政事
民陣元旦日發起遊行，訴求包括要求律政司撤回對4 名立法會議員的司法覆核，召集人區諾軒話，律政司用公帑入稟，干預立法會選舉結果，係政治檢控。又話，訴求係針對律政司行為是否恰當，非利用民意向法院施壓。
法律界人士說，區諾軒此說屬偷換概念，政治人物可向政府提供意見，但當官司已進入司法程序，排期審理時，餘下事情就應由法庭處理，任何人士嘗試干擾提出訴訟方，這次係律政司，或干擾法庭判決，都係向法庭施壓。
試想有幾萬人上街，律政司不撤控，法庭判決是否真不會受群眾壓力影響？法律界人士認為，案件已入稟法院，唔應該提出任何形式的政治訴求，遊行固然不對，如早前港大法律系副教授戴耀廷話想組織三百多名泛民選委，要特首候選人同意撤銷對四人DQ申請，才投票選他，都係干擾司法的行為。
法律人士說，港人珍視法治，唔應該以政治破壞法治，案件進入司法程序，就要由法庭處理。
Ariel
** 博客文章文責自負,不代表本公司立場 **
已宣布角逐特首的葉劉淑儀，接受明報訪問，講及中聯辦主任張曉明提議佢任立法會主席，令人懷疑曉明哥言下之意，係咪叫葉劉唔好選特首。不過明報引述葉劉話:「張主任無叫我唔好選。」
然後葉劉又講，自己唔中意處理議事程序，而做立法會主席唔能夠發表意見。佢又分析選委現在按兵不動原因:「怕得罪人」、「等指示」、及「買以為強勢的人」。佢話「攞名（提名）人人都有困難。」但認為中央無欽點，呼籲選委「不要看現在誰官職高」，便選擇支持誰任特首，「應看未來誰人最有能力領導香港」云云。
關於葉劉選特首，令人想起2012年一件舊事，話說有中央官員問起葉劉對特首人選的看法，當時唐唐及梁振英爭做特首，中央官員問佢唐唐適唔適合做特首，葉劉話: 「不適合。」官員又問: 「梁振英適唔適合? 」葉劉又話:「不適合。」中央官員再問: 「兩個都唔適合，咁邊個適合呢?」佢答:「我自己適合。」
呢個故事說明葉劉一如既往，四年前已經話自己適合做特首，唔想做立法會主席，佢並無變卦，所以政壇八卦友話，葉劉勝在夠堅持，無論道路幾艱難，佢都硬係要行落去。
