曹永廉承傳父風「拼命養家」性格捱出病 幸得太太一席話撿回健康之道

向來是圈中出名顧家好男人、與太太結婚19年、育有兩名子女的曹永廉（阿廉），為人父之後他亦深受爸爸的「家風」影響，就算面對影視寒冬，阿廉依然四出奔波打拼，最近他就與好兄弟內地巡迴演出，努力搵錢養活一家四口，不過為家人無私奉獻的背後，阿廉身體卻多次響起警號，最嚴重一次更是心血管出事要緊急入院，撿回一命的阿廉因太太一席話而改變人生，為健康重新出發。

曹永廉（阿廉）向來是圈中顧家好男人，受父親「用條命撐起頭家」影響。

即使面對影視寒冬仍四出奔波，早前更與好兄弟到內地巡演搵錢養家。

早前阿廉曾於社交平台撰寫一段感人的留言，感激父親為家庭無私付出，他說：「記得爸爸經歷生意失敗，屋企好窮，爸爸日頭做一份工，夜晚仲要返地盤，日以繼夜工作，一直為屋企搏命，但父親從來有病痛都唔會喺我哋面前表現出來，直至有一次我陪去醫院，先知道身體出了事，小時候唔識，大個先知，原來當時爸爸用條命撐起我地四兄弟。」到阿廉為人父之後，他亦深受爸爸的「家風」影響，「結咗婚、有小朋友，就要承擔起責任，把家人放在最前面。」

惟身體多次響警號，最嚴重一次心血管出事需緊急入院。

太太一句「你冧咗，我同兩個細路點算？」令他當頭棒喝，明白自己倒下才最不為家人着想。

為代言健康食品拍廣告 分享經歷
可是隨着年紀增長，阿廉身體毛病陸續出現，其中心臟問題更是最為嚴重，他說：「有次拍劇期間，覺得個心翳住唔舒服，之後做檢查發現有一條心血管出事，要做手術。」當太太知道後，難免非常擔憂，但她沒有責怪，亦沒有長篇大論，太太只短短說了一句：「你冧咗，我同兩個細路點算？」這一席話，令阿廉當頭棒喝，在身體響起警號後，他明白自己倒下來，才是最不為家人着想，「捱咗咁多年，到老嘅時候都想身體OK，可以享受一下！」

撿回一命，阿廉對健康重新審視，日前他為代言健康食品「樂道安宮牛黃丸」拍攝全新一輯廣告，除以過來人身份分享經歷外，他又勸勉大家要注意健康，特別是心臟問題，「心血管問題可以毫無預告。中年最常見係勞累、少睡、三高、有事唔講。有啲人一向有留意心臟問題、有啲人會諱疾忌醫，呢啲都可以用健康食品去幫助，加埋檢查就穩陣好多。」

撿回一命後，他為健康食品拍廣告。

以過來人身份呼籲注意心臟問題，勸大家勿諱疾忌醫。

無綫音樂節目《伯樂音樂學院20週年呈獻：J Music 》，今晚（10月3日）10點45分翡翠台播出。今集邀請了三位小生馬國明（馬明）、蕭正楠（阿蕭）、曹永廉（阿廉）擔任嘉賓，接受主持冼靖峰（Archie）及潘靜文（Sherman）訪問，為11月舉行的《三生有幸2026巡迴演唱會·廣州站》宣傳。

三人展示童年照，勁可愛。

三人展示童年照，勁可愛。

三人展示童年照，勁可愛。

兄弟情深厚，令人羨慕。

三人獻唱聲線合拍 擁抱見證兄弟情
今集「一晚限定」環節，登場嘉賓是馬明、阿蕭及阿廉，現場合唱經典歌曲《十七歲》、《笨小孩》，三人聲線各具特色，阿蕭聲線厚實沉穩，阿廉聲線響亮有穿透力，馬明聲線溫柔帶磁性，三把聲音混在一起卻意外合拍，默契度十足，令人聽出耳油。談到三人為何組成組合，阿廉透露：「我同阿蕭之前開咗6個演唱會，兩年前我哋喺內地第一個演唱會，大家同主辦方一齊食飯。我哋諗緊搵邊個做嘉賓，餐飯得馬明喺度，問完呢個問題之後，佢（馬明）就望住我哋，禮貌都要問吓，佢又OK，再加上今年係馬年。」造就三人組成期間限定組合。

三人聲音合拍，默契度十足。

阿廉（中）分享組合成團趣事。

三人唱完擁抱，畫面溫馨感人。

阿廉竟然連自己嘅歌都估唔到。

三人亦獻唱《三生有幸》演唱會主題曲，唱得深情又有力量，好聽到「耳朵懷孕」。最後三人擁抱一起，畫面溫馨感人，完美見證兄弟間深厚友誼。談到歌曲創作，馬明則指歌詞非常有意思：「喺我哋人生入邊，遇到每一個錫我哋嘅人，其實都係我哋嘅三生有幸。」而阿蕭構思歌名都別具心思：「三生因為我哋三個都係小生，喺埋一齊越做越開心同快樂。」三人又即場玩遊戲「看圖估歌名」，阿廉竟然連自己的歌都估唔到，場面尷尬又好笑，他忍不住笑言：「好難喎！」

Ophelia（中）同女團Honey Punch遊韓國。

Honey Punch跳舞進步咗好多。

大家玩得開心。

吸引唔少途人圍觀。

Honey Punch街頭唱跳《無糖賓治》吸途人目光
今集另一精彩環節，是「Honey Punch霏首爾」，女團Honey Punch與柯雨霏（Ophelia）在大型服裝店購物，大家見到靚衫都心心眼，Ophelia笑言：「女孩子，果然一講到買嘢積極過人。」眾人換上新裝後，在不同地方取景，大擺誘人、型格、可愛Pose，畫面吸睛。

另外，Honey Punch在韓國受訓成果豐碩，更在首爾街頭唱跳新歌《無糖賓治》，舞步整齊劃一，Wave動作流暢，幹勁有力，臉部表情豐富，吸引不少途人拍攝。她們逐一分享感受：「今次喺韓國真係學到要互相幫助，留意大家，一件事先可以做得好好」、「今次旅程獲益良多」、「我哋真係整齊咗好多」 、「喺韓國受訓最開心係學我哋新歌嘅舞」等。想看Honey Punch精彩演出，敬請留意今晚播出的《J Music 》。