨姨，人哋都可能好介意呢」。此外，亦有網民錯重點，大讚「店長手字好靚」，令這場投訴風波增添不少花生味。
