阮嘉敏親力親為執貨𠝹傷手 Mandy：未來男友可以陪我一齊捱！

娛圈事

阮嘉敏親力親為執貨𠝹傷手 Mandy：未來男友可以陪我一齊捱！

2026年09月23日 13:28 最後更新：13:28

日前播出第三集《女神配對計劃2》後，阮嘉敏（Mandy）成為節目焦點，除淚灑拍攝現場外，更獲多位參賽者示愛，認真搶手！正當觀眾替Mandy愛情著緊時，她日前在社交網站出帖，記錄自己「執貨」外，更不慎𠝹傷手指：「因為呢排都要拍節目，所以搞到出貨有啲慢，依家節目正式開播都要追翻生意進度，所以返公司執貨、準備，都係整親少少而已。（有冇話比追求者知？）咁小事自己搞得掂啦！」

阮嘉敏（Mandy）除幕前演出外，近年積極進軍商界，推出及研發營養產品，屬圈中「小富婆」：「我距離『富婆』都仲有一大段距離啦，依家生意都算穩定，而公司又比好多節目我拍攝，兩邊雙軌進行！（每個月有七位數收入？）嘩！邊有啊！每個月大概六位數營業額啦，叫做自己可以養到自己、買到鍾意嘅嘢囉。」

點擊看圖輯

阮嘉敏（Mandy）在《女神配對計劃2》成焦點，獲多位參賽者示愛。

被問揀愛情定麵包，她霸氣說兩樣都要，若男友冇錢，願意一齊捱、一齊執貨，認為這也是愛。

更多相片

阮嘉敏（Mandy）在《女神配對計劃2》成焦點，獲多位參賽者示愛。

近年從商的她透露每月營業額約六位數，未敢自稱富婆。

她日前分享「執貨」時不慎𠝹傷手指，笑言小事自己搞得掂。

被問揀愛情定麵包，她霸氣說兩樣都要，若男友冇錢，願意一齊捱、一齊執貨，認為這也是愛。

Fans不時在Mandy社交平台追問，節目中她會揀「愛情」定「麵包」，Mandy笑言希望「兩者兼得」：「小朋友先要選擇，我兩樣都要晒，呢啲叫做『甜品』！呢幾年我都好好彩，除咗幕前演出之外，我嘅生意都養得起我自己，所以我唔需要揀麵包，如果一定要我揀嘅話，我應該係會愛情行先，如果我未來男朋友冇錢嘅話，咁我地一齊捱、一齊執貨，呢啲都係愛嘅一種。」

往下看更多文章

女神配對計劃2｜一文睇清16位求愛勇者！下一輪進軍「擺酒Mix魷魚遊戲」五角枱

由「金牌媒人」林盛斌（Bob）主持的TVB戀愛真人騷《Funki Finance呈獻：女神配對計劃2》，昨晚（9月20日）播出第三集，五位女神何沛珈（Roxanne）、阮嘉敏（Mandy）、陳若思（Amber）、俞可程（Kanis）及郭珮文（Juliana）完成撳燈挑選心水求愛勇者環節，根據昨晚播出的預告，下一輪女神們與求愛勇者們將進入五角枱環節，而開心溜進場的Amber形容感覺猶如擺酒＋魷魚遊戲，聽落都相當緊張刺激。

經過兩集的「女神撳燈」，共有16位求愛勇者誕生，（按所得燈數順序高分至低分排列），5燈勇者：吳兆麟Alan（Amber）、「內地短劇男神」吳旭東（東東）（Mandy）、「菠蘿包前度」俞鋆瑞Ice（Juliana）、譚梓樂Hepta（Mandy），4燈勇者：李爾晨Kyle（Juliana）、「健身界張天賦」林子朗（Amber）、「土味情話王」陳萬龍Man Lung（Mandy）、「木村2.0」劉梓堅（兔仔）（Roxanne），3燈勇者：「暖男大主廚」伍頌曦Preston（Juliana）、「甜品店老闆」侯建民Zico（Kanis）、「A0 CEO」林福明（未有心意相通女神）、吳俊峰Mark（未有心意相通女神），2燈勇者：「冷氣男神」方智弘Oscar（Kanis）、「野男」關經翰Oswald（Kanis）、「忘詞K歌王」劉宏偉Ares（Roxanne），1燈勇者：李韋標（丁標）（Amber）。