大家好心就少講齊昕病情

特首梁振英太太梁唐青儀出席女童軍活動時， 主動向記者提及其女兒梁齊昕的問題， 批評民建聯立法會議員李慧琼日前指「齊昕病情差、 與母親關係不好是事實」的言論非常武斷，表示遺憾。

梁太在活動後主動走近記者話，指梁齊昕健康狀況很好。她表示不方便透露齊昕是因為甚麼原因入院。梁太批評李慧琼，「 李慧琼發表言論之前一個星期，我同佢共過餐飯，亦向佢表達過齊昕嘅健康狀況係好好嘅，我從來無同佢透露過齊昕嘅病情，佢根據片面嘅認知下啲咁武斷嘅言論呢，我係表示遺憾嘅」。

梁太又話：「 我相信梁特首絕對唔會評論我地嘅家事同埋他仔女嘅健康狀況，相信係李議員一己私下揣測。」

梁唐青儀在2014年亦曾公開批評蔡子強評論梁齊昕健康的文章涼薄、冷血。政壇人士話，在家長眼中，子女是私人事，不想向外界交待，對其他人評論自己子女的情況亦會好反感，即使政治人物亦如此。所以各大政黨、政團人物，好心就少啲評論齊昕的事，俾番啲空間俾人地。

Ariel

** 博客文章文責自負,不代表本公司立場 **

放假無乜新聞，見到勞工及福利局局長張建宗趁假期靜靜地發表網誌，話本屆政府十分重視基層兒童福祉，強調「一個都不能少」。

張建宗網誌圖片

網誌內容一般般，但張建宗揀張相搶眼，相片是張建宗12月10日 出席兒童發展配對基金舉辦的聖誕頌歌節時拍的，相中除了有可愛的小朋友之外，只見張建宗旁邊的是兒童發展配對基金創會主席鄭慕智，再隔離係政務司司長林鄭月蛾。張相見到林鄭突出過張建宗，而張建宗反而在較暗的位置。

正在北京休假的林鄭是特首熱馬，張建宗假期都出網誌發吓相，仲開正林鄭最關心的福利範疇，都算盡心盡力，放聖誕假都唔hea 。

話時話如果林鄭做特首，張建宗係做政務司司長的熱馬，佢雖然已轉做問責官員，但如果照計年資佢最資深，擔櫈仔就應該排到佢啦。