Coffee林芊妤把握36歲最後時光撇底老公仔女扮靚靚與閨蜜慶生

娛圈事

Coffee林芊妤把握36歲最後時光撇底老公仔女扮靚靚與閨蜜慶生

2026年09月21日 20:00 最後更新：20:18

36歲的林芊妤（Coffee）於2018年與圈外男友翟志榮結婚，翌年誕下囝囝翟德彥，去年11月初迎來二胎囡囡，榮升幸福的四口之家！Coffee今日（9月21日）迎來37歲生日，除了與家人慶祝，她昨日就趁36歲的最後一日，撇底老公仔女，和好友外出慶祝，好好享受屬於自己的Me Time。

View this post on Instagram

A post shared by 🧘🏻‍♀️C O F F E E L A M🧘🏻‍♀️ (@coffee89921)

Coffee精心打扮現身，一身銀白色Bling Bling吊帶短裙閃亮登場，大晒凹凸有致的好身材，完全看不出已是兩孩之母！她與一班好姊妹到餐廳慶祝，全程氣氛熱鬧開心，除了有美食美酒，眾人還為壽星女準備了兩層高、點綴多種寶石的心形蛋糕，儀式感十足！

點擊看圖輯

Coffee今日迎來37歲生日。

Coffee林芊妤IG圖片

影片截圖

Coffee林芊妤IG圖片

影片截圖

Coffee林芊妤IG圖片

Coffee感性道：「好好享受最後1日36歲，我哋經常都會感嘆時間過得太快自己又老左一年，但其實而家呢刻就已經係自己擁有最年輕既時間～老套d講句：活在當下呀～36歲已經得返最後十幾個鐘啦 wow!!!!!!好年輕心境，多謝我身邊嘅朋友每年都同我慶祝生日。

往下看更多文章

Coffee林芊妤為囡囡大搞1歲生日派對一家四口盛裝現身被朋友笑隆重過自己結婚

37歲的林芊妤（Coffee）於2018年與圈外男友翟志榮結婚，翌年誕下囝囝翟德彥（彥彥），去年11月初迎來二胎囡囡Rea，湊成一個「好」字，榮升幸福的四口之家！Coffee不時在社交平台分享湊B日常，轉眼間囡囡Rea已經1歲大，向來重視家庭的Coffee日前就為囡囡大搞1歲生日派對，熱鬧程度更比她當年結婚更為隆重！

Coffee當年只在親友見證下低調完婚，但對仔女的慶祝活動向來親力親為又費盡心思，今次囡囡Rea的1歲生日，她更是隆重其事！Coffee在IG晒出生日派對當日的照片，可見一家四口齊齊盛裝上陣，大仔彥彥全程對妹妹呵護備至，一家四口互動非常有愛。

View this post on Instagram

A post shared by 🧘🏻‍♀️C O F F E E L A M🧘🏻‍♀️ (@coffee89921)

面對朋友取笑「你個囡個1歲生日會仲隆重過你結婚嗰陣時」，Coffee毫不掩飾身為母親的驕傲與儀式感：「無錯呀，因為自從我8年前做左人媽媽之後，先知道慶祝小朋友既生日有幾咁重要，因為媽媽根本就係最神奇最偉大既魔術師，你哋諗吓呢件事幾咁神奇，小朋友嘅眼耳口鼻、所有器官、皮膚、血液、手手腳腳，全部都係我既身體入面由一粒蝌蚪開始做出嚟，佢地仲會隨着時間慢慢進化，雖然最後製成品都係成個我老公咁嘅樣。」

Coffee亦娓娓道出懷孕學哺乳的辛苦，「但究竟嗰九個月入面我身體經歷咗啲乜？根本就係打咗一場只有自己先知既硬仗，而且生完出嚟仲要繼續棉乾碎濕咁日湊夜湊，餵人奶又將自己所有骨膠原啊血啊精華奉獻晒俾佢地，真係諗起都覺得自己偉大到想喊，再加上過咗一歲就好似跨過咗一個大嘅關口，單純諗吓就已經覺得1歲生日好需要大搞特搞慶祝下，跟住再同自己講返聲，辛苦晒！我已經做得好好同好叻架啦！！！」字裏行間道盡由新手媽媽至成為兩孩之母背後的辛酸和感動。