違泊私家車遭3小巴「三面夾擊」包圍 網民：好有安全感！

整治車輛違泊問題，高手可能在民間。近日粉嶺山麗苑一輛私家車疑霸佔小巴站，竟遭3輛小巴合力前後夾擊，再從右面「封埋一邊」，形成「三面夾擊」 包圍奇景，想揸走都無從入手。事件曝光後惹網民熱議，紛紛笑言「第三架係用嚟寸佢」，更有人形容私家車「好有安全感」，其後更傳出遭管理處鎖車，令網民直呼「抵死」。

threads圖片

有網民於Threads發文並附上照片，顯示一輛白色私家車停泊在粉嶺山麗苑小巴站，結果被3輛小巴從前、後及右面重重包圍，封死去路，司機必須待小巴先駛走才有機會離開。事主指出，該白色私家車佔用了小巴車位，導致小巴無法泊車。

有網民分享違泊地盤的下場，笑言「寧得罪小巴佬，莫得罪地盤佬」。threads圖片

帖文高光引來大批網民留言，不少人直呼大快人心：「明顯玩X佢啦，又係抵X死」、「好有安全感，打10號風都冇怕」、「掂，想揸走都難」、「抄牌唔知抄幾多？」、「安全，唔會俾人偷車」、「3架小巴保護，一定係大人物」、「佢咁樣好有安全感，要收返佢保護費」、還有網民分享違泊地盤的下場，笑言「寧得罪小巴佬，莫得罪地盤佬」，亦有網友笑言，「好似玩緊呢啲game咁」。

有網友笑言，「好似玩緊呢啲game咁」。threads圖片

還有網民分析指「小巴一早開工，好可能懲罰唔到佢」，事主回覆「真係講啱咗」，並估計該私家車已被抄牌扣分。有目擊者則透露，該私家車後續被山麗苑管理處人員鎖車，「07:30都未走，管理處鎖咗車」。

請外傭最怕遇上「極品」，有網民分享外傭照顧家中狗隻的經歷，疑因對方懶得放狗，屋企竟累積約20篤狗屎，而僱主要求清理後，外傭更反過來指責「咁少事都要嘈」，甚至擅自決定放長假，令事主大感無奈。事件曝光掀起網民熱議，有人更擔心多隻狗交由對方照顧會有安全風險，慨嘆「畀錢買難受」。

示意圖片，非涉事外傭

事主在社交平台Threads以「工人姐姐」為題發帖，表示「尋晚返到屋企，4隻狗屙咗20篤屎」，心知不妙下翻查閉路電視，證實「真係冇放狗」。至翌日早上，事主質問外傭，對方直認「係，冇放」，並以「你話鬼節唔好出街」作為辯解。事主隨即反駁，指對方在鬼節期間明明「日日帶啲狗落街、行山，夜一夜都唔返屋企煮飯」，怒轟對方「宜家你講緊咩」，對其荒謬藉口感到極其無賴與勞氣。

示意圖片

示意圖片，非涉事外傭

更令事主氣憤的是，外傭竟反客為主發脾氣，大聲喝斥事主「你夠啦，我今日放假，咁少事你都要嘈，你平時成日好多要求，我都冇話過你」。事主直言「大佬，佢已經hea到乜」，並指對方平時「一日都唔使煮到一餐，淨係放狗、執屋，仲要都唔係真係好乾淨，我都冇嘈過佢」。事主最後向外傭下達通牒，表明如果想辭職就「俾一個月通知我，唔好喺度發神經」，並透露對方已「先斬後奏買咗機票放聖誕節假，逼我同意」。

示意圖片，非涉事狗

貼文引來網民熱議，大家一面倒力勸事主：「炒啦」、「直接賠錢炒」、「未經同意放假就係曠工啦，炒得」、「工人啲態度反應成個廢老公咁，咁多人質狗質喺佢手，最好換咗佢啦、「真係畀錢買難受」、「一係直接賠錢炒，一係和氣啲啦」。